مافياا ❤️‍🔥🌼

p 12

الحلقة 12
-ايه هنا العرض تاع الشخصيات الكبيرة
دخلو بنات وهي تحكيلي وتشرحلي
-هذو لبنات لي يشطحو هنا تحبي نبداو نتعلمو الرقصة درك
-ايه مش مشكل
-هيا نمشيو للصالة
خرجنا من تم رحنا لصالة كبيرة فيها مرايا على طول الحيط وقفو يستناو فيا انا
-قصدك انا نعلمكم ؟ هههه لااااا راني منفهم والو نعرف حركة ولا زوز انتم علموني
عوجت فمها وبدات تامر فينا كل وحدة وبلاصتها يا ربي ساعتين وحنا هكذاك نحس في روحي مت وخلصت وصلت السهرة ليه ليه مع تحضيرات المكياج و اللباس قريب معرفتش روحي شعري مسبسب بصح لي معايا صغير يسكتوه كي يشوفهم من زينهم ولا لي عندهم هذا صدر وهذا شي خلي بلا مانحكي بدا قلبي يضرب كل ما تقرب نروحو دخلنا المسرح هذاك ستارة نازلة بعدها طلعت مكانش بزاف حاظرين كل كنا نشطحو وانا نتحرك من طاولة لطاولة حكمني واحد جبدني لعندو عفت روحي ريحت شراب فيه تلفت كي سمعت ضحك هذا هو لي قالولي عليه دخل معاه البوس قعدوو مع جماعة و يحكيو جابولهم شراب لي طلبوه كنت نفارع بش نقدر نقوم من حضن هذاك اخيرا سيبني مشيت الطاولة تعهم حطيت يدي على راس واحد قاعد معاهم فرفشتلو شعرو وقعدت في حجرو ضحكت ونضت رحت للبوس حطيت يديا على كتافو ودورت ودرت شوية حركات من لي علموهملي بعدها انتقلت لآدم هذا دخلت صوابعي بين خصلات شعرو ونزلت قربت شفافي من وذنو
-انت اجمل واحد هنا نحبك تمسني
رمشت عينيا ودورتهم وانا نحكي هكذا الاحمرة هذو هكذا يخدم دماغهم قربت اكتر هز يدو حطها ورا على وسطي جبدني ليه حطيت يدي على صدرو و يدو تانية هزيت حطيتها على كتافي وطبست جبدت نفس طويل
-ريحتك تجنن
ادم: وانتي تاني كلك تجنني وشعرك يسحر
ندلل وبيديا نخربش في جيابو لقيت لي يحبو عليه جبدتو خليتو في يدي وحصرت اكتر جبدت التاني لي يشبهلو من صدري حطيتو في بلاصتو وجيت رح نقوم جبدني رجعت
ادم: وين رايحة ومخليتني
تبسمت وشفت بطرف عين مع البوس وهو يخزر فينا عينيه متحركوش مني جيت نستنجد بيه زاد على همي عينيه دخلوني للحيط فجأة المشوه جبد كرسي وقعد وهذاك سيبني نضت مشيت لطاولة اخرى شفتهم قعدو يضحكو بعدها رجعت للمسرح لفوق
*****
قاعدين يحكيو
ادم: جديدة هذي اول مرة نشوفها
حسام: ايه جبناها البارح
ادم: نقمرو عليها
ضحك بخبث و حسام دخل يدو جبد دراهم وحطهم على الطاولة
حسام: مش صبية
ادم: صبية متأكد باين فيها متعرف والو
جبد حتى هو نفس مبلغ حطو وشافو مع سراج
سراج: انا راي من راي حسام هههه
جبد حط حتى هو دراهمو
سراج: شكون يحب يروح يتأكد؟
حسام: اديها للغرفة الاول بعدها نقررو
وقف وراح ليها
فديت وقلقت مش عارفة قداه رح نبقا هكذا جيت راجعة خطوة ورا ضرب ظهري في واحد تلفت لقيتو المشوه
سراج: امشي معايا
-اف الحمد لله راني عييت كنت نخمم قداه نقعد اكتر
سراج: قدرتي تجيبي واش قلتلك
-ايه تفضل
حطيتو في يدو كنا ماشيين قدام غرف بعدها وقف قدام وحدة وحل الباب
سراج: ادخلي
-واش جينا نديرو هنا
واقف يشوف في كارت الذاكرة في يدو وجاوبني بدم بارد كشغل حاجة عادية
سراج: شي قمرنا عليك صبية ولا سايي مفروزة
وجهي طلع احمر نحس جلد وجهي ذاب من سخانة حطيت يدي على فمي
سراج: استناي هنا حتى يجي واحد يتأكد
-وش قصدك يتأكد كيفاه يتأكد
شاف معايا طلع حاجبو وانا فهمت عليه من نظراتو تلحت حكمتو
-متخليهمش الله يستر عليك
نزلو دموعي كيما عمري بكيت مش مصدقة لي راه صاير مكبشة فيه علخر ضفاري تغرسو في جلدو
سراج: علاه
-راني صبية والله عمرو واحد قرب عليا متخليهمش مش في لعبة قمار هكذا حرام عليكم
نشهق من البكا شفت من عينيه بلي قلبو حن
سراج: بففف يعني خسرتيني في دراهمي درك بففف
سكت نشوف معاه حك راسو و مشا قفل الباب ورجع ليا
سراج: اوكي مش رح يصير عليك شي
نحا تريكو تاعو رماه فوق السرير ومشا لصينية فيها فاكهة هز سكين الفاكهة ورجع لعندي
سراج: نحي واش لابسة من تحت
قلبي تنفض وش راح يدير
سراج: تحركي قبل ما يوصلو
طبست نحيتو من تحت الروب هذيك وجهي رح يذوب مديتهولو حكمو وجبدني من يدي
سراج: احسنلك واحد ما يشوف الجرح هذا
جرحني من كف يدي مسح الدم وحطو في جيب سروال قلبي يضرب تقول عليه في ماراتون نجري
سراج: خبشيني هنا
حكم يدي حطها ورا رقبتو ويشوف في عينيا غرست ظفاري بكل قوتي وجبدتهم على طول رقبتو هو عينيه منحاهمش من عينيا بعدها حكم يدي حطها على صدرو
سراج: وهنا
درت نفس الشي وهو دور يدو على وسطي وجبدني ليه لصقتو نفسي تقطع كي حسيت شفافو على رقبتي بوسة طويلة ونزل تحتها اخرى على عضم بين رقبتي وصدري خلا اثار زوز بوسات
سراج: هكذا ميشكوش
مشا حل الباب ورجع ليا حكمني من يدي داني للسرير قعدني دقيقة من ورا سمعنا تدقديق
سراج: طلعي رجليك للسرير
طلعت رجليا والباب تحل هو ضحك وانا زربت هبطت رجليا تلفت ليهم دخل البوس ومعاه آدم شافو فينا وهو جيد لباسي الداخلي من جيبو ورماه لعند ادم
سراج: ربحت صاحبي
مشا هز تريكو يلبس فيه و حسام قعد يشوف معايا نظرة مش مفهومة بعدها تبسم وخرج وراهم وقفلو الباب نضت بش نخرج من تم كان مقفول محبش يتحل قعدت على الارض مش عارفة نبكي ولا نندب زهري