مافياا ❤️‍🔥🌼

p 20

لحلقة 20 👠

كلهم مزالو مصدومين من لي سمعوه إلا آدم لأنو من الاول عارف كلشي أمير مرر يدو على شعرو ونزلها على حزامو عينيه مع نجلى يشوف معاها أما تفكيرو في شي آخر ريان واقفة بعيد عليه مزالت تفكر في انو ملاك اخت حسام تتخيل في رد فعلو كي يعرف
أمير : تحركي
رجع سلاح ورا على حزامو ومشا حكمها من ذراعها يجرجر فيها وراه
نجلى: وين
أمير : انسحبوا كل وهيا
خرج من عندهم دا نجلى معاه و كيما جاو راحو ريان قعدت على الارض مزالت الصدمة والخوف متملكينها آدم خرج يشوف رجال وقت ريان خرجت عندو
ريان: علاه ما حكيت حتى كلمة
ماشي مش يرد عليها
ريان: آدم نحكي معاك
تلفت وقف يشوف معاها
ادم : نعم
ريان: كنت تعرف من الأول اب حسام وانو عندو إخوة
آدم: مكنتش نعرف حتى انا اليوم الصباح وين عرفت أمير هذا
ريان: و ملاك ؟
آدم: حتى ملاك معنديش مدة من لي عرفت
ريان: وعلاه ما حكيتش
آدم: نعم
ريان: علاه ؟
آدم: ايه
ريان: جاوبني ؟
آدم: اوكي
وقفت تشوف معاه وهو يشوف
ريان: ايه نستنى
بقا ساكت و يتبسم
ريان: ااااع بش طلعلي دم مالا كيما كنت ساكت كمل ساكت خليني انا نحكي لحسام
آدم: موافق
قلبت عينيها منو ومشات تشوف لينا وصل سراج و حسام بعد ما خلص العرض كل ...
طريق كل والافكار تدي فيه و تجيب و كأنو الطريق هذيك زادت طوالت يسوق كيف المجنون بين طوموبيلات بأقصى سرعة ممكنة حتى انو معادش شايف سراج لي كان وراه اول ما وصل هز سلاحو ونزل يجري يشوف في زوز رجال واقفين عند جثة واحد
حسام: وينو
خرج آدم يديه في الجياب
آدم : راح
طلع حسام الدرجات هذوك بسرعة
حسام: ويني ريان
آدم: الكل ملاح راهو دا معاه نجلى وراح
ما استناش ادم يكمل كلامو طلع يجري عند ريان و سراج هذاك وين دخل كي شافو ادم نزل عندو
سراج: وش صرا وينهم
آدم: راح سايي ما صرا والو
سراج: و ريان
جا ماشي يشوف اذا ريان مليحة حكمو آدم من ذراعو جبدو
سراج: شبيك نحي يدك
دزو بعيد عليه رجع وقف آدم في طريقو
آدم: ويني ملاك
وقف سراج ساكت فجأة تذكر هو علاه كان في السبيطار
سراج: في السبيطار ودرك بعد عليا
آدم: سراج ريان راجلها راهو معاها انت معدتش مسؤول عليها ولا على سلامتها بصح لي درتو بحق ملاك عيب لانها مرمية في سبيطار كي تفيق ولا كشما يكون ما تلقا حد
مسح على وجهو لانو تقلق كلام آدم صحيح رغم انو مش حاب يسمعو
ادم: خسارة انها منجذبة ليك بصح ميهمش لانو انت مش مستاهلها و رح تعرف يوم اعجابي بيها قدماه لانو خليتلك فرصتك و ما استغليتهاش درك رح نمسح أي فكرة ليك عندها
مشا و خلاه باقي واقف لحضات شاف جهة باب الفيلا من بعد رجع الطوموبيل تاعو وقت آدم حل الباب جنبو وطلع
سراج: وين
آدم: خليت طوموبيل تاعي وسط المدينة وصلني معاك
نفخ وهو يدور في عينيه منو و مشا رجعو خرجوحل باب الغرفة لقاها قاعدة و لينا في حضنها دخل يجري لعندها حضنهم
ريان: حسام ..
كبشت فيه بيد وغرست وجها في رقبتو بعد شوية حكملها وجها بين يديه باسها ورجع باس لينا ويشوف معاهم يتفقد في كل انش منهم
حسام: راكي مليحة ماصار عليكم شي ؟
مررت يدها على خدو
ريان: ملاح
ضرب يدها بعيد ووقف حكم في شعرو وتنهد
حسام: ن**** يا ريان كلو منك
تلفت للطاولة جنب السرير ضربها و باقي يضرب فيها حتى طاحت و طاح كلش عليها ريان بعدت بسرعة من قدامو لينا تفجعت من صوت صياحو و تكسير بدات تبكي وهو رجع ليها بقات تبعد حتى لصقها مع الحيط قرب اكتر حط يدو على الحيط
حسام: كلو منك ومن صحة الراس لي عندك
ريان: وش لي مني انا
حسام: كون ساااافرتي يا ***** كون سافرتي
يصيح بأعلى صوت عندو و لينا غير تزيد في البكا ريان رجعت ترجف تسكت فيها
ريان: بصح ما صار شي
شاف معاها كأنو قالت كلام كبير نضرتو قريب تقتلها بلعت ريقها
حسام: رجعي عاودي وش قلتي .؟ ما صار شي ؟ مثلا وش تحبي يصير نرجع نلقاك جثة و لينا كيف ؟ وش تعريف تاعك ل ماصار شي كان هنا كنتي انتي هنا وانا كنت مكانش وش تحبي يصير اكتر
دقدق الباب
حسام: شكون هذاا
يصيح و ريان مشات تجري حلت الباب
-مدام جبت الحليب كيما طلبتي
حطت لينا في حضنها
ريان: لغرفتها بسرعة
رجعت قفلت الباب وتلفتت ليه
ريان: حسام اسمعني
حسام: مانسمع والو
تلفت ورجع يكسر و يرمي حكم الأغطية تع السرير قلعهم و رماهم
ريان: حسام هدي روحك
شاف معاها ومشا حكمها من رقبتها بيد وحدة
حسام: علاه دخلتي حياتي علاه تحبي تعيشيني نفس الكابوس مرة أخرى ميكفينيش لي شفتو قبل كل علاه مصرة تخلي قلبي يوجعني كل مرة
دز فيه نفس تقطع عليها سيبها كي حس انو خنقها ومشا حل الخزانة ينزل في ثيابها للارض
حسام: رح تسافري مش بيدك هذا مش رح تمشي كلامك عليا طول عمري نمشي كلامي مش رح نجي عندك و نوقف
يحط في الثياب في الفاليز مشات ليه نطرتهم من يدو رماتهم
ريان : مش رايحة مش رح نسافر
زاد هبل حسام اكتر يكره كي تقلو لا تخليه يحس انو ضعيف قدامها وانو كلمتو عليها ما تمشيش
حسام: ريان متخلينيش انا نقتلك و نتهنى من وجاع الراس
جبدها رماها على السرير جا فوقها ثبتها متقدرش تتحرك يحكي ويلز على الكلام
حسام: رح تسافري هذا اخر كلام عند و انا الراجل هنا وانا كلمتي لي رح تمشي
بصبعو يضرب على راسها
حسام: كلامي خليه في راسك هنا هنا فهمتيني مكش رح تمشي كلامك عليا سمعتلك بما فيه الكفاية
ريان: سيبني مش مسافرة قلتلك
كبس على يدها اكتر و يصيح هي خوفها منو مزال بنفس الدرجة خوفها منو و من تصرفاتو عمرو نقص بصح لي تبدل انها تعلمت تواجهو رجعت تعرف انو مهما تمادى معاها عمرو يقدر يأذيها بشكل كبير
ريان: مش مسافرة
حكات بصوت خافت فيه نبرة تع تأكيد تخزر في عينيه
ريان: حتى لو قعدت هنا و مت معليش موت انت ورايا انتقملي و موت و اذا مت انت نموت انا وراك بصح مش رايحة مش مبعدة عليك وكون تسفرني والله نقتل روحي ورح نموت في كلتا الحالتين
رخف يدو عليها وبعد منها مصدوم من لي قالتو قعد يشوف معاها وهي وقفت حطت يديها ورا رقبتو كبشت فيه حتى ضوافرها تغرسو في بشرتو
ريان: منقدرش نبعد عليك افهمها معندي وين نروح وصدقني اول ما تسفرني نقتل روحي تعرفني مجنونة نديرها نبقا هنا معاك يا نعيشو مع بعض يا نموتو مع بعض
حسام: ري..
حطت يدها على فمو
ريان: اسس انا منذكرش عشت نهار في حياتي متهنية من يوم موت امي مشفتش الفرح هذا إلا معاك رغم انو بطريقة غريبة بصح وانا معاك هذاك كل لي نتمناه مكانش ريان من غير حسام و مكانش حسام من غير ريان انت لي لازم تفهم الكلام هذا
تضرب بصبعها على راسو نفس لي عملو معاها
ريان: افهمو و خليه هنا هنا بالذات
تبسم شبه تبسيمة مكسورة الحزن لي عبرت عليه اكتر من الفرح و مع هذا نظرة في عينيه تع فخر
حكم وجها بين يديه وقرب منها حط جبهتو على جبهتها وكبس بقوة
حسام: منين طلعتي و وين كنتي العمر هذا كل ياليتني عرفتك قبل ما نغرق في المستنقع هذا
ريان: رح نطلعو منو يد في اليد
جبدها لحضنو بيد ورا وسطها ويدو التانية ورا راسها باسها و جبد شفتها بين سنيه عضها حتى مع صوت انين تعها ودز فيه محبش يسيبها حتى حس بطعم دم على شفتها بش سيبها دموعها نزلو مسحهم وقرب باسها من خدها
حسام: هذي لانك عارضتي كلامي
من جهة أخرى سراج و آدم وصلو لعند ملاك بعد ما سألو عليها مشاو لغرفتها دقدق سراج الباب وحلو
سراج: نقدر ندخل
ملاك: ايه
دخل و وراه آدم كانت في السرير يدها مكسورة ( رسغ) و مقوم على رقبتها متقدرش تحركها
سراج: وش حاسة روحك
ملاك: موجوعة وش رح نحس في رايك هههه
آدم: مكش جيعانة ؟ ظاهر ما فطرتيش عليها دختي وطحتي في الدروج
ملاك: مطحتش دزتني نجلى
شافو في بعضهم
سراج: كاين أمور جديدة صرات
ملاك: وش هي
سراج: نخرج نشوف المعاملات تع السبيطار و آدم هنا يحكيلك لانو هو يعرف كلشي
حك آدم راسو وتنهد : رح نموت و انا صغير جمال رح يشرب من دمي كنت عارف والله
ملاك: وش تحكيلي
صوتها قص عليه صوت تفكيرو مشا حط كرسي مقابلها وقعد
آدم : رح نحكيلك وهو مش وقت مناسب كامل بش نحكيلك وعندي مدة نخمم نحكي معرفتش منين و لشكون
ملاك: بديت تخوفني احكي راسي مزال يوجع فيا من الضربةيوجع فيا من الضربة
ادم: اول شي نجلى كي دزتك حبت تقتلك
ملاك: واضح اما علاش حبت تقتلني
آدم : تعرفي جمال عبد الكريم
وساعو عينيها بقات تشوف معاه
ملاك: آدم بدني كل يوجع وراسي اكتر منعت من الموت ابدا من الاخير بلا تمهيدات مش قادرة نسمعها
آدم: طولي بالك لانو لي رح نقولو يقدر يدخلك في غيبوبة
ملاك: احكي
آدم: جمال طلب مني نلقاك و نقتلك
ملاك: انت تعرفني من قبل؟
ادم: لااااا يوم انتي جيتي عندي كانت صدفة وفي وقتها بالذات كنت نحوس عليك عرفتك وانا منعرفش انو انتي بنتو هو هددني لانو سربت معلومات تخصو قالي نلقاك ونقتلك
ملاك: يعني يعرف اني كنت نسأل عليه ؟
آدم: ايه
ملاك: يعني نجلى بنت الكلب من طرفو هو
آدم: يعني مش بالضبط تقدري تقولي
ملاك: كيفاه
آدم: من طرف أمير بصح مش هو طلب منها تقتلك لانو ميعرف عليك شي طلب منها تتجسس على حسام
ملاك: خربطتني أمير شكون
آدم: فففف اذا تتذكري كان عندك اخ
ملاك: أمير؟
آدم: بالضبط
شفتها ترعش من الفكرة خوها لي طول عمرها كانت متصورة انو مات طلع حي
ملاك: آدم مش وقت دمك الخفيف احكي معايا
آدم: أمير خوك و ميعرف حتى شي عليك اليوم كان معايا دار مداهمة على الفيلا
ملاك: حتى هو مفيوزي كيف بابا
آدم: يمكن اسوء
ملاك: منظنش كاين اسوء من جمال
آدم: المهم كاين شي تاني
ملاك: شوف آدم لي سمعتو درك يكفيني راني مزلت حايرة نفرح ولا نبكي كي طلع عندي اخ مفيوزي
آدم: كي نقلك اخر حاجة رح تعرفي وش ديري متأكد
ملاك: وشنو
حسام: باباك عندو ولد تاني هو لي بعتني نهددو لانو بسببو صارولي المشاكل هذو كل وقعدت في وسط حرب منشكل حتى طرف منها
ملاك: مفهمتش
آدم: قلتلك هددني نقتلك بش يسامحني على المعلومات لي سربتها باباك بدل اسمو رجع اسمو جمال عبد الله مش جمال عبد الكريم ولي طلب مني نلقاه هو حسام
حطت يدها على فمها تخبي الدهشة
ملاك: وحسام علاه يحب عليه
آدم: لانو حتى هو باباه يعني حسام اخ ليك انتي و أمير
سكتت وجها يعبر على لي تحس فيه بعد ثواني
ملاك: كنت تعرف من اول يوم ؟ حتى انك كنت ترمي كلام وحد ما كان فاهم
آدم: ملاك معنديش مدة من لي عرفت صدقيني
ملاك: اطلع برا
مرر يدو على شعرو ووقف
آدم: حاضر و مرة أخرى الحمد لله على سلامتك
خرج واول ما رح يقفل الباب سمع صوت بكاها غمض عينيه قفل الباب ومشا لعند سراج
آدم: انا نروح وانت خليك معاها محتاجة دعم تاعك
سراج: يمكن هي استقبلت الخبر بصدر كبير وطلبت منك تطلع برا حسام مش من النوع لي رح يعجبو الامر نقترح تبقا بعيد مدة
ادم: رح نتصرف ما تخافش عليا ديما نلقا منفذ
مشا و يديه في الجياب وقف يشوف مع ممرضة
آدم: ممم زين هذا كل خاصتو حاجة وحدة
-نعم مسيو؟
آدم: خاصك رقم تيليفوني
ضحك سراج عليه و مشا لعند ملاك
وفي الجهة التالتة 😂😂 رجعو جهات بزاف
كان أمير قاعد على الكرسي مرخي بدنو كل راسو ورا يشوف مع سقف سلاح في يدو ويدو الأخرى فيها ڨارو و نجلى مقابلتو على السرير راقدة شفتها مجروحة
نجلى: رح ندفعك ثمن الضرب هذا كلو يا أمير يا ولد جمال
هز يدو لي فيها الڨارو جبد نفس طويل ورجع نزلها وخرج الدخان فوق
أمير: ولو ضربتك حتى طلعت روحك مش رح يبرد قلبي ومش رح تطفى نار لي شاعلة فيه يلعن الساعة لي عرفتك فيها يا نجلى
ضحكت باستهزاء مخلط مع صوت رجفة
نجلى: كنت تقلي محلى الساعة لي عرفتك فيها يا نجلى هههه كلكم كيف كيف
أمير: لا مش كلنا كيف كيف انتي حبيتي تدي كلش حبيتي الجاه والسلطة و الحب معاهم خليتيني طلعت انا الخائن وحدي وانتي معندك حتى ذنب حتى انو طلبتي من بابا تتزوجو في نفس الليلة لي كنتي فيها معايا وقلتلي نحبك
نجلى: طلبت منو ايه بصح نحبك انت
أمير: بعدها قلتيلو رغمتك بش تكوني معايا بش نقهرو
نجلى: كان رح يقتلني مكانش عندي حل
أمير: و تصورتي رح يختارك انتي
هز راسو شاف معاها قاعدة على السرير بدنها زرق من ضرب لي كلاتو
أمير: هاو طلب مني نلقاك و نرجعك عندو بش نقتلك
نجلى: وانت ما رجعتنيش يعني مش حاب نموت انت مزلت تحبني أمير
حرك راسو لااااا هز سلاح حطو على شفافو بمعنى أسس
أمير: اسسس اسمي ميجيش على لسانك ما قتلتكش لانو نار هنا مزالت شاعلة
وجه يدو لقلبو بمعنى هنا
أمير: حتى تطفى بش نديك نقتلك قدامو
نزلت تمشي لعندو ذبل في عينيها
نجلى: حتى انا نار شاعلة في قلبي عليك حتى انا روحي قاعدة تتحرق عليك وكون نلقا كيفاه نرجع كلش ورا كون رجعتو
وصلت عندو نزلت على ركايبها حطت يد على رجليه و يد على خدو
نجلى: سامحني وانا مستعدة لكلشي يخليك تحس احسن من هكذا
حط سلاح بعيد على طاولة وحكم يدها هز باسهاهز يدو لي فيها الڨارو وحطو على يدها طفا جمرتو عليها
أمير: قلبي كيف الجمرة هذي رح يكويك اذا قربتي
سيبها بعدت عليه تشوف مع الحرق في يدها وتبكي
نجلى: نقبل نتحرق
جاوبتو وهي تخزر في عينيه و وقفت رجعت عندو مررت يدها على شعرو وطبست باستو بقات تسيتت حتى سحبتو للسرير
كانت قاعدة محضنتو تهدي فيه تخمم كيفاه تجبد الموضوع معاه يخي سبقها هو وقف بسرعة حكمتو من يدو
ريان: وين وش كاين
حسام: لازم نمشي عندو لازم نقتلو قبل ما يقتلني
وقفت ليه حكمتو
ريان: استنا نفهمك
حسام: لا سايي قررت
ريان: لا متقدرش تقتلو
حسام: نقدر علاه ما مقدرش
جبدت نفس طويل بما انو الألم فيها فيها رح تحكي كلش في بعضو
ريان: أمير خوك هو و ملاك ولاد جمال عبد الكريم لي هو جمال عبد الله لي هو باباك
بقا واقف ثواني يشوف معاها و ضحك
حسام: هههههه ملاك اختي انا ههههههههه هبلتي
ريان: اختك ايه آدم يعرف كلش من الأول
حسام: وش قصدك آدم يعرف كلش
تنهدت و مشات عندو حضنتو تحكي بصوت حنين
ريان: حسام رح نفهمك من اول المهم انت تسمعني بلا ما تقلق
حسام: ابداي تحكي لانو قلقت وفات الحال
ريان: نرجعو نقعدو بش نحكي
حسام: ريان متبدايش يا تحكي يا نمشي لغيرك يحكي
ريان: حسومي روحي ارواح درك نحكليلك كل كلمة قالوها
خلاتو يقعد وقعدت مقابلتو
ريان: اففف منين نبدا درك أمير كي جا هنا ...
حسام: أمير الكلب ...
ريان: اسس متقولش هكذا خليني نحكي ..كان حاب يشوف ملاك لانو آدم اتصل بيه جمال لي هو باباك قالو تلقاها وتقتلها تماما كيف ما هددك انت
حسام: يعني يعرف لي انا وملاك إخوة هكذا ؟
ريان: ايه
حسام: يعني سراج بايت مع اختي البارح
ريان: شوفو فاش خمم يخي حالة طفلة كبيرة تعرف صلاحها يخي دبر عليها انت البارح مكنتش معبرها درك تقلي سراج بايت مع اختي
حسام: عندو مغناطيس للنسا لي من جيهتي
ريان: الحق كنت رح نقول العكس ههههه
عقد حواجبو يخزر فيها
حسام: يعني هذاك لي منعرف شكون ولا عمري قابلتو يحب يقتلني طلع حتى هو خويا
حركت راسها ايه
حكم شعرو ووقف يدو حطها على حزامو يمشي
حسام: والكلب تع جمال وش قالو عليه
ريان: واحد ما جاب سيروتو الا هكذا
حسام: يعني ملاك كيفي تحوس عليه اكيد لي مايتسماش حتى هو يحوس عليه
ريان: خوك حسام
وقفت عندو و حضنتو من الخلف وتحكي
ريان: حسام لينا رجع عندها عمتها و عمها
حسام: منين نعرف عمها هذا مش عمها ومنقدرش نسمح يكون عندو صلة بيها
ريان: يعني انت متقبل فكرة ملاك تكون اختك
حسام: ملاك مش شريرة كان عندي وقت بش نعرفها
ريان: شفت حتى مع أمير هذا لازمك وقت بش تعرفو و ممكن تتفاهمو
حسام: ملاك في سبيطار
تلفت ل ريان
حسام: كلميها
ريان: تيليفونها هنا درك نكلم سراج
نطر تيليفون من يدها
حسام: ما تكلميهش راهو هنا جا معايا
ريان: خليتو الطفلة وحدها عيب عليكم امشي نروحو عندها
حسام: لا منقدرش نرجع نخلي لينا وحدها ومنقدرش نخرجو كلنا
ريان: رح نقول ل سراج يمشي عندها
حسام: لااا درك نمشي انا نقلو
حلت عينيها بشوية تشوف معاه راقد تحركت بشوية ما حلش عينيه سحبت روحها من الفرش من غير صوت لبست ثيابها بسرعة عينيها عليه تتأكد انو ما فاقش وقفت شافت معاه مرة أخرى
نجلى: سامحني لكن انت متقدرش توقف في وجه جمال
تنهدت و مشات حلت الباب وخرجت هربت منو حسام كي ما لقاش سراج كلمو يسألو على ملاك
سراج: هذا وين كنت معاها قالو نقدر نخرجها
حسام: صحا صحا مالا كي توصل نحكيو
سراج: مش جاية للفيلا حابة تروح لدار تعها
حسام: اوكي
قص عليه و نفخ
ريان: وش قال
حسام: قال رح يديها ل دارها مش حابة تجي هنا
ريان: معليش
تمسح على ظهرو بيدها
ريان: حتى هي تكون تصدمت من لي سمعتو وتحب تكون وحدها
حسام: ايه حتى انا ما قلت حتى شي
من جهة أخرى سراج كان مع ملاك داها للدار حبت تقعد وحدها لكن هو أصر يبقا معاها و نجلى وصلت عند جمال
جمال: وووه جيتي برجليك عندي وش من هلال طل علينا
نجلى: عندي ليك خبر
جمال: لي هو
نجلى: ولادك اجتمعوا
اول ما سمع ولادك وجهو تبدل
جمال: وش قصدك
نجلى: ملاك أمير و حسام اجتمعوا