مافياا ❤️‍🔥🌼

68

👠 الحلقة68 👠
قاعد يضرب بالسهم على المكتب و يشوف معاه عوج فمو كأنو يخمم منين يبدا وانا ندعي انو ميسألنيش حاجة تخص سراج تنهد بقوة خلاني نبلع ريقي شاف معايا وتبسم تبسيمة كلها شر بديت نرجف من الخوف
حسام: ايه منين نبدا
طلع حاجبو
حسام: ايه قوليلي ميرال كي طلبت منك تصوري الاوراق علاه
-قالت تحب تتخلص منك لانها تكرهك
حسام: مممم و شكون تهجم عليك الصباح
سكت نخمم اذا قلتلو رح يسألها ورح تبيع سراج
حسام: نستنا
-معرفتش شكون مشفتهمش
هز السهم رح يرميه تكبست وغمضت عينيا
حسام: شبيك خفتي المفروض راكي واثقة من جوابك
قلبي يضرب واش يفوت الليلة الكلبة هذي
حسام: اوكي خلينا من هذا قوليلي انتي علاه حابة يقتلوني
شفت معاه مش لاقية بش نجاوب جبدت شفافي بين سنيا
حسام: راني شايف بلي مفهمتيش اللعبة تعنا لازم تبداي تجاوبي
جبدت نفس طويل
-حسام
قلت اسمو بصوت ناقص و بلا مسيو تع الهم
-حسام خلينا نحكيو كي الناس نقعد و نحكيلك كلش
حسام: كلش ؟
-ايه
حسام: اوكي ارواحي معايا
وقف مشا و رجع شاف مع الكاس فوق مكتبو
حسام: تحتاجيه ؟
حركت راسي لا
حسام : اوكي
مشا حل الباب وانا تبعتو مشينا للغرفة تاعو حل الباب و دخل
حسام: ادخلي
دخلت وقفل الباب رمشت مع صوت المفتاح يدور
حسام: اقعدي
مشيت للفوتاي تاع الجلد لونو بني قعدت وهو مشا جاب كاس وقعد قدامي رجع ورا رجل على رجل يد على ظهر الفوتاي ويد فيها الكاس
حسام: نظن انتي متقدريش تشربي كون جبتلك كاس
رجلي ترعش من التوتر مزلت نخمم وش نحكي
حسام: ايه ابداي
شفت معاه عينيا رح يدمعو
-من فضلك نحكيلك كلش بصح توعدني تنفذ طلب نطلبو منك
حسام: لي هو
-منقدرش نقلك حتى توعدني
حسام: منقدرش نوعدك
-نطلب المسامحة
حسام: كي تحكيلي انا نقرر نسامحك ولا لالا
-مش ليا
عوج فمو
حسام: لشكون ؟
-منقدرش نحكي
حسام: الناس هذو لي راكي تحمي فيهم هوما خممو فيك ؟
-ايه خممو و نصحوني نبعد لكن انا درت كلشي من وراهم بش نحميهم سع ندبتلها اكتر
حسام: بعتيني بش تحمي ناس غيرك ؟ شكون لي يستاهل لهذ الدرجة ديري على جالو
سكتت
حسام: موافق راح نسامح فقط لانو غالي عليك ابداي احكي
-اوكي اعطيني كلمة
حسام: كي نحكي كلمة منرجعش فيها متخافيش
تنهدت و حتى قبل منبدا نحكي حسيت براحة
-ميرال طلبت مني نجيب الاوراق لانها تحب تقتلك و اتفقت مع جماعة قبل و اتفقت مع سراج
حسام: سراااااج !!!! كملي نسمع فيك
-انا صورت الاوراق
حسام: طبعا الاوراق لي انا خليتهم ولي معرفتوهش انو مكاين حتى سلاح مكاين حتى صفقة انا هو نفس الشخص كلشي كان خطة
حليت فمي باهتة يخي هذا حية بزوز ريسان
حسام: كملي
-افففف نهار انت فصلتني صح لي حكيتو الجماعة خطفوني وهددوني يقتلو سراج
حسام: يعني خفتي على سراج بعتيني انا ؟ هه مليح
ضحك بصح خرجت بصوت فيه غصة قلبي تقطع
- اللي هجم عليا اليوم كانت ميرال حسام: وعلاه خبيتي عليها
طلع حاجبو يستنا فيا نجاوب
-لاني خفت تستجوبها
حسام: علاه واش عندها ضدك
تنهدت
-رح نقلك بصح انت وعدتني
لز على سنيه وهذا كان واضح من عظام فكو لي برزو كمل شرب لي في الكاس مرة وحدة وحطو وقعد مركز معايا
حسام: احكي خليني نشوف واش الشي الكبير هذا
عضيت شفتي نطرطق في صوابعي
-ميرال تعرف حوايج مش مفروض انت تعرفهم هددتني
حسام: واش
عقدت حواجبي مش عارفة كيفاه نقلو