p9

164 4 0

by marwakirat

by marwakirat

الحلقة 9
واقفة في الغرفة تاع المكتب رجليا يرعشو كي دخل هذاك زاد خزر فيا و ضمادة لي على خدو فكرتني في لي درتو انشاله يقتلني بلا مايشوهني مش حابة نتعذب صوت المشروب وهو ينزل في الكاس تلفت كان البوس تاعو يصب في كاس هزو وقعد ظهرو على ظهر الكرسي رجل على رجل
حسام: شكون هذي
سألو وهو يشوف معاه و بصبعو تاع يدو لي هازة الكاس شور ليا وهذاك مزال يخزر فيا ورجع يشوف معاه
سراج: هذي لي سرقت الساعة
شرب هذاك المشروب مرة وحدة و حط الكاس ظربو على سطح المكتب وهو يشوف معايا خلا قلبي تنفض من الصوت عضيت شفتي و يديا كبشو في تريكو تاعي رجع تكا على وراه
حسام: واش جبتها دير هنا علاه ماقتلتهاش ديجا
سراج: لانها كذبت عليا
تلفت شاف معايا شهقت فاه كذبت وش قصدو
حسام: فاه كذبت
حط يديه في الجياب ومشا لعندي هو يقرب وانا نبعد حتى وصلت لطاولة ورايا طبس شوية وجهو قابل وجهي نزلت راسي نشوف تحت وعينيا فيه من الطرف نفس تاعو في وجهي مكشر
سراج: قالتلي لي شاف الساعة صايغي بصح لي شافها واحد كانت تخدم معاه يسرقو ويطلبو خلاتني رحت حتى للصايغي قتلتو و ماقالتش لا نكذب هكذا ولا لالا
هزيت عينيا فيه دزيتو بعيد منسمحش لواحد يقولي كذابة حكيت بصوت عالي
-آي بلعقل على روحك شكون قالك كذبت ايه الساعة شافها الصايغي لي قتلتو الله يرحمو و مايرحملك عظم منك و هذاك اصلا نسيت اني نعتهالو وش تحسب في مخي اجوندة
نحكي ونصيح نسيت على روحي نحسب مزلت في شارع في حينا مع نسا و جيراني مفقتش غير بالكف لي جاتني دورتلي وجهي خدي تقول شعلت فيه النار حطيت يدي عليه وعينيا دمعو سمعت هذاك يضحك و صفق تلفتنا ليه مرر يدو على شعرو رجعو ورا ووقف
حسام: هههههههههه
جا لعندنا قرب مني خفت حكم يدي لي على خدي جبدني مشا على وراه ومزال يضحك
حسام: هههههه متخافيش اقعدي ههههههههههه قتلتني ضحك
سراج: لسانها اطول منها
شاف معايا وتبسم على جنب ولاخر واقف ويغزل
حسام: كيفاه اسمك؟
شفتي ترعش من البكية لي راني حاكمتها شفت معاه
-ريان
صوتي خرج ضعيف مع بكية فيه
حسام: ايه درك احكيلي كيفاه خرجتي من الغرفة منين تعرفي طريق المخرج ومنين تعلمتي
هبطت عينيا لتحت وزدت هزيتهم مع المشوه لي واقف تنهدت
-سرقت المفتاح من الحارس
سراج: كيفاه سرقتيه
-خليتو يدخل لعندي تظاهرت اني مريضة كي هزني حطني على السرير جبدت منو المفتاح
تبسم و لاخر نطق
سراج: قلتلك يدها خفيفة انا محسيتش عليها
حسام: وين تعلمتي تسرقي هكذا
-من الشارع
حسام: يعني تربيتي في الشارع تعلمتي كلش منو
سراج: حسب لي شفتو وين تسكن اكيد رح تتعلم
حسام: ايه مليح
حط يدو على ظهر الكرسي رفع بدنو وقف ومشا لعند سراج حط يدو على كتافو
حسام: وخدك وشبيه؟
عوج فمو وشاف معايا
سراج: ضربتني بسكين
حسام: هههههههههههههههههه سرقتك و علمت عليك هربت من غرفة و خدعت 3 رجال والله عجبتيني خسارة
رجع شاف مع صاحبو
حسام: دير اللازم
مشا وهذاك جبد سلاحو بعد رح يقتلوني نضت نجري لهذاك قبل ما يخرج حكمت يدو نبوس فيها
-متقتلنيش سامحوني والله بابا مريض واختي صغيرة مكانش لي يصرف كنت مضطرة نسرق والله تبت عندي 3 اشهر مسرقتش سامحوني ندير اي حاجة
جبد يدو مني بهدوء وشاف مع صاحبو
حسام: واش تستنا
حط سلاحو على راسي و يحكي معاه
سراج: خممت كون نستخدمو خفة يدها في حكايتنا هذيك
انا كنت واقفة بيناتهم سلاح على راسي بين موتي وحياتي كبسة وهوما يحكيو بكل هدوء يتناقشو يخليوني ولا لا يا ربي استرها اخر مرة نسرق وعد غمضت عينيا
حسام:كيفاه
سراج: جبتها من بار تاع تيم تخدم مع رقاصات لي عندو
حسام: ومن بعد
سراج: عرض يحظر ليه آدم وهي تسرق واش نحتاجو منو
حليت عينيا دورت شفت فيه
-كنت ندعي في ربي اذا ما متش منزيدش نسرق متصلحش شوف حاجة اخرى
سراج: انتي من كل عقلك تناقشي فيا ؟
صاح بصوتو هذاك لي يرعب
-خلاص اوكي نسرق نسرق معليش ربي يغفر