مافياا ❤️‍🔥🌼

39

الحلقة 39
رحنا لمطعم كبير تعشينا وبما انو معنديش فقه في واش ياكلو هنا خليتو هو طلب في بلاصتي واصلا محشمنيش بعد ما تعشينا طلب تحلية
حسام: واش رايك فيه ؟
-في واش ؟
حسام: ههه الموعد
-مليح يعني احسن من لي كنت متوقعة
حسام: يعني اذا طلبت مرة أخرى توافقي ؟
سكتت و حطيت شوية تاع ڨاتو في فمي
حسام: يعني نعاقبك بش تخرجي ؟
ضحكت هنا لانو هذا ما يشبه لواااالوووو في العقاب
-يعني إذا رح تعاقبني هكذا كل مرة منقولش لا
ضاقو عينيه وضحك على جنب وانا فقت بلي الجملة تاعي خرجت غالطة يعني مش هذا قصدي
-هه قصدي ايه نوافق نخرج مرة أخرى
حسام: مليح كملي بش نوصلك و نرجع حتى انا
شفت معاه بلعت لي في فمي و مسحتو
-يعني سايي خلصنا نروحو نروحو حسام: علاه وين تحبي تروحي تاني
-مش عارفة نحب نتعرف عليك اكتر
حسام: لي يحب يتعرف ميقعدش ساكت
-سامحني بصح مش متعودة نحكي انا وانت صراحة تخوفني
حسام: حتى انتي مش ساهل يتحكا معاك
-ساهل انت جربني و شوف
حسام: ايه وين تحبي نروحو
-لدارك
كان هاز كاس في يدو يشرب شرقت في حلقو رجع يكح وشاف فيا باهت بلعها بسيف و شبع ضحك حتى لي في طاولة مقابلينا شافو معاه وانا وجهي ملقيت وين نحطو
حسام: مدرتش في بالي حابة تروحي معايا للدار
-مش كيما فهمتها بركا متضحك
حطيت يديا على وجهي
حسام: ايه نروحو
شفت معاه بلعت ريقي وما قلت حتى كلمة
طلعنا في الطوموبيل قلبي نحسو رح يخرج من الخوف بصح هو سهرة كلها محاول يدير والو تعامل معايا بكل ظرافة و تربية ساكتة مش عارفة واش ندير بصح الاكيد انا رحت معاه لازم نلقا الاوراق نصورهم شفت معاه ساكت هدوء على غير العادة يد على المقود ويد على شباك المفتوح الريح يلعب بخصلات شعرو و صوابعو على شفتو كانو يخمم تنهدت شاف معايا بطرف عين
حسام: تباني خايفة ومكش مرتاحة
-سكوت تاعك مش مريح
حسام: منيش من النوع لي يحكي بزاف
-ايه صح راهي من قواعدك متعاودش الكلام و متخليناش نسألو انت تحب تنفذ
حسام: بالضبط
رجعت شفت مع الشباك و حطيت شعري ورا وذني بعدها شفت دار من بعيد وكل ما نقربو طرافي ينملو اكتر حتى وقفنا جنب الباب
حسام: متخرجيش
نزل هو مشا شوية جاو زوز كلاب كبار يخوفو لونهم اسود نيابهم طالعة بعدهم بعيد وجا لعندي حل الباب
حسام: تفضلي درك
نزلت وعينيا مزالو يتبعو في الكلاب وتحركاتهم
حسام: متخافيش هيا
بلعت ريقي و مشينا حل الباب مكانش اصلا مقفول
-كاين ناس هنا ؟
حسام: لا غير انا
-حراسة؟
حسام: بعيدة من هنا اصلا واحد ميقدر يقرب هنا نحب نكون وحدي
دخلت بعضي يعني كون يدبحني هنا و يدفني الجن الاحمر ميعرفش وين راني بلعت ريقي ودخلنا دار دافية واسعة عصرية شوية
حسام: تفضلي اقعدي نجيب حاجة نشربوها
-اوكي نقدر نشوف هنا ولهين شوية ؟
حسام: متبعديش
مشيت نتفرج في الآثاث شفت باب كبير قربت منو كانت صالة فارغة تقريبا مرايا كبيرة على الحيط و بيانو قديم مررت صوابعي عليه مكان حتى غبرة خرجت مشيت نتفرج من ومن شفت باب لونو روز و ابيض مشيت حطيت يدي على المقبض حليتو بشوية ودخلت قلبي وقف للحضة بيت صغيرة تاع بنات سرير صغير دما في كل بلاصة رسوم على الحيط و ورد كلشي ابيض و روز فضولي خلاني ندخل اكتر مشيت نشوف بعدها هزيت صورة لطفلة صغيرة كي سمعت صوتو
حسام: ريان وش ديري هنا
رجعتها لبلاصتها وانا نرجف وهو جا حكمني من ذراعي
حسام: نظن وقت بش ترجعي للاوتال
حكمني يجرجر فيا هز تليفون رح يكلم واحد من الرجال يجي يوصلني خطفتو من يدو وجهو تقلب ورجع حسام لي نعرفو اخيرا
-منيش راجعة
حسام: ريان مقلقينيش هاتي التيليفون هنا
-علاه رانا كنا ملاح ورح نسهرو
حسام؛ قبل متخربشي في امور متخصكش
-مخربشت في والو جذبت فضولي دخلت نشوفها مكنتش نعرف انو عندك طفلة هنا في الدار
عينيه رجعو ظلام كي حكيت هكذاك مش فاهمة علاه قلق مش هو جابني هنا يعني داير حسابها مشا بعيد عبر الصالة هز الكاس لي صبو شربو كل دفعة وحدة
حسام: درك نكلمهم يجيو يوصلوك متنساي والو هنا
رحت لعندو تبعتو ونحكي
-منيش راجعة
قعد على كرسي جلد كبير رخا بدنو كل عليه وهز عينيه يشوف بعيد تنهد
حسام: اسمها لينة
سكتت بقيت نشوف معاه بعدها استوعبت انو يحكي على لي في الصورة
-اسمها مليح
حسام: مكانتش الدار فارغة
يحكي و عينيه مزالو يشوفو مع الفراغ قعدت على الفوتاي مقابلو
-احكيلي
تنهد وشاف معايا
حسام: ضحكتها كانت كيف ضحكة امها ياسمين
-وين هي ؟
حسام: ماتت
رجعت نضرتو كلها حقد و غضب
حسام: قتلوها ...
انا غير نبلع في ريقي قلبي تقطع عليه مسكين وهو كمل يحكي اكيد مكانش عندو لي يسمع
حسام: مش ناس كل اختارت طريق هذي مرات طريق هي لي تختارك
حركت راسي ايه و منطقت حتى كلمة
حسام: جيبيها
شور بصبعو تلفت كانت قرعة شراب فوق الطاولة وقفت رحت جبتها حكمها من يدي و حط في الكاس وشاف معايا
حسام: تشربي
شفت من و من وقلتلو ايه صب كاس ليا مع اني عمري شربت هز كاسو وشرب منو
حسام: كل لي درتو اني انتقمت و مزال نزيد ننتقم
-الفيلم حكايتو كيف حكايتك ؟
حسام: انا العكس بصح