الحلقة 16 👠
وصلو للفيلا في وسط الليل دخلو مع بعض
ملاك: سراج
تلفت ليها نص و بخزرة تسحر شاف معاها وبصوت دافي خلاها ذوب
سراج:نعم
مجرد نعم عملت فيها العجب
ملاك: كنت رح نقلك م...ممم....
حلت فمها على طولو الكلام راح منها وهي تشوف فيها واقفة في اعلى الدروج لابسة تريكو تع سراج ايه تريكو سراج هي تعرفو و تعشقو وهو لابسو واصل جيست مغطي لي لازم يتغطى سراج شاف عينيها لي بهتو تلفت حتى هو يشوف وراه بلع ريقو كي شافها تبسمت ببساطة و نازلة درجة درجة تتشقنس
نجلى: مساء النور
ملاك: انتي ؟ وش وش ديري هنا
وقفت في اخر درجة ضمت يديها لصدرها عكست رجليها وتتبسم
سراج: علاه لابسة تريكو تاعي
هبطت عينيها في التريكو وحكمتو من طرف
نجلى: هذا ؟ اوووه سامحني مكنتش نعرف اما هذا لي لقيت اذا تحب درك نحيه
حطت يديها زوز عليه ورح طلعو
سراج: لاااا لا خليه
هزت كتافها وتبسمت
نجلى : اوكي ريحتك فيه مليحة
ملاك قريب تتشل جاها شلل في مخها تجلطت تقصفت ماتت كلش
سراج: تصبحو على خير
جاي طالع ما حبتش تبعد لدرجة تلامسو كي فات جنبها دورت عينيها معاه وردت بصوت حنين
نجلى : تصبح بألف خير بااااي
ملاك: ااااي انتي انتي شوفي هنا شكون انتي
تلفتت ليها وعوجت شفافها
نجلى : انتي لي شكون؟
ملاك: انا سألتك الاول جاوبيني وبما انك انتي لي عندنا انتي لي تجاوبي
نجلى : حتى انتي تعيشي هنا ؟ وووه وشنو هذا
تحكي ومشات وخلاتها واقفة ما جاوبتهاش
ملاك: وين ماشية ؟
تبعتها دخلو للكوزينة حلت الفريجيدار
نجلى : جعت مكانش حاجة هنا ناكلها
ملاك: اذا ما بديتيش تحكي رح ناكلك انا بسنيا
نجلى : اوووف ريلاكس زينة انا نجلى
ملاك : نجلى شكون ؟
نجلى : أمور خاصة هذي متهمكش
مشات خرجت تاكل في العنب و تمشي هكذاك قدام رجال تم
نجلى : اووه اسمعي مكانش غرفة هنا ؟ غلبت نحب نرقد
ملاك: مكانش ايه
نجلى : ممم نمشي نشوف سراج اذا يخليني نرقد جنبو
جات طالعة في الدروج وتجري تحكمها
ملاك: كاين تفكرت هنا تحت ارواحي معايا
مشات داتها لغرفة تحت بعيدة كل البعد على سراج
ملاك : حية الطفلة هذي بففف
..........في الصباح
واقفت قدام الباب متوترة راحت الف مرة ورجعت تعض في ضوافر يديها -افففف ندخل تقول اول مرة غرفتي انا تاني بففف
فرفشت شعرها شوية ستيل ناعسة وزينة على أساس شوف وش خسرت حلت الباب ودخلت تحك في عينها عايشة الدور شافت من و من مكانش
ريان: ااااع وين رحت اففف
راحت رمات بدنها على السرير- افففف كان لازم نجي ابكر من هكذا
شافت مع بلاصتو جبدت المخدة تاعو حضنتها تشم في ريحتو - اففف تقول عليا عندي عام متوحشتك نوض احسن نلبس و ننزل نشوف وش يدير
مشات غسلت و بدلت عدلت شعرها حطت برفان - ايه لازم يشوفني احلى من قبل هكذا بش يندم عليا
بعتت بوسة لروحها في المرايا وخرجت نزلت تشوف وين هو سمعت صوتو يضحك في الكوزينة - بففف مع شكون يضحك هذا مش متعودة عليه يضحك شكون ضحكو يا ربي
دخلت للكوزينة لقاتو قاعد يفطر و قدامو نجلى تمرر في يدها على ذراعو
نجلى : ههه و وش رايك في الفطور لي درتو
حسام: هايل احسن من الطباخ لي عندنا ههههه
ريان: ووووه شايفة راك تفطر و فرحان تضحك وش للا نجلى عندك مشكل في التحكم في طراف يديك ؟؟؟ راني نقدر نعاونك فيهم اذا تحبي نقصهم
نزل حسام المغرف من يدو دز الصحن قدامو ووقف هز مسح فمو و مشا
ريان: حسام وين
خرج وخلاها واقفة بقات تشوف ونجلى تتبسم و تاكل في حبة زيتون تلفتت ليها ريان تخزر ضمت يديها لصدرها ومشا عندها
ريان: واش انتي على وش راكي ناوية
نجلى: ريان التوتر راهو يسبب التجاعيد اكيد مش حابة تكبري قبل الوقت و حسام يرجع يشوف مع غيرك
ضيقت عينيها
ريان: ننصحك خليك بعيدة عليه
نجلى: معندي ما درت وجدت فطور للناس كل تفضلي تفطري معايا
تحكي معاها بالبارد تستفز فيها و تاكل حكمت ريان طرف الغطا تاع الطاولة
ريان: بصحتك
تلفتت و مشات وسحبت كلش على الطاولة وراها نزل على الارض و خرجت من تم بقات نجلى قاعدة تتبسم في ابتسامة ساخرةخرجت من الكوزينة لقات ملاك في وجها
ملاك: وش كاين وش صوت التكسير هذا
ريان: هاذ المرة صوت صحون المرة الجاية تسمعي صوت عضامها
ملاك: شكون هذي
ريان: الهاملة الجديدة
طلت ملاك من الباب شافتها ودورت ل ريان
ملاك: اوووه اوراحي نحكيلك وش دارت البارح
نجلى: بسسس راني هنا نسمع فيك
ملاك: حتى انا مش نحكي وراك نحكي في وجهك
دخل آدم في هذيك اللحضة من الباب
آدم : صباح الخير حبيبات قلبي توحشتوني؟
شافو فيه ريان و ملاك
ريان: تعرفي قريب نسيت عليه هذا
ملاك: وين كنت عندي اكتر من يومين نكلم فيك
ادم: وهذاك بالضبط الوقت لي كنت مش مقيمك فيه حبي اصلا مش رح تنفع بيناتنا سامحيني
ريان: وش قاعد يحكي هذا ؟
ملاك : قاعد يتمهبل اسمع يزي بلا هبال و خليك هنا كي نحتاجك نلقاك
خرجت نجلى من الكوزينة هكذاك بالحفا مزالت لابسة تريكو تع سراج ريان عينيها وساعو
ريان: هذا ....؟
ملاك : ايه
حكمتها من ذراعها و مشات
ملاك: خلينا نحكيو بعيد
وقفت نجلى عند الباب عكست رجليها و تتبهنس
نجلي: انت اكيد خوه تع كوم كروز بففف مي الصح انت خير منو
شاف معاها ادم من فوق لتحت وركز تحت وضحك
ادم: و باش نقدر نعاون الزين العريان هذا ؟؟؟
تبسمت
نجلى : نحتاج دوش و شوية ثياب
هز حاجبو
ادم : غرفتي تحت امرك و ثياب نطلبو من واحد يجيب رخيس طلب الغالي هههه
نجلى : هههههه
ادم ؛ نضحك برك غالي وطلب رخيص تفضلي قبلي
مشات قبلو وهو عينيه عليها ويتبسم
دخلو للمكتب وقفلت الباب يتغالاو لزوز
ملاك: اه يا ربي شفتيها وجه الشر شكون هذي فهميني ؟
ريان: وين نعرف اااااع اقتليني انا لي مشيتلها برجلي افففف
ملاك: لابسة تريكو تع سراج وحتى من غير ما تسألو تتجول بيه عريانة
سراج كان نزل تحت المكتب كي البيسي طفا في وجهو نزل يشوف اذا مشكل في الخيوط سمع اسمو وحديثهم وقف يشوف معاهم وهوما من لي فيه ما شافوهش
ريان: هي قالت انو واحد يحب يقتل حسام و لقات صورو عندو
ملاك: وعلاه جبتوها رح دور بسراج مشفتيش البارح كيفاه قريب تنحي ثيابها قدامو الملعونة
ريان: ولقيتها مع حسام تضحك في الكوزينة ويديها عليه
ملاك: ايه وعلاه راهي هنا
ريان: منعرفش هذاك يحب يقتلها تحب حماية من عندنا و حسام ما خلانيش نسمع وش حكاو هو ميحكيش معايا بسببها هي تاني
ملاك: والله وقتو تتقابدي حتى نتي لازم تخرج كيف ما جات
سكتت ريان تخمم وانتبهت لكلامها رجعت شافت معاها
ريان: وانتي وش درتي كي شفتيها لابسة تريكو تع سراج
ملاك: حبيت نقز عليها و ناكلها بسنيا
ريان: علاه ؟؟؟
ملاك؛ مكرها ونكره تقرب منو ولا من اشياءو
ريان: هههههه يعني تغيري عليه
سراج طاح خيط ( la fiche ) من يدو ضرب في المكتب تلفتو لزوز شافوه
ملاك: ريان حبيبة قوليلي انا برك كشما صرالي ونتخيل فيه واقف هنا تعيشي قوليلي مخي هو لي خيوطو ضربو من نجلى
ريان: والله هو بشحمو ولحمو
ملاك: سرررر ...ج
هزت يدها شورت وهو باقي واقف يشوف معاهمفي جهة أخرى نجلى كملت دوش تعها وخرجت لافة منشفة عليها وتلعب بشعرها لقاتو واقف يشوف فلتت المنشفة طاحت ونزلت هزتها مش بسرعة خلاص
نجلى: اوووه طاحت
رجعت حطتها وعاملة في روحها حشمت
ادم : اوووه حشمت من زينك هذا كل مقدرتش تتحمل غير انها تنزل عند رجليك
نجلى : مرسي ...جبتلي ثياب ؟
ادم : خلينا ما نتسرعوش وتلبسيهم خلي بدنك ينشف واذا تحبي نعاونك
قرب منها ويعدي في صوابعو على كتافها و شفافو على شعرها
ادم: مممم ريحتك تجنن
تتبسم بتسوميم وهو باقي ينزل في شفافو حتى وصل لشفافها و وقف
نجلى: رح تبوسني؟
حرك راسو لااااا
ادم: عندي فكرة احسن
نجلى: لي هي ؟
دور يدو على وسطها ولزها ليه
ادم: منقدرش نشرحها
نجلى: نفذها مالا
ضحك ضروسو كل بانو دور يدو ورا رقبتها و باسها هزها هكذاك داها للسرير 🔞🔞 ......
بعد مدة 😂😂😂 حاطة يدها تلعب على لحيتو وتتبسم
نجلى : انت حسيتك مش كيفهم هنا في الفيلا هذي كأنهم مش مرحبين بيا
ادم : اوووه عيب عليهم مش حق عليهم
نجلى: اكيد انت تفهم اكتر منهم
ادم : بالطبيعة
نجلى: امممم احكيلي حسام وش مشكلتو حسيتو مش طبيعي
دزها من فوقو و ناض هز يلبس في ثيابو
ادم : يا روحي يا نجولتي التاتو لي على ظهرك يقول انتي من جماعة جمال ما تحاوليش معايا انا
طبس هز التريكو و تبسم و بعتلها بوسة ضيقت عينيها وبدات تسيتت وقفت تجري هزة الغطا عليها
نجلى : انت من رجالو اكيد لاااااا الله يخليك ما تقتلنيش حرام عليك راني ما صدقت هربت منهم
ادم : اسسس شكون قال رح نقتلك
نجلى: ومنين تعرفيني
ادم : منعرفكش بصح نتعامل معاه ونعرف كلشي
نجلى : تتعامل معاه ومش من رجالو ؟
ادم : اففف منقدرش نحكي تعرفي كيفاه القوانين تاعو
مشا دخل للدوش وهي قعدت تتبسم وهزت تيليفون اول ما سمعت الما كلمت أمير
نجلى : صباح الخير يا روحي
أمير : المفيد
نجلى : اففف كاين آدم هذا يسكن معاهم عندو صلة مع باباك وميحبش يحكي
أمير: مممم وش درتي حتى عرفتي ؟
نجلى: علاه هكذا تخمامك فيا ديما؟
أمير : ههه رقدتي معاه ولا مع غيرو ؟
نجلى: حاجة متخصكش اوووف مش قادر تتحمل فكرة اني مع غيرك ؟
أمير: لاااا حبي نسيتك من زمان و غير جمال لي راهو بيني و بينك ولا كنت قتلتك من زمان
نجلى: متقدرش لاني حبيبتو
أمير: جيبيلي اخبار حسام قبل ما ترجعي حبيبتو الميتة
قص عليها تيليفون وقعد يغزل من بعد ضربو للحيط و ناض خرج
نزل تحت خرج للجنينة تع الفيلا وقف قدام البيسين يتفرج من بعد رجع قعد كي جات الخدامة عندو
-مسيو امير وش تحب نجيبلك؟
أمير: قهوة
-حاضر
مشات تجري هو هز الجورنال حلو رجل على رجل يقرأ فيه وصلت قهوتو ومش وحدها دخل راجل كبير في العمر تنهد كي شافو وقلب ورقة تانية وهو قعد
جمال: واش اليوم شايفك مش في حوالك ؟
أمير : علاه وش تشوف فيا ندير
جمال: تقلب في الجورنال وانت مش تقرا حتى فيه
تنهد طبقو و حطو على جنب هز قهوتو ترشف منها
جمال: ويني ؟
أمير : شكون ؟
جمال: نجلى ...مش قلتلك تلقاها و تجيبها
دور وجهو منو
أمير: مزال ما لقيتهاش
جمال: أمير انت بني الوحيد بصح تعرف بلي كي تخبي عليا حاجة مش رح نتسامح معاك اذا لقيت نجلى ما تحاولش تخبيها مني
وقف هز الفنجال تاعو شربو دفعة وحدة
أمير: نهارك زين
وخرج و خلاه قاعد
واقفين مزالت الدهشة على وجوهم
ريان: لينا تكون فطنت انا نخليكم باي
هربت ريان تجري بعد التبهديل هذاك وملاك تمنات تتشق الارض تبلعها
ملاك: ههه يعني سمعت كلش ؟
سراج: ايه
ملاك: تستنا نفسرلك هو الصح انا خايفة عليك من نجلى هذي قلبي مش مرتاح ليها
مشا جيهتها حط يديه في الجياب وجهو في نظرة الجدية
سراج:ملاك بش نحكي معاك انا وانتي من.....
قصت عليه كلامو قبل ما يكمل يحكي
ملاك: اسسسسس نعرف وش راح تحكي لكان كيف المرة لي فاتت حنا وخدمتها و بلابلابلا كلام فارغ منحبش نزيد نسمعو لانو بالنسبة ليا العلاقة في بلاصة والخدمة في بلاصة و من آخرو متديهاش في روحك
مشات حلت الباب خرجت ورجعت طربقتو في وجهو وقفت ترجع في النفس حطت يدها على قلبها -اوووف وش درتي يا ملاك فسدتها كل يمكن هو كان رح يحكي حاجة اخرى وش كون كان رح يقلك تعجبيني زعمة نرجع نطلب سماح اففف
سمعت الباب تحل وراها عقدت حواجبها ومشات -اففف لا مكانش رجوع ومش رح نعتذر يستاهل
مشات تشوف ادم دخلت لغرفتو
ملاك: آدم يا هم وينك ؟
شافت نجلى واقفة مع المرايا تمشط في شعرها
ملاك: وانتي وش ديري هنا
شاف معاها من فوق لتحت وحطت يدها على فمها
نجلى: اوووه سامحيني ما تقوليلش انتي و هو مممممم
ملاك: ممممم واش ؟
نجلى : ممممم
ملاك: واش مممممم فهميني؟
نجلى: يعني حباب علاقة بيناتكم
ملاك : لااااااااا انا مع هذا نووووو
هزت كتافها نجلى وجات خارجة
نجلى: خسارتك مالا صراحة نعطيه 10/10 في السرير
ملاك : اييييييييع تعيفو انتي وهو
خرجت من الغرفة وهو خرج من الصالدوبان شافت فيه متقززة منو
ادم : ملوكتي الزين وش ديري هنا
ملاك: افففف انسا اني جيت و تأكد انك دوشت مليح برك بفففف
رجعت خرجت ورا نجلى تبعتها و دزتها بكل قوتها من ورا قريب طاحت تلفتت ليها
نجلى: خير وش كاين
قربت منها ملاك وجبدتها من ذراع الروب لي لابستها
ملاك: ديري بالك هنا كاين خطوط حمراء و اذا تعديتي عليها مش رح نكون مليحة معاك
رجعت دزتها ومشات بقات نجلى واقفة تغزل -ايه نشوفوها يا مڨربعة
