👠 الحلقة 57 👠
كملت اليوم نستنا غير وقتاه نوصل لغرفتي حابة نرقد برك وقفت مددت رجليا تكسرو من القعاد حل الباب وخرج و جات ريحت برفاني العزيزة ممممم يا مامي تهبل ضربت تبسيمة من الطرف ل طرف طلع حاجبو ومشا يغزل مني بصح معليش خرجت نمشي وراه و ريحة البرفان منو اوووه حضن هكذا اووه كون حتى نقدر اففف ظربت راسي بكف يدي فاش راكي تخممي اووه نرجع لغرفتي احسنلي انا لازمني طبيب نفسي على لي راهو صاير فيا وصلت دوشت و مشيت كلمت سراج و رقدت وانا نحكي
صباح:
حسام: قهوة مرة
وقفت مفجوعة رقدت على المكتب افففف اول مرة تصير معايا من نهار بديت نخدم تبهديل عدلت شعري وشفت معاه
حسام: واش رجعتي تجي ترقدي هنا ؟
-سامحني مسيو حسام مش عارفة واش بيا
حسام: راني نستنا و مترقديش وانتي ديري في القهوة
مشا للمكتب وانا نضت نغزل نوجد في القهوة و مشيت ديتها لعندو حطيتها على المكتب
-تفضل القهوة مسيوووووو حسااااام
هز راسو شاف معايا
حسام: وشبيك طولتي فيها يكونش مش عاجبك توجدي القهوة بالاك نجيب وحدة توجدها
-لا عاجبني
حسام: تفضلي برا لكان خلصتي
عوجت شفافي شبيه يحكي هكذا معايا راني بديت نكره من المعاملة هذي هز الفنجال شرب منو رشفة وحطو جبد شفتو لداخل تذوق القهوة عليها بقيت باهتة حتى اني رجعت نتذوق في طعمها في فمي
-بنينة ؟
شاف معايا و رمش
حسام: واش ؟
-شفتك ..اه القهوة
عينيه وساعو نظرة حيرة في وجهو
حسام: مرة مش بنينة
-ممم حابة نشربها مرة انا تاني
حسام: اشربي شكون حكمك
وساعو عينيا
-صح ؟
ضحكت ومشيت هزيت الفنجال قدامو و شربت منو رشفة
-ممم صح طعمها هكذا احسن
حسام: هذي قهوتي
-قلتلي اشربي شكون حكمك
حسام: قلتلك هكذا يعني امشي ديري قهوة ليك و اشربيها
عوجت شفافي ورجعت حطيتها
-منعرف عجبتني هذي
رجع على وراه حط يدو على ذقنو صبعو رايح جاي على شفتو
حسام: ريان خممتي تشوفي طبيب الايام هذو؟
-علاه ؟
حسام: راكي هبلتي هذا علاه ..هزي القهوة واخرجي عندي شغل
هزيت الفنجال و خرجت نسب فيه خماج قعدت كملت نشرب فيه و نستبن و نخمم نشوف صح طبيب منيش حاسة روحي مليحة يعطيني دوا للتعب هذا لي نحس فيه
