⚜️ الـــجٰـــــان ⚜️كاملة

الجـــان✨ البارت 51

⚜️ الــــــجـــان ⚜️

سكينة سليماني

البارت 51:

هبطات راسها و بدات كتحاول تلقا شي كدبة تخرجها...حتى سمعاتو كيضحك و مافهمات والو

حيدر: كان خصني نفهم نتي مولات المصايب

ختام: كنت فازكة بالما و لقيت سلهامك و لبستو...كانت هاديك المرة لولة لي جيت فيها لزمانك

حيدر: ماخفتيش على راسك نلقاك و نعدمك

ختام: عبد الله كان عارف ...هو لي خلاني نمشي بيه حيت عتقتو

حيدر:(تنهد) حسابو معايا هو لخر...

ختام: ماديرلو والو ..هو اصلا معاك ديما عمرو عتارض على شي امر ديالك

حيدر: داكشي علاش هو رفيق دربي و كاتم اسراري ماتخيليش شحال مفتاقدو دابا اي حاجا كيلقا ليها الحل

ختام:(ضحكات) الله اخليكم ديما صحاب و مفاهمين...

....فقبيلة النار داع لخبار بلي النجمة تسرقات و مالقاوش اثر ختام و حيدر ...شيخ لقبيلة تعصب و زوينة ناضت و عطا الامر يقلبو عليهم ...اختفى بسرعة عازم يمشي لقصر هيل و يخبرها بالاخبار ...فورما وصل تحنى على رجليه و هو خايف و كيخبرها...

كاعود: وقعات شيحاجا ماشي بيدي

هيل: فخباري كولشي حتى حاجا مكتخفى عليا ...من نهار حطو رجليهم هنا و انا فخباري كولشي

كاعود: شنو المعمول ؟

هيل: انتفرجو...رجليهم دايينهم لمراية الم/وت كيحسابلك الدخول ليها ساهل...خليهم بغيت نشوف الشغف ديالهم فين يقدر يوصل

كاعود: يعني مايقدروش ياخدو الخنجر

هيل: منين ياخدوه انا انتدخل...

...كانو غاديين بين شجر منين عياو جلسو يتظلوو تحت شجرة الزيتون...جاهم الجوع و العطش...شوية حتى لقاو الماكلة قدامهم هي و الما

حصة: بصحتكم

ختام: منين جبتو هادشي

عاشور: نتوما غير آمرو قبل ماطرف عينكم كولشي يجي

حيدر: بارك الله فيكم ..

عاشور: نتوما عارفين فين جا الختم الثاني ؟

ختام: الصراحة لا

مشعل : انا عارف ... مراية الم/وت

ختام: فين جات هادي ؟

مشعل : كيقولو كاينة بين وادين واحد كيجري بالما و الثاني ب الدم و داك الدم ماهو الا دم هادوك لي دخلو ليها و ماعاودوش خرجو

حيدر: و الى دخلنا كيفاش نخرجو

مشعل: كيدخل غير واحد ...و هو و زهرو كيقولو الجنون انه لي جاب النجمة و حطها فيها كيدوي معاه الحارس و كيعطيه فرصة و يقول ليه الشروط الى دخل ...و تماك كيبقا الاختيار

ختام: اوا صافي نطبقو الشروط و ندخلو

مشعل: ماشي ساهل ...الداخل ليها مفقود و الخارج ليها مولود و حتى اقوى الجن عمرهم تجرأو يدخلو...