⚜️ الــــــجـــان ⚜️
سكينة سليماني
البارت 21:
...خرج السلطان من جناحو لابس حوايجو و تاجو فوق راسو ...غادي و حراسو و عبد الله معاه حتى وصلو لمجمع لي دايرين ف قاعة كبيرة على وديت شؤون لبلاد ...قراو الفاتحة و فتاتحو المجلس...
حيدر: اللفعة سبقات و عضات و الى ماقطعناش ليها راسها اتنشر سمها ف بلادنا كثر و كثر
عبد الله : مولاي انا كنقتارح نهجمو عليهم و نغبروهم ف دقة
حيدر: مملكة الشمال ماشي مملكة ساهلة و الى دخلنا للحرب خصنا نكونو قدها ...
الوزير الثاني : انا كنقتارح امولاي نبداو نوجدو من دابا و نزيدو الضريبة على العباد باش نمولو الجيوش
حيدر: ماغاديش نفرضو الضريبة عليهم الى خصاتكم شيحاجا خودوها من الخزينة ...انا ماغاديش نعذب شعبي باش نقاتل لعدو
الوزير الرابع: مولاي السلطان حنا غادي نديرو بكلامك و انوجدو راسنا مزيان و فاش تكون عندنا الفرصة انبداو الحرب
حيدر:(ناض ) خصني ناخد حق خوتي لي دمهم مشا مهضور...الثأر ايرجع لسلالتي (خرج سيفو و حطو على خريطة د مملكة الشمال) و هاد الارض اترجع ديالي ...
...خرجو من المجمع بعد ماتافقو على كولشي و بداو التحركات ديالهم ...مشاو يصليو الجمعة و يتعبدو ...
...كانت السلطانة فجناحها و قدامها غنيمة كدوي غير قالت كلامها و هي تنوض
ذهبية: كيفاش مالقيتوش المعلوم اغنيمة؟
غنيمة: علمي من علمك الالة ليزار طار مالقيناهش
ذهبية: و كيفاش انعرفو دابا واش دخل بيها ولالا ؟ جيبوليها لحكيمة تفحصها
غنيمة: خفت الالة نجيبو ليها لحكيمة و يكون مولاي هو لي مابغاناش تعرفو واش دخل بيها ولالا ...هادي اول مرة يطير ليزار
ذهبية : واخا ...نتسناو و نشوفو
غنيمة: بشنو تآمرينا الالة ؟
ذهبية: ولدي ايكون عيان ب لمجمع لي كيدير ...امور الدولة اتحمقو و اتشغلو على حياتو...شنو بان ليك نديرو ليه نزاهة هاد ليلة و ختاري شي عرايساات يكونو كيعرفو يشطحو
غنيمة: كيما بغيتي الالة مايكون غير خاطرك
....فجناح دار لحريم كانت ختام جالسة وحدها حاطة يد على يد و كتخمم حتى سمعات صوت من وراها همس ليها فوذنها
هيل : الوقت كيمشي منك أبنت الگوطة...الى ماسيبتيش دمو ايسيب دمك و لكلاب يلوحك
...قفزات ختام فالارض و هي مخلوعة حتى كتشوفها جلسات قبالتها و كملات هضرتها
هيل: انا عند وعدي ...فاش تصفيهالو انرجعك لزمانك كلما زربتي يكون خير ليك و لسلالتك
ختام: بع بعدي مني انا مانقدرش..
هيل:(ابتاسمات) ماتقدريش و هو يقدر ...غادي تشوفي الويل هنا
ختام:(حطات يدها على وذنيها و بدات تعوذ من ابليس) اعوذ بالله من الشيطان الرجيم اعوذ بالله من الشيطان الرجيم
...حلات عينيها مالقاتهاش حداها و حطات يدها على قلبها مخلوعة و خاطرها مخسر ...تحل الباب عليها و دخلات سعيدة ...
سعيدة: ختاااام فخبارك رقوش ختارت لبنات لي ايشطحو لسلطان الليلة
ختام: السلطان ؟
سعيدة: ااه خسارة انا ماشي منهم ...
ختام:(ابتاسمات) السلطاااان (شدات ف سعيدة) انعاود كولشي للسلطان و انحيد هاد المشكل كيفااااش مافكرتش فهادشي
سعيدة: علاياش كدوي
ختام: من بعد و نعاود ليييك (خرجات)
يتبع انا خارجة نرجع نكمليكم و منها نيت تجمعو
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
