⚜️ الـــجٰـــــان ⚜️كاملة

الجــــان✨ البارت 48

⚜️ الــــــجـــان ⚜️

سكينة سليماني

البارت 48:

ختام :(ضحكات بخفوث ) السلطان طاح فحبي

حيدر: هادا حيدر

ختام: (شدات فيدو) سعداتي...

حيدر: كون ماشي تابعنا الشغل هنايا و خاصنا نفكو علينا هاد لمنامة...كون (قرب منها حتى طاحت فوق لفراش) دخلت بيك و رجعتك حلالي (عض شفايفو) ماقادرش نصبر عليك اختام و لكن انزيد نصبر

ختام:(قلبها كيضرب) نساليو هادشي و كنواعدك كولشي ديالك ..

حيدر:( ناض ) سمعيني فاش فقت لقيت راسي ف صحراء و دايرين بيا قبيلة ديال الـجان لي عرفت منهم هوما مع موريجان و منين قلت ليهم قصدي...عاوني شيخهم و صافط معايا جوج من اقوى جنونهم حصة و عاشور...و قالي بلي كاين ثلاثة د الخواتم باش نحلو القفل د موريجان و القفل اللول كاين عند شيخ قبيلة النار

ختام: هادي حاجا مزيانة يعني قربنا

حيدر: قربنا بزاف ...لقفل كيحطو تحت راسو

ختام: خلي هادشي عليا ... انا انعرف كيفاش نجيبو

حيدر: القفل لول على شكل نجمة

ختام: منبعد ماناخدوها فين انمشيو

حيدر: خصنا نهربو و لقاو طريقنا للغز الثاني

ختام:(ناضت) دابا راه بغيت ناخدو ولكن ايبقاو فيا حيت كيعاملوني بحال بنتهم

حيدر: حنا ماشي فهادشي اختام حضري معايا عقلك...انا انجيب سلهامي.. و نتي سيري جيبي النجمة عرفي كيفاش ديري

ختام: واخا

...خرجات ختام بشوية عليها غادة ل جناح شيخ لقبيلة...مالقات حتى واحد برا و كولشي غابر و هادشي دخلها الخوف...بقات كتسلت حتى دخلات و لقاتو ففراشو ناعس ابتاسمات و بدات كتقربلو شوية بشوية حتى وصلات لراسو و حطات يديها تحت مخدتو باش تاخد النجمة لكن بدون سابق انذار شد ليها يديها و تجمدات بلاصتها ...