⚜️ الــــــجـــان ⚜️
سكينة سليماني
البارت 63:
صبح صباح جديد و كان السلطان قدام باب جناح تاجة...دخل عندها و هي حنات ليه...قرب منها كيشوف عينيها حافيين بدموع...
حيدر: عميتي عينيك و نتي خارجة ليوم عروس
تاجة: كون خرجت بكفن يكون هادشي حسن ليا
حيدر:(شدها من يدها و جلسها ) هاد زواج من مصلاحة بلادنا
تاجة: كيييفااااش بغيتيني نتزوج بولد واحد...قهرني على خوتي و على با ...
حيدر: هادا هو الحكام...ماشي مهم نبينو نيابنا و لكن المهم اننا نحكموهم فقلب بلادهم... انا صيفطتك فزواج لي اتلقاي فيه راسك ...الولد خايف غير من جنابو و نتي تقدري تحكميه و تحكمي مملكتو
تاجة: شنو كتقصد ؟
حيدر: انا مكنعاقبكش اتاجة واخا مادرتي فيها مايتصلح ولكن انا مصيفطك سلطانة لتماك تحكمي ديك لبلاد و تراقبيها ...و حنا ماعلينا غير ندعيو معاك و عرفي بلي راك ف عينينا و بارضانا غادي تتوفقي ان شاء الله شنو بانلك
تاجة: لي بانلك نتا ...
حيدر:(ناض و باسها ف جبهتها و عنقها) الله اوفقك و مبروك عليك اختي...
...كان غادي حتى وقفاتو
تاجة: قبل مانمشي منهنا و المو/ت و لحيا هادي بغيتك تعرف بلي كنت كنعشق عبد الله و هو كان كيعشقني...مو/تو قهرني و ذبحني...و تمنيت كون ماقتارحتش هاد لحرب من لول ...بغيتك تعرف هادشي باش تعرف بلي ماشي بوحدك خسرتيه
حيدر:(غمض عينيه بحزن و نطق) الله ارحمو ...(خرج)
....صفاو لخواطر بيناتهم و خرجات لعروسة من القصر ف موكب كبير و تحت نظرات السلطان و مها...مشات تاجة باش تبدا حكمها ف مملكة الشمال و بقا خوها حاكم مملكتو و راعيها و مساندها...دازت ليام و ختام حملات و بحملها فرح لكبير و صغير و توزعات المونة على عباد الله ...و ام السلطان رادة ليها البال ...اما السلطان كيزيد يعشقها نهار على نهار ...و هاكا عاشو حتى لنهار ولادة ختام لي ماكانتش ساهلة ....كانت كتغوت لربي لي خلقها و معاها لحكيمة و رقوش و غنيمة شادينلها فيديها و كيعاونوها و يعاونو لحكيمة الى بغات شيحاجا ....و السلطان كان برا قدام جناحها كيسمع ل غواتها و قلبو كيتزير...و معاه مو كتبت فيه ...ماسالات ليهم الخلعة حتى سمعو صوت حفيدهم كيغوت ...و خرجات غنيمة عندهم فرحانة....
غنيمة: مولاتها مبارك و مسعود ولدات ولد ما شاء الله ...
ذهبية: الحمد لله ياربي ...نشري لخبار ولدي السلطان جاه اه ولد
...دخلو عندها ...لقاوها عيانة و ناعسة ...السلطان هز ولدو بين يديه فرحان و كيشوف فيها و ذهبية غير مبتاسمة و كتشوف ...خرجو كاملهم و بقا السلطان بوحدو...قرب من ختام و فيدو ولدو...
حيدر: ختام؟ كيبقيتي (كيبوسها ف جبهتها) فيقي شوفي ولدنا
ختام:(كتحل عينيها ب ثقالة) واش هو بيخير ؟
حيدر: الحمد لله ..نتي كيف كتحسي ؟
ختام:(كتشوف ف ولدها فرحانة) انا فرحانة...شوفتو حيداتلي لعيا و كاع لوجع لي حسيت بيه
حيدر: حمدتك و شكرتك ياربي ...(بقا كيشوف فيها و لقاها باهتة) ختام مالك ؟
ختام: مالي ؟
حيدر:(حط يدو عليها لقاها مجرد فراغ) ختااااام ؟؟؟
...بقات كتشوف فيه و دمعة يتيمة نزلات من عينيها ماقدراتش تنطق للحظة ختافات كاملها...و بقا غير ولدها ف يد حيدر لي كان مصدوم و عرف بلي اللعنة تحققات ....
YOU ARE READING
⚜️ الـــجٰـــــان ⚜️كاملة
פנטזיהبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
