⚜️ الــــــجـــان ⚜️
سكينة سليماني
البارت 28:
...داوها فيديهم و هي غير كتبكي اخر حاجا عاقلاها هي كانت اتخرج من الجناح و تمشي حتى لقات راسها طاحت ف الما هي و سلطان و كتاخد منو حر الدق...حسات براسها هادي هي اللخرة ليها ...حتى كتشوف رقوش قدامها ...هاد الاخيرة لي كانت فاقت تصلي لفجر حتى كتلقا الحراس واخدين ختااام...
ختام: رقوش...رقوش عتقيني
رقوش: شنو درتي المتعوسة شنوو
...داوها للمطمورة لي كانت تحت الارض و لاحوها تماك ...بقات كتشوف غير ف سقف لي فيه تقبة مضوية...طاحت على ركابيها كتبكي و هادو هوما اخر ايام حياتها ...جمعات ركابيها عندها و بدات تفكر و تفكر ...ماعرفاتش شحال د الوقت داز و لكن الدقيقة دازت عندها بلعوام ...بدات كتسمع صوت من ديك التقبة د المطمورة و صوت كينادي بسميتها...و كيشوشو
سعيدة: و ناري ويحصلونا الالة رقوش
رقوش: مكاين لي يفضحنا قدك
ختام: رقوووش سعيييدة نتوما هااادو
رقوش: ختام اديك المتعوسة
ختام: رقوووش (كتبكي) عتقيني ارقوش
سعيدة: ناري ا ختام جنيتي على راسك
رقوش: عارت الله غير قوليلي علاش بغيتي تقتلي السلطان
ختام: و الله ارقوش مابغيت نقتلو...
رقوش: كون ماكنتش عارفاك كون تيقتهم و لكن عارفاك غير هبيلة
ختام: شنو اندير دابا عتقوني
رقوش: كيفاش انعتقوك و مولاي آمر منهنا شوية يجيبوك لساحة و يعدموك
سعيدة: و شنو نخليوها تموت ؟
...تحل باب المطمورة و دخلو جوج رجال عامرين و وافيين...شدوها من يديها و هي كتغوت و خرجوها ...لاحول و لا قوة ليها ...حتى لاحوها ف ساحة كبيرة ...ناضت و شعرها مخبع وجهها كتشوف قدامها السلطان بعيد و عبد الله حداه و دوك جوج رجال شادينها...كتشوف فيهم كيحطو ليها سناسل فيديها ...كتفوها مزيان و حطو ليها راسها لقدام...بقات غير كتشوف ف عينيه لي من شوفتهم قاسحين و عرفاتو ماغاديش يرحمها...شافت السيف على عنقها و غمضات عينيها كتسنى اعدامها و راسها يطير ...نزلات دمعة حارة و شهدات....
... يتبع
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
