⚜️ الــــــجـــان ⚜️
سكينة سليماني
البارت 27:
شافت فالخنجر مزيااان و عاودات شافت فحيدر موسعة عينيها كتحس براسها متأكدة من شنو غدير
دوزات يدها على الحافة ديالو تا سال دم و قطر فالأرض مشات قاصداه هزات يديها بزوج تال الفوق و نزلات عليه جيهة قلبو محسات تا شد ليها يدها و ناض دفعها على الأرض و كلس عليها
حيدر: (حاط الخنجر جيهة عنقها )عضيتي اليد لي تمدااات ليك (كرز على سنانو )ياااااك ابنت الحراااام
كتحاول من تحت منو مخايفاش منو باغا ترجع بأي طريقة كانت هزات يدها لي مجروحة جمعاتها و عطاتها ليه لوجه خلاتو مصدوم هو السلطان لي المخيرة فالبنات كتمنى غير شوفة منو
هو لي غير كهز صباعو البلاد كاملة متحدر راسها تجي بنت تدلو مابغاتش تسرط ليه لاقتلها و سال دمها فجناحو كلشي ايبغي يعرف السباب و هادشي لي مابغاش طلعات ليه سخانة و حس براسو عرق بالأعصاب عينيه ولاو بحال نقطة الدم اما هي تسلتات من تحت منو غادا هاربة لشرفة محسات تا جبدها من شعرها و داها تال طرف مد ليها راسها للتحت
* حيدر : مكنتش باغي نقت//لك نوسخ يدي عطيتك فرصة تا يصبح لحال و نخليهم يعدموك ولكن بانليا زربانا على روحك معاشش هادا لي يهز فيا عينيه بقا غير نتي لي طولتي عليا يدك
* ختام : (كتهدر مبردة بحالا ما طاري والو قدامها غير الأرض و نافورة كبيرة ماها داير بنهار و ليا ) شتي. تا لمت مغاديش نموت بوحدي
جراتو لعندها و دلات نصها من داك البالكو تقلبات هي وياه تا تلاحو من لفوق بحالا طفاهم شي واحد تسمعات طراااخ ديال الماء فودنيهم....ناضت من الما كتحاول تنفس...حلات عينيها على الجهد مافاهمة والو و ماعارفاش شنو كانت كدير .... ماحسات براسها غير حتى عنقها تعوج بتصرفيقة لي عطاها السلطان...ماجات فين ضور و تنسى دوخة حتى زاد ليها الثانية...طاحت فالارض و كتشوف فيه بعينين مدمعين...
ختام: مولاي؟؟
حيدر: (كيعيط ب اعلم صوتو غادي يطرطق) ديييييوهااااا عليااااا منهناااااا قبل مايأذن لفجر يكون راسها طار ف الساحة ...
...ضارو بيها الحراس و هزوها و هي مافاهمة والو ماكانتش فوعيها و روحها تلبسات...بقات كتبكي و ترغبو بعينيها اما هو بقا غير كينهج...كرامتو تجرحات و قلبو كثر ...جا عندو عبد الله كيجري و نطق
عبد الله: مولاي ...مولاي شنو واقع
حيدر:(شدو من عنقو زادحو مع الحيط) شنوووو واااااقع ....و كتسولنيييي بوجهك حمر... ياك نتاااا لي شريتيها و جبتيها و ف أمانتك حميتيها...كيييفااااش مدخل عليا عدوة لقصري و جناحي و فراشي
عبد الله : مولاي ...انا ماعرفتهاش عدوة
حيدر: كووون مااااكنتش عارفك اعبد الله كون طيرت ليك راسك ...
عبد الله: (هبط على ركابيه) سمحلي امولاي قصرت من جيهتي
حيدر رش الماء باش تخمد الغبرة...حتى واحد مايسيق لخبار لهادشي ...قبل مايأذن لفجر جيبوها لساحة و عدموها ...
....يتبع اشهاراتكم و اراءكم
ŞİMDİ OKUDUĞUN
⚜️ الـــجٰـــــان ⚜️كاملة
Fantastikبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
