⚜️ الــــــجـــان ⚜️
سكينة سليماني
البارت 41:
...دخل الشيخ ل خيمتو و دخل حيدر من وراه و غير دخل تصدم كولشي مبدل ...هاداك كان قصر من زاج ..مقاد و متول و كولشي كيبرق فيه...حس براسو دخل من جيهة و لقا راسو ف جيهة ...عطاه اشارة يجلس و جلس و نطق
حذافة: حنا مالين صحرا...جوادها و ناسها ...حنا جنون البويض و خيرنا بفضل الجنية موريجان...موريجان جنية مسلمة و تغدرات و تحبسات ب ثلاثة د لقفولة...و ماشي ساهل اي واحد يجبدها...حاولو اقوى جان من عندنا يجبدوها..و لكن ماقدروش...حيت هيل حطات غير الانس لي يقدرو يجبدوها...
حيدر: نورني و عطيني طريقة كيفاش نعتقها...
حذافة: واش عارف راسك شنو باغي دير ...راه غادي برجليك لمو/ت..هيل لاساقت لخبار ماغاديش ترحمك و اتفنينا كاملين كثر ماحنا مفنيين...
حيدر: نتا غير نورني و مني ليها ...
حذافة:(تنهد) كاينة نجمة ديال الباب اللول اتلقاها عند قبيلة اخرى ..كيقولو ليها قبيلة النار ...جنونها قاسحين و متكبرين و عاجبهم راسهم و الاهم من هادشي شيخ قبيلتهم هو اليد ليمنية ديال هيل و عندو خبعات القفل اللول ...صعيب يوصل شيواحد لعندو ...حيت النجمة كيحطها تحت راسو ...
حيدر: يكون خير ...انحاول ...و الله ولي التوفيق
حذافة: منين نتا عازم ماعندي مانقولك غير الله اسهل امرك...و انا انعاونك (صفق بيديه ووقفو من موراه جن و جنية ) هادي حصة و هادا عيشور ...هادو من اقوى الجان عندي هنا ايرافقوك فرحلتك و يوصلوك لقبيلة النار و يبقاو معاك حتى تبلغ مرادك
حيدر:(ناض ) الله اسهل عليك و ينور طريقك... خليت ليك الراحة دابا ...
...خرج حيدر و حصة و عاشور من الخيمة لي غير خرجو منها انداثرات القبيلة ف الهواء...بقا كيشوف فيها حتى حس براسو مهزوز و دغيا تحط ف بلاصة اخرى ...ارض خضراء و زاهية ورد و خضورة...كيجري بالوديان...و غابة كثيفة شجر و حيوانات...بقاو كيتمشاو ف صمت حتى نطق
حيدر: فين انمشيو ؟
حصة: انتمشاو على رجلينا حتى نوصلو ل قبيلة النار ...ماخصناش نديرو شي حركة باش مايحسوش بينا حيت الجن كيحسو ببعضياتهم
عاشور:(شدها من يدها) شكون قالك جاوبيه ؟
حصة:(حيدات يدها من يدو بنترة) فمي و نجاوب بيه لي بغيت
عاشور: ماااشي على هواك احصة ماتعصبينيش
حصة: تعصب ولا جلس ...شكون نتا
عاشور: انا خطيبك
حصة: نعااام ؟ امتى دويتي مع الشيخ ؟
عاشور: غادي ندوي معاه احصة
حصة: هاديك غير هضرة نتا ماباغيش دوي معاه ...و انا صافي اندير لي بغيت
عاشور: الله اعميها ليك ...
حصة: عماهالي منين شفت فيك ...
حيدر ضحك بصوت خفيف و هو كيمشى و يشوف فيهم ..ضار فيه عاشور منرفز
عاشور: علاش كضحك ؟
حيدر: تفكرت راسي انا و ختام اعلم الله فين هي
حصة: شكون هادي ؟
حيدر: (تنهد) الدنيا و مافيها ...
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...