⚜️ الــــــجـــان ⚜️
سكينة سليماني
البارت 33:
...جبداتو من يديه فاش يالاه شعل ضو لحمر و كانو طوموبيلات ايدوزو عليه ...بقات كتغوت و قلبها ايخرج ب لخلعة
ختام: وااااش نتاااا حمق واش تسطيتي اش خرجك لهنا ...كون تلفتي دابا فين انلقاك
حيدر: حيدي عليا يديك
ختام: نتا راك حماقيتي...
حيدر: حماق ..
...ضرب طم و هو كيشوفها شنو لابسة...كسوة قصيرة مبينة فخاضها و صدرها و شعرها باقي فازك...رجع مزنك و حشم بلاصتها و كيشوف ف عباد الله و كيسترها ب حوايجو...
حيدر: يااااا قليييلة الحياااا شهاد المسخ خارجة بيه
ختام: اويلي طلق مني
حيدر:(عطاها دقة ل راس ) واااش حريم السلطان يخرجو هاكا السايبة ...امتى ولا هاد المنكر ااامتى
...شادة ف راسها و كتجرو و تسمع خل وذنيها...دارليها شوهة..و لي داز كتقولهم غا حمق ماتديوش عليه ...وصلاتو للرياض و دخلاتو و هو مازال كيغوت ...
ختام: وااااش نتا ماباغيش تحشم درتي لينا شوهة... و ديك تلفازة اش دارت ليك
حيدر: كتلفيلي لحديث...اسيري ستري رااااسك
ختام: لباسي هادا و مولفاه و انا نلبس لي بغيت ماشي شغلك
حيدر:(شدها من يدها) شغلييي و سوقي نتي وحدة من حريمي مانقبلش نشوفك هاكا و لا واحد اخر يمتع الشوفة فييييه كتفهمي
ختام: من فوقاش وليت وحدة من حريمك...نسيتي بلي انا برانية عليييكم
حيدر:(كينطق تحت سنانو) ختاااااام ماتخرجينيش على طوعي
...فلتات يدها منو و مشات لعند جداها اما هو رجع لبيت ختام و بقا جالس تماك ...
هز الخامية و طل من السرجم كيبانو ليه ناس غاديين بلباس غريب بنايات فشكل حط يدو على راسو كيستففر الله و مغمض عينيه
حيدر :(كيهدر مع راسو )ياربي واش هادي حلمة ولا كلام هاد المرا صحيح ...واش هادا امتحان فالدنيا قبل الأخرة (كيدور عينيها فبيت ختام تا بان ليه البوم د تصاور و حلو جاوه غراب بحالا دوك ناس خاص غا يتحركو بانت ليه تصوي ختام بدوبياس مصورة مع كروب دقرايتها كلهم لابسين مايوات بقا غا مخرج عينيه تا سمع الباب تحل عليه بغا يحط يديه على سيفو تا دخلات ختام حاطا يديها على خصرها وطلعاتو و هبطاتو
ختام : تبعني تكلم لجدة
حيدر : باقي ماتزاااد هادا لي يأمرني قوليلها هي تجي عندي انا را سلطااااااااان
ختام :(بإستهزاء) ميااااا مووور هنا مكاين لا سلطان لا ساماجيسطي باغي ترجع عند عائلتك سمع هدرتي ولا لباب (نفخات بجهد بحالا كاع داكشي لي كان فقلبها خرجاتو مخلياه مطرطق عينيه )ناري شحااال و انا باغا نكول هاد الهدرة
خرجات مخلياه تابعها بلا هواه بزز منو و هي غادا معنكرة قدامو مخلياه هو لي تابعها تقلبات عليه الطبلة كانت كطلبو باش يسمع ليها دابا هو لي بلغيها تسمع ليه
يتبع
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
