⚜️ الــــــجـــان ⚜️
سكينة سليماني
البارت 34:
وصلو عند جداتها و دخلو ...لقاوها كتقلب فلكتوبة و حاطة شي مجلدات ف الارض وقفو حداها و هي تنطق
ميمونة: لقيت كيفاش نصيفطكم ل ارض الجان...
ختام: كيفاش اتصيفطيه هو اما انا ماعندي فين نمشي ..
ميمونة: لواه ابنتي خصك تمشي معاه باش تحيدي هاد اللعنة
حيدر: اتمشي معايا مانخليش وحدة من حريمي ورايا
ختام:(ضغطات على قبضة يدها كتكشكش) مي لالة دوي معااااه راه كيعصبني
ميمونة: ماقال عيب ...
حيدر:(ابتاسم نافخ ريشو) كيفاش انمشيو
ميمونة: غدا الگمرة اتكون كاملة انتلاقاو ف نافورة و نصيفطكم...خص هادشي لي ف هاد الكتوبة د الگوطة ينجحو
ختام: و الى مانجحوش ؟
ميمونة: السلطان ايبقا هنا
حيدر: لا لا غادي ينجحو ان شاء الله
ختااام : اوووف ...
...خرجات معصبة و حيدر كان ايتبعها و لكن شداتو ميمونة..
ميمونة: ولدي حيدر فاش تمشيو لبلاد الجان بغيتك تهلا ف بنتي راه واخا تبان ليك قبيحة قلبها بيض
حيدر: ناقصة عقل
ميمونة: ياك النسا كاملهم ناقصات عقل هه واخا حتى انا كنت ناقصة عقل جدك عمرو سمح فيا
حيدر: جدي ؟
ميمونة: (بحزن) جدك مصطفى كنت جاريتو و بغيتو من قلبي و لكن هاكا دنيا مابغاتناش نتجمعو و نبقاو بجوج
حيدر: عشتي نفس داكشي لي عاشتو ختام ؟
ميمونة: سلالتنا كاملها و ماشي غير هي ... كون كان يصلاح كون بقيت معاه و عمرني رجعت
حيدر : واخا ..انرد ليها لبال ..
...خرج و خلاها و هي كملات قرايتها ...طل من لبالكون بانلو مرا و راجل داخلين..دغيا جبداتو ختام لبيتها و سكتاتو...
ختام: بقالك غا ماما و بابا تشوهني معاهم ...
حيدر: هادوك واليديك
ختام : لابغيتي زعما
...بقات كتوجد فراشها و فراشو ف الارض
حيدر: شنو كديري ؟
ختام : كنوجد ليك فين تنعس
حيدر: الى كان يحسابليك انعس ف الارض و على ضس راك غالطة (نعس فوق الناموسية) هادي بلاصتي
ختام: ايييه ... واخا ...
...خلاتو هكك و مشات هبطات عند واليديها تهضر معاهم و تشبع منهم بقات كتسمع منهم فين خرجو و فين تساراو حتى جاهم لعيا و مشاو انعسو و طلعات هي لبيتها...لبسات بيجامة خفيفة و نعسات حداه ...بقات كتقلب كتقلب حتى نطق
حيدر: نعسي و هنينا
ختام: نتا باقي مانعستي
حيدر ؛ (تقلب على ظهرو كيشوف ف سقف ) النعاس طار
ختام: بغيت غير نتهناو من هادشي ...بغيت نرجع لحياتي
حيدر: حتى انا ...عندهم صح لي قالو مكتحس ب الحاجة حتى كتمشي من بين يديك
ختام: (تنهدات) من هادشي انا توحشت غير اليخاندرو
حيدر: شكون ؟
ختام: حبيب قلبي
حيدر:(غمض عينيه ) مكتحشميش
ختام ؛ راه عندي حياتي الى مافخباركش ...
حيدر: أنغبر ليك الاثر نتي و حياتك ...تعاودي تقولي بحال هاد لكلام لي كيسم لبدان نوريك نجوم فنهار
ختام:(تقلبات عاطياه ب ظهر ) وا غا لي بغا يخوي عليك قلبو حتى نتا معقد لاخر ... تصبح على خير امولاي السلطان
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
