⚜️ الــــــجـــان ⚜️
سكينة سليماني
البارت 16:
غنيمة شداتها دوخة من هادشي لي سمعاتو و حجي كيتخيل راسو تقطع و طار ...لخدم و الحراس دايرين راسهم ماسمعو والو و ذهبية هي و تاجة غير كيشوفو ف ختام و لسانهم تبلع ...بقا كيشوف فيها بنظرة مطولة مامتيقش شنو سمع ...عمر شيواحد تجرأ يهضر معاه بهاد الطريقة عليها جاتو غريبة ...شاف فيه ختام و كملات
ختام: مالك كتشوف فيا ؟؟ واش قلت العيب ...ماماك مسكينة كترغب فيك تشرب دواك و نتا متكبر و مخسر ليها خاطرها..صافي راه عقنا بيك خايف منو و ماقادرش تشربو السلطان كاااملو ماقادرش يشرب كاس صغير
حيدر :(ناض بعصبية كيشوف فيها بشوفات كيف السم) شهاد قلة الحيا و قلة العرااااض...غبرووووهاااا علياااا
...شدوها الحراس من يديها ضايرين بيها ...اما عبد الله منين شاف القضية مامسلكاش تحنا على رجلين السلطان كيزاوغ و يرغب
عبد الله : عفي عليها امولاي...من خوفها عليك و حيت بغاتلك لخير دوات هاكا باش تخليك تشربو ...(كيشوف فيها و كيتحلف عليها تحت سنانو) راه قلبها بحال لحليب امولاي
حيدر: اشمن حليب و اشمن لبنت هااااد قليلة لحياااا ...
عبد الله: اناااا لي جبتها امولاي...انا لي شريتها و جبتها ليكم هدية ...عتقات ليا حياتي من لعدو لي كان بغا يسيب دمي ...عتقات صاحبكم و كاتم سراركم...رحمها امولاي
حيدر: واش كتسمع بشنو كتنطق ا عبد الله ؟ (كيشوف ف ختام)
عبد الله : تيق بيا امولاي مازدت عليك حتى حاجا اخرى
حيدر :(هز الكاس و قرب من ختام لي عينيها عمرو بدموع و عطا اشارة للحرس يبعدو منها وقف قبالتها كيشوف فيها ) صحيح هاد لكلام
ختام: (حركات راسها ب اه)
حيدر : و شنو نفسر قلة حياك و لسانك سليط ؟
ختام: من خوفي عليكم امولاي ...بغيتلك غير الخير غير ماعرفتش كيفاش ندير
حيدر: (شرب الكاس قدامها حتى كملو و نطق ) عتقتي وزيرنا من لموت و حنا غفرناليك غلطتك واخا خصك عليها الرجم بالحجر حد الموت...عندك ماطلبي اخر ؟
ختام : (بلعات ريقها ) اه امولاي بغيت نطلب منك ترجعني لزماني و بلادي مابغيتش نبقا هنا
...ابتاسم ليها و توسعات ابتسامتو...ضحك ضحكة عالية و تخطاها غادي ..تبعاتو مو و ختو عبد الله و الحراس حاضيينهم ...بقات كتشوف فيه و مافهماتش سباب ضحكتو حتى شداتها غنيمة من يدها و زادت بيها هي و حجي لداخل لقصر ....
غنيمة: مااااحشمتيش دوي مع مولاي بهاد اللسان السليط يا ذميمة
حجي: بغيييتي تخرجي علينا و تبيتينا ليوم ف المطمورة ؟؟؟
غنيمة: حجي رميها ف المطمورة و جلدوها خمسين جلدة على ظهرها حتى يولي رطب من كرشها و بيتوها تلت يام تماك بلا ما و بلا ماكلة حتى تندم و ترجع طلب و تزاوك و تحيد منها ضسارة
حجي : هي لي ماتعاود ادادا غنيمة
...جر ختام و هي كتنتر منو ...عاونوه فيها الخدم حتى وصلو للمطمورة لي كانت تحت الارض و رماوها فيها ...كتشوف غير ظلام و كتسمع غير صوت الفيران...جنات على راسها و جابتها ف عضامها... دخل عندها الجلاد و جوج من الخدام شادينها يتبتوها و يعلقو يديها ف سقف باش ظهرها تشد حر الشحط....
يتبع 🔥
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
