⚜️ الــــــجـــان ⚜️
سكينة سليماني
البارت 26 :
ختام:(قلبها ضرب فلحظة و تلفات ليها الهضرة) حيدر
شفايف الشهد كلاهم ليها...كيبوس فيها كيف المشتاق لي عاد ذاق...بوسة مور بوسة ...التاحمو شفايفهم كثر و كثر ...شدها من خصرها لعندو قربها و جبدها...هزها بين يديه لفراشو و هي مغمضة عينيها كتبغي تسايرو ولكن السلطان كان متحكم بيها...
ختام؛ بغيت نعاود ليك شيحاجا ...
حيدر:(بهمس) ششش صباح و عاوديلي
ختام: هادي حاجا ضرورية (عينيها كيتقلبو ب قبلاتو) مانقدرش نصبر
حيدر:(كيلحس ليها عنقها) حتى انا مانقدرش نصبر
...قلبها على كرشها كيهز ليها القفطان حتى حيدو ليها كاملو بقات ب الصدرية و سروال قندريسي و صدرها كيبان ليه كبير و ثقيل ...تحنى عندو كيبوس فيه و يديه على خصرها...
ختام:(عاضة شفايفها و كتشوف ف سقف بحر النشوة ) مولاي وقف عفاااك
...عقلو طار و غاب معاها كيبانلو غير جسمها و قلبو كيضرب باغيها باغيها بزاف و عمرو حس بلي محتاج و باغي شيوحدة حتى ليها ...دفعاتو من عليها كتنهج و كتغطي ف صدرها و هو كيرمقها بنظرات حيرة
حيدر: شنو بيك ؟
ختام: (نزلات دمعة من عينيها) مانقدرش ..انا ماشي هاكا ...ماشي جارية ...انا حرة من نهار عقلت على راسي حرة ...
حيدر: مافهمتش(شدها من دراعها ) علاش ؟
ختام: ماباغاكش...
...طلق منها كيشوف فيها مطولا و ناض خرج نيشان لشرفة ديالو يضربو لهوا و يبرد النار لي شاعلة فيه...شغلات فيه جوج عوافي وحدة د الشهوة و الثانية د الغضب ...كيحاول يبرد و ينسى قبل مايدخل عندها و يفرغ فيها ...ضغط على قبضة يدو و تفكر شحال من بنت هو رفضها و ليوم لبنت الوحيدة لي طلبها رفضاتو بلا حشمة بلا حيا ...بقا مدة هكك ...عاد دخل لقاها كتسناه واقفة ..نطق بلا مايشوف فوجهها ...
حيدر: خرجي عليا ...
ختام: خصني نعاااودليك شيحاجا و بغيتك تيقني..مانقدرش نخرج بلا مانعاود ليك
حيدر: شنو اتعاودي ليا ؟ ...ياك البعد و بعدت منك و الامر و عصيتيه علاياش كتقلبي (قرب منها كيشوف فيها بعصبية) عندك زهر راسك ماغاديش يطير...
ختام:(كتشوف فيه بتحدي ) علاش ؟ علاش اتق/تلني و لا خفتي تآمرهم يقت//لوني و منين يسولوك علاش تقوليهم رفضاتني مرا
حيدر:(قجها ) سدي عليا دلقووووشك مانسمعش حسك(دفعها و طلقها)
ختام:(شدات ف عنقها) خصني نعاودلك...بلي انا جيت من زمان اخر ..و لي جابتني هي جنية سميتها هيل و بغاتني نقتلك ...انا مانقدرش نقتل شيواحد ...و جيت نعاود ليك باش نلقاو لحل بجوج
حيدر: داكشي لي بقا حكايات الصبيان و خرايف لعگوزات
ختام: مكنكدبش عليك ...تيق بيا
حيدر:(غوت ) صاااااافي ...سكتييي مابغيتش نسمع حسك ...نتي مجنونة بلاصتك ماشي هنا ...
ختام:(طيحات دموع من عينيها) انا ماشي مجنونة
حيدر: بغيتي تبقاي بقاي حتى لصباح و لي وقع هنا يبقا هنا ...و الى بغيتي تمشي يكون حسن تغبري عليا كمارتك
...خلاها هكك و نعس فوق فراشو عاطيها بظهرو...بقات كتشوف فيه الفرصة الوحيدة عندها ضاعت و ماتيقهاش و سمعها هضرة كيف السم ...دموعها على عينيها كانو شلال ...و توجهات حدا باب ببطء باغا تخرج و تمشي بحالها...حتى كتشوف هيل قدامها...تجمدات و بدات تسمع وساويسها
هيل: عاطيك بظهرو نحيييه و سيبي دمو...هادي هي لوجيبة
ختام:(كتحرك ليها راسها بلا و ماقادراش تنطق)
هيل: قت//ليييه و شري حريتك و راحتك...غير يدي مول الامانة امانتو اتلقاي راسك ف زمانك و دارك (حطاتلها خنجر ف يديها و ضوراتها) سيري
...وسوسات ليها مزيان و خممات مزيان...الراجل لي ماتيقهاش و سمعها هضرة كيف السم علاش اتراعي ليه و تفكر ليه ...بقات كتمشى لناحيتو بخطوات بطيئة و كتلوي الخنجر ف يديها...كترجف عينيها بدموع معميين...كتشوف ف عنقو و قاصدة الدقة تكون تماك....
ESTÁS LEYENDO
⚜️ الـــجٰـــــان ⚜️كاملة
Fantasíaبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...