⚜️ الــــــجـــان ⚜️
سكينة سليماني
البارت 46:
حيدر توقف عندو زمان و هو كيسمع كلامها و كيفاش كدافع عليه ...دق قلبو بسرعة و حاس براسو يقدر يعطي عمرو على قبلها ...ناض كاعود و تعصب و نطق
كاعود: عااااارفة بشنو كتنطقي بيه ...هادا قرب منك و كان بغا يخطفك و تعدى على خواتاتك
ختام:(كتبكي) و لكن قلبي بغاااااه (بترجي) عفاااك
ريخا:(ناضت) سيدي كاعود بغيت ندوي معاك اجي شوية معايا
...ناض كاعود مع ريخا مور الستارة و نطقات
ريخا: صافي راه خصنا نوافقو و نبغيو
كاعود: شنو كتخربقي ؟؟
ريخا: اللهم فيه و يجلس معانا و نتحكمو فيه كيما بغينا و لا بنتك يضور بيها مشعل و يخلينا مقهورين عليها
كاعود: باش نحيييه من على لوجود
ريخا: سمعني و ديرلي خاطري بنتك انسية و ماتقدرش تزوج جن خلينا نزوجولها هادا آدمي و كتبغيه و يبقا تحت عينينا
كاعود: بانلك هادا هو زين العقل
ريخا: ااه غير تبعني
كاعود: (خرج لعند الجماعة غير سمعوه و هوما يسكتو و نطق بكلامو) انا غادي نسمح ليك و نصفح عليك ومنين بنتي بغاتك ماعليا غير نرضى
ختام: شكرااا بزاف
كاعود: و لكن بشرط...الليلة غادي يكون زواجكم و كاع قبائل الجن ايشهدو عليه ...انا عطيتك بنتي و هنا اتعيشو..
...بقات ختام مسمرة و حيدر كثر منها حيدو ليه الاصفاد و داوه يوجدوه و هو كيشوف فيها و هي كذلك داوها يوجدوها...قلبو كيضرب و قلبها كثر منو ...هو ماعارفش شنو هو زواج حيت مامحتاجش بيه ولف الجواري كيدخلو عندو و لكن انه اكون مرا وحدة فحياتو غادي يجربها مع ختام لي حتى هي اتجرب هاد الشعور اول مرة ...طاح الليل و الاحتفال بدا ...الرقص و الغناء و الماكلة و كبار لقبايل جاو ...كولشي محيح و حيدر جالس بيناتهم ملبسينو بحالهم...صدرو عريان و لابس سروال قندريسي و عمامة...كيشوف ختام قدامو لابسة فستان حمر مرصع بالجواهر و على اعصابها ...شطحو و غناو و علنو بلي زواج تقام ..و كاعود عطا اشارة لريخا تاخد ختام ل بيتها حتى يلحق عليها راجلها ...اما هو شد حيدر و نطق ...
كاعود: شوف نقولك انا زوجتك بنتي باش مشعل مايضورش بيها و باش تبقا تحت عينيك تهلا فيها
حيدر: شكون مشعل ؟
كاعود: جن كان كيخرج معاها و كانت معاه فالغابة
حيدر:(ضغط على قبضة يدو) كانت معاه فالغابة
كاعود: سير عندها و ماتخليهاش تسنى..
DU LÄSER
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...