⚜️ الــــــجـــان ⚜️
سكينة سليماني
البارت 32:
...خرجات ميمونة و ختام حلات لافاليز ديالها و بدات تجبد ف حوايجها و فوطاتها و ليبخودوي ديالها ...حيدر كان غير متبع ليها العين مازال كيحاول يستوعب...جمعات كولشي فيديها و تمات خارجة...
ختام: هاني شوية و نرجع...بقا هنا
حيدر : مكيآمرني حد
...خلاتو هكك و خرجات مشات للحمام ...
خرج من بيتها بخطوات تقال كيضور فعينو ويشوف يمين وشمال...الحس مقطوع فرياض...كيتسمعو غا أصوات قطرات ماء كيضربوو فلارض..
تبع مصدر صوت حلب لباب داخل..لدوش...كيضور فعينووووو ويدو على سيفو حاطها عل لقرص...
شاف لماء كينقط من رشاشة نقطة نقطة .قرب منهااا بشوية كيتفحصها بعينوووو...مع قاس روبيني نزل عليه...
بعد عليهاا بزرباا طايح لارض..وحوايجوو كلهم سردووو...
تم نايض بزربا خارج من دوش داخل لبيت لي حداه ولي كانت طواليط صغيرة رومية مفريقنها على دوش...
وقف كيلهث وخااا سارد حاس بجبهتوو عرقات شاف فطواليط زاد عندها هز لماء بيدوو باغي يرجع رحوو غسل بيه وجهو وهوا معارف باش غسل ..وهوا حاني نيفو شم ريحت لخزامة لي جايا من معطر لجو...هز لقرعة وبعد متفحصها بدا يرشهاا عليه
كيستنشق ريحة المعطر:
حيدر: ريحتوو حسن من ريحت العود والورد البلدي ....
خرج من طواليط زاد لبيت لي حداه..
كانو فيه سدادر وتلفازة صغيرة.وطابي...بقا يتفحصوو بعينووو..مع جا يخرج زطم على تيليكومند برجلووو...دار بجهد هاز سيفوو..منين سمع صوت جاي من تلفازة...
بانت وحدة فيها تترقص وتتردد: ليكي الواوا بوس الواوا...
شاف فيها مخنزر...:
حيدر: احتارني راسك ماشي اجي ودخلي عند سلطان لمطلبتك لخلوة مدخليييي عندييييي..
عيااايغوت عليها وهي والو كتشطح وتغنييي ..هززز سيفووو تا لسمااء ونزل على تلفازة..
خرج من لبيت وتم داخل لكوزينة....
حل تلاجة..بانت ليه بزاف دلخضرا مستفا: لاش مخلين لخضراا هنا وهي بلاصتها فالجنان
كانو تما طاسات دلاكلاص ولعاصير..وكفضول منوو هز وحدا كيدوقهااا..تا لقااا راسو نزل طول وعرض فديك الثلاجة..
هزز راسو بشوية منين سمع صوت تصفار كانت ماماين ختام نسات لغلاي دلماء على لبوطة ومع طاب بدا يصفرر ...هوا غير شاف لعافية وتسفار تهززز من لاصتووو....زاااد بجرا لبيت نعاس لي شاف فلول هز من تم مانطة كانت على سرير وشدها بجرا لبوطا حاطها عليها كيحاول يطفيي بهااا لعافية....
طفاها ومخلي لكاز شاعل...بان ليه باب الكوزينة مخرج برا...تم غادي من تم خارج لجردة ..ومن جردا لقا راسووو فشارع....وقف بلاصتو مصدوووق..كيشوف فديووور لي حداه...ولبني لعاليييي....
زير على لكمة يدو:
حيدر: " شكوووون عطاهم لحق يبنيو دار على من قصر السلطان"
زاد غادي بعصبية باغي يمشي لعمارة باش يقلب على مولاها...وناس كيعينهم عليه..
وقفاتوو وحدة
....: عفاك واش نقدر نتصور معاك؟ عجبني لباسك؟واش كتصرو شي فيلم تاريخي هنا؟
شاف فيها بعصب:
حيدر: باشمن حق توقفييي سلطان واش معارفاش لي يوقف فطريقي حكم على راسو بالقطيعة أااا؟
شافت فيها مخلوعة وشداتها جرية. وهي عند بالها غا شي هبيل...
تم زايد فطريق...ثواني تا وصل لشارع لكبير..طومبيلات غاديين متابعين....بسرعة...وقف مسمر بلاصتووو...
بان ليه راجل غادي على حمارووو وطومبيلات كيسبقوووه وهوا تقيل ....
قاس سيفو:
حيدر: " معرفت اشمن عجب نتوما ولكن متجرأ وش تسبقوووو سيد من زماني
نزل لشانطيي مع نزولو شعل ضوء لحمر كولشييي وقففف...جبد سيفووووو مشيررر لجهتهممم:
حيدر: هكدااااااك وقفوووو واحتارمووووو سلطان ولا شي حد رخصات عليه حيياتوووو يتحرك داباااااا
يتبع. ⚜️😂😂😂😂
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
