⚜️ الــــــجـــان ⚜️
سكينة سليماني
البارت 24:
ماجات فين تكمل هضرتها حتى دخلات عندها غنيمة كطلع و تهبط فيها
غنيمة: نتي شنو جابك لتحت ؟
ختام: هند كانت عيانة و بغات تنعس و انا خديت بلاصتها خفت توقع شي مشكلة
غنيمة: هادشي مااايتعاااودش لي عندو شي مهمة خصو يديرها كتفهمي ؟ ولا قسما بالله حتى نرميك فالمطمورة
ختام:(بلعات ريقها) صافي مانعاودش
...خرجات رقوش و غنيمة و ختام بدلات حوايجها و تكات بلاصتها ترتاح و معاها سعيدة كيتعاودو و يضحكو ...بقاو هكك حتى نعسو و صبح صباح جديد و فاقت ختام على لغوات لتحت ديال هند ...هبطات عندها و كانت اطير عليها كون ماشدوهاش لبنات ...
هند:(كتبكي) نتيييي غشاااشة و ماتسوااايش...علاش خديتيلي بلاصتي
ختام: انا ماخديتش بلاصتك راه نتي لي نعستي و كون ماهبطتش كان السلطان غادي يعدمك يالاه
سعيدة: اه اهند راه ختام عتقاتك
هند: ماتعتقني مانعتقها اصلا هي لي نعساتنييي
رقوش: شنو واااقع هنا شهاد الصداااع ؟؟؟
هند: عاقبيها الالة رقوش
رقوش: العقاب خصو يكون ليك نتي لي نعستي مكتحشميش كنتي بغيتي تجيبي لينا الشوهة ليلة البارح
هند: ولكن..
رقوش: مكاين ما ولكن كلها يمشي لشغلو يالاه...
...تفرقات الجوقة و كلشي مشا بحالو لشغالو...اما رقوش انطالقات هي و حجي ل جناح السلطان باش يغسلو ليه رجليه و يطرفو ليه حالتو و يلبسوه كيف العادة...دخلو هو وياها لعندو لقاوه دار كولشي بوحدو ووقفو حانيين راسهم
حجي:مولاي علاش كلفتي راسك ...سمح لينا الى قصرنا جيهتك
...حيدر مكانش كيسمعهم عقلو غايب و تايه...فينما كيشوف كتبان ليه ختام و ليلة لبارح مابغاش ينساها...تنهد و جلس فوق فراشو كيخمم
رقوش: مولاي السلطان ؟ شنو مقلق راحتك آمرنا حنا نقدرو نفرحوك
...يتبع
YOU ARE READING
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...