Don't Play With Fire (Published under Pop Fiction)

Chapter 8

"See you in my class, Tamiya." Sabi niya pagkahatid sa akin sa labas ng kanyang opisina. Hindi mawala-wala ang ngiti sa kanyang labi.

Nakangisi akong pumasok sa room. Paupo na ako nang marinig ang pamilyar na pagtikhim.

"You look happy. Something happened?"

Tinaasan ko ng kilay si Altamirano. "None of your biz!"

Pumangalumbaba siya at umiling-iling. Tinitigan niya ako. Hindi ko na iyon pinag-ukulan ng pansin.

Hindi dumating ang teacher sa first subject. Isinasaksak ko sa tenga ang earphones nang biglang may sumipa sa paa ng aking upuan. Nang lingunin ko ang gumawa nito ay ang ngisi niya ang agad kong nakita.

"Let's finish our activity. Hindi ko kasi natapos kagabi." Aniya.

"Do you really have to kick my chair?" Inis kong tanong.

"Masyado kang masaya. Ayokong nakikita kang ganyan."

Uminit ang dugo ko. Tumayo siya at hinawakan ang aking braso. Hinatak niya ako palabas ng room.

"Bitawan mo nga ako!" Pilit akong kumawala sa kanya ngunit hindi niya iyon hinayaan.

Dinala niya ako sa garden ng school at hinigit ako paupo sa damuhan.

Tumayo ako. "Ano bang problema mo?! Akala ko ay natapos mo na kagabi?!" Ramdam ko ang mga nakuha kong atensyon.

"Sit, Dela Vega." Seryoso niyang utos.

"I'm not a dog!" Inirapan ko siya. "Ang kati kaya ng damo. Tapos pauupuin mo ako?"

"Hindi. Tutuwad ka dito." Humiga siya at umunan sa kanyang braso.

Padarag akong umupo. "Ouch!" Angal ko, napasama ng upo ko.

"Tanga eh." Tumawa siya at umiling. "Nag-iinarte pa, uupo rin pala."

"Anong sabi mo?" Nilingon ko siya.

"Ang tanga mo, sabi ko."

Binatukan ko siya nang malakas. Rumehistro ang inis sa mukha niya ngunit hindi na siya gumanti pa.

"Where are the materials?" Pansin ko nang hindi makita ang mga gamit. "Altamirano?"

Hindi niya ako pinansin. Pumikit siya.

"Nakakainis ka na talaga!"

"My pleasure to make you irritated." Sabi niya habang nakapikit.

Umirap ako at isinalpak muli ang earphones sa tenga. Nakinig ako ng music para na rin hindi marinig ang pagbubulungan ng mga tao tungkol sa akin.

Hinawakan niya ang aking kamay at malakas ang ginawang paghigit sa akin dahilan para mapahiga ako.

"Altamirano!"

"Shh. Kelan ka kaya tatahimik ano? Ang ingay mo... ang dami po kayang nag-aaral dito." Kinuha niya ang earphone na nasa kanang tenga ko at isinalpak sa kanya. Tumingin siya sa akin at ngumisi.

Umirap ako at ipinikit ang mga mata.

"Aayaw-ayaw pa, hihiga rin pala. Gusto rin pala akong makatabi."

"Shut up!" Angil ko.

"Shut me up using your lips..."

Napamulat ako at nilingon siya. Mas lalong lumaki ang kanyang ngisi.

"Shut up, will you?"

Hindi na siya tumugon at ipinagpasalamat ko iyon. Matagal akong nakapikit hanggang sa maramdaman ko ang kamay niya na gumapang sa akin. Pinagdaop niya ang mga ito.