Genre: General Fiction
Bawat pagtipa ko sa aking gitara ay naririnig ko ang napakalamig niyang boses. Kesa ituon ko ang sarili ko sa aking pagtugtog ay palihim ko siyang tinitingnan.
Dinama ko ang pagsabay niya sa tono ng aking gitara. Ang sarap sa pakiramamdam para bang kami lang dalawa ang tumutugtog. Yung tipong walang ibang halong instrumento kahit sa likod namin ay nandoon ang iba naming kabanda. Wala akong ibang marinig kundi ang boses niya at ang mahina kong pagtipa.
Tumingin ako sa kaniya at nakita ko ang unti unting pagmulat ng kaniyang mga mata at deretsong tumitigtig sa mga tao sa harapan.
"Ikaw parin, ang hanap ng pusong ligaw...
Ikaw ang patutunguhan at pupuntahan..." Bigla kong narinig ang malakas na hiyawan ng mga tao.
Sinundan ko ang titig niya at parang biglang naninikip ang aking dibdib nang makita ang isang babae. Sigurado ako na siya ang tinititigan nito. Kita ko kasi ang pamumula ng pisngi nito kahit medyo madilim.
Umiwas na lang ako ng tingin at tinuon na ang sarili sa pag gigitara. Baka mamaya ay hindi ko kayanin at biglang mamamali ang aking pagtipa .
"Mula noon.... bukas...... at kailan man"pagkatapos niyang kantahin ang huling linya ng kanta ay patuloy ako sa pagtugtug ng gitara. Pahina ito ng pahina, hudyat na tapos na ang huling kanta.
Nang matapos ako ay doon ko lang narinig ng malinaw ang hiyawan ng mga tao.
"Isa pa! Isa pa!"yan lang naririnig kong sigaw ng mga tao dito sa bar. Ngumiti na lamang kami at umalis na.
Ngiting ngiti kaming lumabas ng bar dahil naging successful ang aming gabi. Napagusapan namin na kakain kami sa isang fast food chain ngunit agad namang nagpa alam si Mike.
Si Mike ay ang aming lead vocals at ang taong gusto ko. Ang kanina ko pang pinagpapantasyahan. Ang taong hanggang ngayon ay mahal ko.
Tumango na lang ang mga kasamahan ko at tuluyan ng lumakad palayo samin si Mike. Gusto kong malaman kong pasaan siya. Gusto kong malaman kung bakit siya hindi sasama sa amin.
Kaya agad akong nag paalam sa mga kabanda ko na magbabanyo. Dali-dali akong tumakbo sa kabilang daan papunta sa kotse ni Mike. Eto na lang ang naisip kung gawin at saka hindi din ako magtatagal dahil baka maghintay ang mga kasamahan ko.
Nang makalapit ako sa kinaroroonan ng kanyang kotse ay agad ko siyang nakita. Tumago ako sa malapit na sasakyan at doon sumilip.
Kung kanina ay parang nanikip ang dibdib ko, ngayon naman ay parang piniga na eto. Anong ginagawa ng babaeng iyon sa harap ni Mike? Bakit kasama ni Mike ang babaeng kanina niya tinititigan? May gusto ba ito doon?
Nakita ko ang pagbuka ng bibig ni Mike at may sinabi ngunit hindi ko ito narinig. Dahan dahan niyang pinagbuksan ng pinto ang babae at hinintay itong sumakay.
Hinang hina ako habang tinitingnan ang kotse niyang papalayo. Naalala ko yung mga panahong, hinahatid niya pa'ko sa school. He holds my hands, when he's driving. Nagdadrive-tru kami every morning. Iniisip ko pa lang na ginagawa niya yon sa iba ay parang ilang kutsilyo na ang sumsaksak sa puso ko. Unti-unti na 'kong namamatay sa tuwing iniisip ko yung mga ginagawa namin ay ngayon, ginagawa na niya sa iba.
Pinunasan ko ang mga luhang nasa pisngi ko at pumunta sa malapit na banyo. Pagkapasok ko ay agad akong naghilamos para mahimasmasan.
Tiningnan ko ang repleksyon ko sa salamin. Kitang kita ko ngayon ang pagbabago ko. Matured na'ko. Pag aaral lang ang inatupag ko sa ibang bansa. Ginawa ko ang lahat ng makakaya ko para may marating din, katulad ni Mike. Ginawa ko ang lahat para kay Mike.
