သို့သော် သူတို့က လူများနေပြီး အာကာသယာဉ်မှာတော့ တစ်စီးတည်းရှိနေသည်ဖြစ်ရာ လူတိုင်းကညှိနှိုင်းလိုက်ကြပြီးနောက် ပြန်သွားရန် မပြင်ဆင်ခင် အာကာသယာဉ်အလုံအလောက် စုစည်းနိုင်သည့်အချိန်အထိ စောင့်ဆိုင်းရန် ဆုံးဖြတ်လိုက်ကြလေသည် ။
သို့ပေသည့် ထိုစောင့်ဆိုင်းမှုက လပေါင်းများစွာ ကြာညောင်းသွားခဲ့သည် ။
နေ့နှင့်မကွဲသော ဤလွင်တီးခေါင်အရပ်နှင့် နည်းပါးလာသော စားနပ်ရိက္ခာများက သူတို့အား ခပ်မြန်မြန်ပဲ ဤနေရာတွင်ဆက်လက်၍ မနေနိုင်စေခဲ့ ။ နောက်ဆုံးတွင်တော့ သူတို့သည် ထွက်ပေါက်အသစ်ရှာရန် ဆုံးဖြတ်လိုက်ကြသည် ။
တစ်ရက်တွင်တော့ အဖွဲ့သားများစွာက အတူတကွစုပေါင်းကာ မုတ်ဆိတ်ကြီးထံမှ လုယက်ခဲ့သည် -- အကြောင်းတစ်ခုခုကြောင့် သူတို့သည် မုတ်ဆိတ်ကြီးတစ်ယောက်တည်း အာကာသယာဉ်ဖြင့် ခိုးထွက်သွားလိမ့်မည်ဟု အထင်မှားခဲ့ကြပြီး ရလဒ်ကတော့ ပြင်းထန်သည့် အချေအတင်တိုက်ပွဲပင် ။ ခေါင်းဆောင်ချီနှင့် အခြားအဖွဲ့သားနှစ်ယောက် ပြန်ရောက်လာမှသာ ရှဲ့ရှန်က မုတ်ဆိတ်ကြီးအား ဘာသာစကားအခက်အခဲကြောင့် 'အထင်လွဲ'ခဲ့ကြောင်း သူတို့နားလည်လိုက်ရသည် ။
ထိုသို့ အသည်းအသန်ဖြစ်နေသည့် အခြေအနေမျိုးတွင် အကောင်းနှင့်အဆိုး ခွဲခြားသိနိုင်ရန် ခက်ခဲပေ၏ ။ ခေါင်းဆောင်ချီက သူ့အား ယုံကြည်ရန် ဆုံးဖြတ်လိုက်သည် ။
ယခုတစ်ကြိမ်တွင်တော့ တူညီသောအဖြစ်ထပ်မံဖြစ်ပွားမည့်အရေးမှ ရှောင်ကြဉ်ရန် ခေါင်းဆောင်ချီနှင့် အခြားအဖွဲ့သားများက သူတို့နေရာတစ်ဝိုက်ကို ထောက်လှမ်းမည့်အချိန်တွင် ရှဲ့ရှန်ကို အတူခေါ်လာခဲ့ကြသည် ။ အတူတကွဖြင့် သူတို့သည် မိုးသစ်တောထဲသို့ ဝင်ခဲ့ကြပြီး ထိုအထဲတွင် မသိနိုင်သော အချိန်တစ်ခုကြာရှိခဲ့ကြသည် ။ စမ်းချောင်းဘေးတွင် စားသောက်ကာ အနားယူပြီးနောက် သူတို့သည် အစာအဆိပ်သင့်သည့်လက္ခဏာများ စတင်ပြလာခဲ့သော်လည်း ရှဲ့ရှန်တစ်ယောက်သာ အဆင်ပြေနေခဲ့၏ ။
သူ့အဖွဲ့သားများ၏ အစာထဲသို့ အဆိပ်ရှိမှိုမှ အရည်များ ထည့်ကာ သတ်ခဲ့သောသူက ရှဲ့ရှန်ပင် ။
YOU ARE READING
မြူနှင်းငွေ့ [အဆုံးမဲ့]『မြန်မာဘာသာပြန်』〘Completed〙
Science FictionTitle: Mist[Unlimited] 薄雾[无限] Author : Wei Feng Ji Xu 微风几许 Status : 103 chapters + 3 extras (Completed) Genres : Action , Mystery , SciFi This is just a fan translation work ! I do not own this story
အပိုင်း(၃၈)
Start from the beginning