"ဒေါ်လေး ခ အပြင်မှာဧည့်သည်တွေထင်တယ်"
မြတ်မင်း အပြေးတစ်ပိုင်းဝင်လာပြီး ဧည့်ခန်းထဲတွင် စာရင်းလုပ်နေသော ဒေါ်မိုးမခအားပြောလိုက်သည်။
"ဟင်...ဒီတစ်ပတ်လုံး booking နားထားတာလေ ။ အစ်ကို့ နွယ်တို့တော့မဟုတ်လောက်ပါဘူးနော်"
ဒေါ်မိုးမခ သူမဘေးနားရှိ ဉီးလင်းထက်အား လှမ်းကြည့်၍မေးလိုက်သည်။
"ဘယ်ကလား။ နေလင်းတို့ကနောက်နှစ်ရက်လောက်နေမှ"
"လာလာ သွားကြရအောင်။ယာယီဧည့် သည်တွေထင်တယ်။သား မြတ်မင်း အခန်းတွေစီစဉ်ထား"
ဒေါ်မိုးမခနှင့်ဉီးလင်းထက်တို့ခြံထဲသို့ ထွက်လာခဲ့ကြသည်။ထိုအခါကားတံခါး တစ်ဖက်တစ်ချပ် စီမှထွက်လာသော လူနှစ်ဉီး။ တစ်ဉီးမှာထောင်ထောင်မောင်းမောင်းအရပ်နှင့် ခန့်ညားလှသော အမျိုးသားတစ်ဉီး။နောက်တစ်ဉီးမှာ လှပပြီးကျက်သရေရှိသော မိန်းမပီသသည့် အမျိုးသမီးတစ်ဉီး။ထိုလူနှစ်ဉီးအားကြည့်ပြီးဒေါ်မိုးမခနှင့် ဉီးလင်းထက်တို့မျက်လုံးအပြူးသားပါးစပ်အဟောင်းသားဖြစ်နေတော့သည်။
"ဟင်...နွယ်...."
ဒေါ်မိုးမခ ဒေါ်နွယ်နီဆီအပြေးသွားလိုက်သည်။
"ခ "
"နွယ် ဘယ်လိုလုပ်... နွယ်တို့ပြောတော့"
"ဟုတ်တယ် မမိုးမခရေ...။ကျွန်တော် အလုပ်တွေက ထင်တာထက်စောပြီး ပြီးသွားတာလေ။ ဒါကို နွယ်ကသိတော့ ချက်ချင်းကောက် ထလာခဲ့ရတာပဲ.."
အလုပ်တွေကိုနောက်နှစ်ရက်လောက်အပြီးတွက်ထားသော်လည်း စောပြီးတာကိုသိတော့ဒေါ်နွယ်နီ ချက်ချင်းလိုလိုအခုသွားမယ် သွားမယ်ဆိုပြီးအတင်းပို့ခိုင်းနေတော့ တန်းထွက်လာရခြင်းဖြစ်သည်။
"အို ဘာပဲနေနေ...ဒီရောက်လာမှတော့ကြာကြာနေသွားရမယ်။နွယ် ကြည့်စမ်းပါအုံး လှလာလိုက်တာ။"
" ခ ကမှပိုပြီးလှနေတာပါနော်"
ဉီးနေလင်းနဲ့ ဉီးလင်းထက်ကတော့ အလွမ်းသယ်နေသည့်သူတို့၏ဇနီးများကိုကြည့်၍ ပြုံးဖြီးနေကြသည်။
YOU ARE READING
ချစ်ရပါသော ခြည်
RomanceBoy Love Story အမှာစာကိုဖတ်ပေးပါ။ Start date _ 3.2.2023 End date _ 4.4.2023
