عناد القدر

الفصل الخامس عشر 15

دخلت نرجس لغرفه بناتها توجهت للستائر وابعدتها عن النافذه حتى تدخل اشعه الشمس توجهت لنهى و وكزتها بكتفها بخفه
( نهى.... قومي هتتأخري على جامعتك)

غمغمت والتفتت للجهه الاخرى وسحبت الغطاء فوق رأسها
امسكت نرجس الغطاء وسحبته بقوه وقالت بصوت غاضب لكنه خافت
( قومي.... انتي هتتقلبي الساعه سبعه ونص مفيش وقت يلا)

فزعت نهى من نومها وقفزت من سريرها وهي تقول بصوت مرتفع
( انتي بتتكلمي بحد يا ماما..... اتأخرت اوي..)

وضعت نرجس يدها على فهمها وقالت
( اشش سيبي اختك نايمه.... خشي الحمام  وغيري هدومك انا هروح اعملك حاجه تفطري عليها)

اومئت لها نهئ ودخلت للمرحاض
التفتت نرجس على سمر ونظرت لها بحنان اتجهت نحوها عدلت عليها الغطاء وقبلتها ضلت جالسه امامها تتأمل تفاصيل قطعه من روحها التي كادت ان تفقدها
ابتسمت سمر وهي نائمه وقالت
( مطوله وانتي بتتفرجي عليا)

ضحكت نرجس وسحبت سمر لحضنها وهي تقبلها
( لو اشكر ربي ليل نهار هكون مقصره لانه ردك ليا يا حببتي انا كنت هموت من بعدك يا قلبي انتي   و اول فرحتي)

نظرت سمر لوالدتها بفرحه وهي عاقده حاجبيها بشفقه
( ياااه يا ماما اي الكلام العسل دا على الصبح..... انا بحبك اوي)

عادت نرجس واحتضنتها بحب وهي تقبل اعلا رأسها
خرجت نهى من المرحاض وتخصرت وهي تشاهد الاحضان والقبلات لسمر
( والله...... انا تصحيني مفزوعه والست سمر تصحيها على الاحضان.... ماشي يا ماما انا زعلانه اوي منك)

اخرجت سمر لسانه لنهى حتى تغيضها
رفعت نرجس يدها وهي تدعو نهى لتقدم منها
( تعالي انتي كمان.... انتو يلي خرجت بيكم من الدنيا دي وهديه ربنا ليا....)

اقتربت نهى بسعاده وارتمت في حضن والدتها وهي تقبلها بعد وقت ابعدتهم نرجس عن حضنها
( يلا يا نهى هتتأخري قومي جهزي نفسك)

اومئت نهى وذهبت تبدل ملابسها
استمعت سمر لرساله بهاتفها التفت وتناولته عن المنضده فتحت الرساله التي كانت من مدير اعمالها وكان يسألها اذ كانت مستيقظه ام لا
( مين دا على الصبح يا سمر)

نقرت سمر على رقمه واتصلت به نظرت لوالدتها وقالت وهي تنتظر الاجابه من الطرف الاخر
( دا حامد يا ماما....)

كانت ستسأل ماذا يريد لكنها توقفت عندما ابتدت سمر في الحديث معه
( صباح الخير..... لا كنت صاحيه مفيش ازعاج)

حامد :( الحمد لله انك صاحيه.... اتكلم معايا من شويا مسؤل الجمعيه الخيريه وطلب حضرتك اليوم تقدمي للجمعيه وتعرضي فساتين لانه العارضه الاساسيه وقعت واتكسرت رجلها وهمه عاوزين بديله اليوم بشكل عاجل وكنتي انتي نمره واحد بلمرشحات)

عقدت حاجبيها وقالت ( وانا من امتى بكون بديله لغيري.... اعتزر انا مش هعرض لحد حاجه)

حامد ( يا سمر كل عائدات العرض دا هتروح للأعمال الخيريه انا اعرفك تحبي الحاجات دي حبيت اسألك لو عاوزه)