وصلت سمر لمنزلها فتحت الباب ودخلت قفزت في وجهها شقيقتها نهى وضمتها حتى كادت ان تتفتت عضام سمر
( بس يا بنتي... براحه عليا وجعتني والله.....
نهى وهي تقبل وجه سمر
( اتأخرتي ليه يا سمر...... ماما مستنياكي من بدري....
نظرت لسمر لشقيقتها بطرف عينها وقالت
( انتي مش هتبطلي الكدب بتاعك دا..... انا اتكلمت مع ماما وقولتلها هتعشا مع فارس....
اتت والدتها من خلفهم من يراها يضنها اخت لهم ليست والدتهم كانت تهتم بنفسها جيداً حتى انه لم يضهر عليها علامات الكبر ولم تقم بأجراء اي عمليات تجميليه..... اخذت ابنتيها في حضنها وقالت
( انا خلفت بنت مجنونه والتانيه كدابه......
قبلتهم الاثنتين على وجنتهم وقالت
( كبرتو كدا امتى لسى مبارح خلفتكم....
بادلتها سمر ونهى الاحضان والقبل تكلمت نهى
( كبرنا يا ماما وكبرناكي معانا بكرا سمر هتتجوز وتجبلك احفاد وتملي البيت وهتبقي تيتا....
ضربتها سمر على كتفها وقالت بغرور وهي ترفع كتفها بدلال
( انا مش هخلف اكيد..... واتفقت انا وفارس قبل ما اوافق على الجواز مفيش ولاد دلوقتي.....
والدتها نرجس
( بلغتي فارس عشان يجي السبت....
ابتعدت سمر عن والدتها وهي تعيد ترتيب شعرها على المرآه
( ايو يا ماما...... الخطوبه اول ما ارجع من السفر..
نرجس
(ليه التأخير دا يا حببتي ما نعمل الخطوبه وبعدها تسافري....
التفتت سمر على والدتها التي لا تزال تحتضن نهى
( انا اتكلمت مع فارس واحنا مروحين.... الشركه قدمت موعد السفر... ومش هلحق اصلا اعمل حاجه....
نهى ( وايمتى هتسافري....
سمر ( اتأكد الموعد يوم الاحد ان شاء الله....
تحركت نرجس وسحبت ابنتها سمر واجلستها على الاريكه قلبت سمر عينيها وهي تعلم ماذا ستتحدث معها والدتها مثل كل مره
( يا بنتي خلاص انتي هتتجوزي وتفتحي بيت... انسي شغلك والله انتي مش محتاجه فلوس........ حرام تتعبي نفسك كل يوم والتاني مسافره......فارس لو ساكت دلوقتي مش هيسكت على الوضع دا بعد الجواز.....
نظرت سمر لوالدتها وهي تكبت غضبها
( ماما انا ما جبرتش فارس يتجوزني هوا كان مصر على دا...... هو عرفني كدا اكيد مش هيجي يغيرني بعد الجواز...... وبعدين هو بقولي هسيتناني العمر كله اكيد مش هيزهق من يومين تلات وانا مسافره....
نرجس وهي تضع يدها على قدم ابنتها وتحنو عليها
( متزعليش يا حببتي..... حياتك كدا مش هيكون مستقره.... انا عارفه انه دا حلمك من وانتي صغيره وانا سمحت ليكي تجري ورا حلمك وما منعتكيش.....
فكري يا بنتي الراجل مش بحب مراته متبقاش اصاد عينه.... وانتي طول وقتك مقضياها سفر من بلد للتانيه.....
YOU ARE READING
عناد القدر
Romance. لكل منهم حياه بعيده عن الاخر لكن القدر يجمعهم بمغامره شرسه هل سيعود كل منهم لحياته الطبيعيه بعدها...
