ALIENS AND STARS, LIKE YOU AND ME [COMPLETED]

CHAPTER 35

Ngayon na ang first day of school, kaya maaga ako nagising. Maaga ako nagluto ng almusal para samin ni Jas pati na din kay Faye pero, natutulog pa siya kasi mamaya pa namang gabi ang pasok niya sa school niya.  Pero ginising ko na din siya dahil may pasok naman siya sa cafe "Faye, gising na, mag bubukas ka pa ng cafe."

 Nag unat ng katawan si Faye at ang sabi "ito naa, babangon naa." Habang si Jas ay kumakain ng almusal ay inaayos ko naman ang bag ko. Tanong ko kay Jas "ayos na ba gamit mo?" 

Sagot niya "opo, ate, baon nalang ang kulang hihi." Sabi ko "oh etong baunan mo may kanin at ulam kana diyan pati na inuman." Sabi ni Jas "salamat ate."

Bumaba na si Faye at humikab na umupo sa lamesa. Sabi ko "ay nako, puyat ka na naman noh." Sabi ni Faye "di naman." 

Sabi ko "alas tres na ng umaga rinig ko pa din kayo naguusap." Sabi ni Faye "paano siya kasi eh, ayaw pa ibaba yung tawag eh." Sabi ko "okay, sabi mo eh." 

"Nakaligo kana?" tanong ni Faye. Sagot ko "yes, bakit?" Sabi niya "bilis niyong dalawang maligo ah. Ito suklay ko oh, gamitin mo baka matuyong buhol-buhol yang buhok mo." 

Kinuha ko ang suklay mula sa kanya at sinuklay ang sarili ko. Matapos kong magsuklay ay inayos ko ang mukha ko at pati na nag ipit ako. Nakayos na si Jas kaya ang sabi niya "ate tapos kana?"

Sabi ko "oo, ay teka! I.d ko?" Abot ni Jas "ito ate oh." Kinuha ko ang I.d ko mula kay Jas at isinuot iyon. 

Matapos nun ay nagpaalam na kami ni Jas kay Faye "oh diyan ka na ah. Maligo kana maya-maya baka malate ka pa sa pagbukas ng cafe." Sabi ni Faye "ay oo nga pala! Sige sige salamattt good luck sa first day niyo!" 

Matapos nun ay agad na pumasok siya sa banyo para maligo. Isinara namin ang pinto at umalis na. Inihatid ko muna sa school niya bago pa man ako pumasok sa university. "Bye ate!" Kumaway ako at nagpaalam, "sunduin nalang kita mamaya." Sabi ni Jas "wag na ate, malapit naman yung bahay natin dito eh." 

Sabi ko "eh paano ka-" Hindi pa man natuloy an sinsabi ko ay muling nagsalita si Jas "Ba bye!" Sabi ko "s-sige bye, mag-iingat ka ah!" 

Hanggang sa makapasok na ng tuluyan si Jas, nag-madali na din ako na pumunta sa university. Pagkadating sa university ay hinanap ko ang Classroom ko. Nang makapasok ng classroom ay nakita ko na may mga estudyante doon. 

Umupo ako malapit sa bintana at nanatiling tahimik lang doon. Nang magsisimula na ang klase ay nagpakilala na isa-isa hanggang sa may isa nalang estudyante ang wala pa doon. Biglang bumakas ang pinto at may lalaking pumasok "Good morning ma'am, I'm sorry I'm late."

"Next time agahan natin ah." sabi ni ma'am. "Yes po." sabi ng lalaki.

Napatitig ako sa lalaki at para bang namumukha ko na siya, pero hindi ko lang maalala kung saan. Maya-maya pa ang sabi ni ma'am sa lalaki "Since you are the one who hasn't introduced himself yet, start introducing yourself." Tumayo ang lalaki at ang sabi "yes po." 

Tumingin siya at humarap siya samin at nag simula na magpakilala "um, Hi! My full name is Gab Callisto Talino, you can call me Gab, I'm the captain of the basketball varsity here kaya kung gusto niyo mag try out, sabihan niyo lang ako."Nginitian niya kami matapos niyang magpakilala, wow grabe, sa panahon ngayon wala kang makikita na ganyang kaganda ang ngiti ngayong balik pasukan na. 

Matapos niya magpakilala ay umupo na siya sa upuan niya kung saan ay malapit sa tabi ko. Nang makaupo siya ay umiwas ako ng tingin baka sabihin tinitigan ko siya. Well...tinigtigan ko nga siya, kasi parang nakita ko na yung itsura niya eh, diko lang alam kung saan.

Nang mapatingin ako sa kanya ay nakita ko na nakatingin na siya sakin, "bago ka dito noh?" Sagot ko "oo eh." Sabi niya "sabi na eh, I mean matagal-tagal na kasi ako dito, kaya alam ko na kung sino-sino yung matagal at sa kung sino yung bago dito."