ALIENS AND STARS, LIKE YOU AND ME [COMPLETED]

CHAPTER 31

WEEKS AGO 

Pagkadating ko, nakita kong may mga pulis sa labas ng bahay namin, may ambulansya din doon. Bigla akong nag-alala nang makita ko ang ambulansya at pulis na nasa labas ng bahay namin, pati na rin ang mga taong nagkukumpulan doon. Pilit kong pinagsiksikan ang sarili ko sa mga tao sa paligid at nang makalapit ako ay nakita kong may inilalabas na nakatakip na katawan. 

May mga pulis na humaharang sa mga tao pero sinubukan kong lumapit sa crime scene na iyon para hanapin si Jas. "Papasukin niyo'ko andyan ang kapatid ko!" pinagpipilitan ko. Sabi ng pulis "Pasensya na at bawal ang pumasok o makalapit dito." 

Ang sabi ko "Nasa loob ang kapatd ko!" Sabi ng pulis "pero.." Nakita ko si Jas na naglalakad habang umiiyak kasama ang isang babae pulis. 

"Jas!" Napatingin sakin si Jas "Ate!" inalis na ang pagkakaharang  ng pulis at hinayaan akong makalapit ako kay Jas. 

Nagmadali akong makalapit kay Jas nang maalis ng tuluyan ang pagkakaharang sakin ng pulis. Nang makalapit ay agad akong inakap ni Jas, at matapos kami mag-akapan ay nakita ko na may dugo sa damit ni Jas. 

Tanong ko "Anong nangyari? Bakit may mga dugo ka sa damit mo?" Sabi ni Jas habang umiiyak "A-ate, si Na-nay.." Tanong ko "Anong nangyari kay nanay?" 

Sabi ni Jas "Patay na si nanay." Lumaki ang mata ko sa gulat ng marinig ko ang sinabi ni Jas. Napatingin ako sa pulis ng marinig ko ito na magsalita "Ikaw ba ang kapatid ni Jas?" 

Sabi ko "Opo, ako nga."  Tanong uli ng pulis "so ikaw pala ang kapatid ni Jas?" Sagot ko "Opo." 

Tanong ng pulis "Ang ibig sabihin din ay anak ka din ng namatay na si Raquelle Lazaro, tama ba ako?" Sagot ko "O-opo, ano po ba talaga ang nangyari? Bakit at paano namatay ang nanay namin?" 

Tumingin sa paligid ang pulis at ang sabi "masasagot namin ang katanungan mo sa maayos na lugar." Nang maupo sa isang upuan kung saan ay malapit ay nagsimula na ako uli na magtanong "ano po? Ano na po ang nangyari?" Tanong ng pulis "May iba pa ba kayong kamag-anak?" 

Sagot ko "wala na po, kaming tatlo nalang ni nanay ang magkakasama." Tanong ng pulis "sigurado ka?" Sabi ko "opo, matagal na pong patay ang tatay naming si Jose Lazaro. Patay na din po ang magulang nila pareho." 

Sabi ng pulis "pwes, kung ganon ay maari ko namang sabihin na sayo ang nangyari." Nakatayo ang pulis at nagsimula na magpaliwanag "Ang nangyari ay pinatay ang nanay niyo ni Alvin Kalharo."

Nanlalaki lalo ang mga mata ko "paano po at bakit daw niya pinatay ang nanay namin?" Lumapit ang isang lalaki "Ako nga pala ay si Chris Ibara, isang investigator, tinanong ko ang kapatid mo sa nangyari at ang kwento niya sakin ay nakahiga daw siya sa kama sa kwarto mo nang biglang pumasok sa kwarto mo ang boyfriend ng nanay mo na lasing na naghahanap ng pera sa alkansya mo. Kaya daw nang sinubakan niyang pigilan ang boyfirend ng nanay mo na kumuha ng pera mula sa alkansiya mo ay itinulak daw siya sa ibabaw ng kama at nagtangkang gahasahin siya."

Napatingin ako kay Jas na natiling nakaakap sakin. 

Patuloy ni Sir Ibara "Hindi pa naman daw agad iyon na tuloy ng biglang pumasok sa kwarto niyo ang nanay niyo. Nang makita sila ng nanay mo ay, pinigilan agad ng nanay mo ang boyfriend niya. Kaya inaway ng nanay mo ang boyfriend niya at agad naman daw na lumabas mula sa kwarto si Jas, hindi nagtagal ay pati na ang nanay mo at ang kanyang boyfriend ay lumabas din mula sa kwarto. Nang hindi daw mapigilan ng boyfriend ng nanay mo sa patuloy na pagpapalo o away sa kanya ng nanay niyo ay kumuha ng kutsilyo ang boyfriend niya at itinakot ang nanay mo. Sinabi daw ng nanay niyo na lumabas at tumakas ang kapatid mong si Jas, kaya agad naman daw siyang lumabas at humingi siya ng tulong"