ဒူးထောက်စမ်း
...................ထိုအချိန်တွင် ကျန်းလျှိုမှာ ကိုယ့်ကိုယ်ကိုယ်အပြစ်ပေးရန်အတွက် နံရံနှင့်ခေါင်းတိုက်ချင်နေသည်။ ယွီဝမ်ချီနှင့်စုမိသားစုဝင်ကို တိုင်ပေစားသောက်ဆိုင်၌ ဆုံရမည်ဟု သူကြိုသိထားပါက လင်းကျန်ကို လုံးဝလာခွင့်ပြုခဲ့မည်မဟုတ်ပေ။
လင်းကျန်က သူ့ကိုတစ်ချက်ကြည့်ကာ မေးလိုက်သည်။ "ခင်ဗျားဘာလို့ တအားသောကရောက်နေတာလဲ။"
ယခုမှသာ ထောင်ရိက ဤနေရာ၌ အခြေအနေ မူမမှန်ကြောင်း သတိထားမိသည်။ "ဘာဖြစ်နေကြတာလဲ။"
လင်းကျန်က ပြုံးသည်။ "ဘာမှမဟုတ်ပါဘူး။"
သို့သော် ထောင်ရိက တွေးတောနေပုံပေါ်သည်။ သူကလှေကားတက်ကိုတစ်ချက်ကြည့်ကာ ခေတ္တမျှအကြာတွင် ပြောသည်။ "စာအုပ်တန်းမှာ ခဏလောက်သွားလျှောက်ကြည့်ရအောင်။ အဲ့ဒီမှာ စာအုပ်နည်းနည်းဝယ်စရာရှိတယ်။ မင်းလည်း တော်ဝင်တက္ကသိုလ်မှာတက်တော့မှာပဲ။ မင်းအတွက်သင့်တော်တဲ့စာအုပ်တွေရှိမလားဆိုတာ သွားကြည့်ရအောင်။"
လင်းကျန်ကခေါင်းညှိတ်သည်။ "မဆိုးဘူး။"
လင်းကျန်က ကျန်းလျှို၏သောကရောက်နေပုံကိုကြည့်ကာ သူဤနေရာတွင် အနည်းငယ်ကြာကြာထပ်ထိုင်လျှင် ကျန်းလျှို၏စိုးရိမ်ပူပန်မှုများ အတိုင်းအတာကျော်သွားကာ ယွီဝမ်ထုန့်ထံ အစီအရင်သွားခံလိမ့်မည်ဟု သူယုံကြည်သည်။
သူတို့လေးယောက်က တိုင်ပေစားသောက်ဆိုင်ထဲမှ အတူထွက်လာကာ အရှေ့ပိုင်း၏ တတိယမြောက်လမ်းထဲတွင်ရှိသော စာအုပ်တန်းထံ ဦးတည်လာကြသည်။
ကျန်းလျှိုမှာ စာအုပ်တန်းသို့ရောက်မှသာ ပြန်ရောက်လျှင်အပြစ်ပေးခံရမည့်အန္တရာယ်ကင်းသွားသည်ဟု ခံစားရကာ တိတ်တဆိတ်သက်ပြင်းချမိသည်။
"သခင်လေး၊ ကျေးဇူးပြုပြီး နည်းနည်းနှေးပေးပါ။ ဒီလိုလူစည်တဲ့နေရာမျိုးမှာ ကျွန်တော်တို့နဲ့ အနီးကပ်နေရပါမယ်။" ကျန်းလျှိုနှင့်မတူဘဲ ဝမ်တရှန်ကမူ ခါးမတ်ထားမိသည်။ ဤစာအုပ်တန်းတွင် လူအတော်များသည်။ တစ်ချက်ကြည့်ကြည့်လျှင် သူတို့ကကျောင်းသားများဖြစ်ပုံပေါ်သော်လည်း လူစည်ခြင်းမှာ အန္တရာယ်ရှိခြင်းနှင့် ဆက်စပ်နေသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...