လျှို့ဝှက်တည်နေရာ
........................
ဤလက်နက်အပြည့်ဖြင့် ခြေလျင်တပ်အကူနှင့် ကျန်ချောင်း၏စစ်တပ်က ရန်သူ၏နယ်မြေကို ထောပတ်ခဲအား ဓားအပူဖြင့်ဖြတ်လိုက်သကဲ့သို့ ဝင်တိုးနိုင်လိုက်သည်။ နေ့တာကုန်ဆုံးသွားပြီးနောက် ထိုဓားပြများကို တောင်ထိပ်တွင် ချောင်ပိတ်ထားသည်။
တောင်ထိပ်တွင် သဘာဝချောက်နက်ကြီးရှိပြီး ယင်းကဓားပြများမှီခိုနိုင်သည့် နောက်ဆုံးအတားအဆီးပင်။ ယင်းပတ်လည်တွင် ထောင်ချောက်များ ထူထပ်စွာချထားရာ လက်နက်အပြည့်တပ်ဆင်ထားသောခြေလျင်တပ်ပင် ဆက်သွားရန်မလွယ်ချေ။
ကျန်ချောင်းနှင့် သူ့လူများက တောင်ထပ်ကို ပတ်ပတ်လည်ဝိုင်းထားသည်။ ထို့နောက် သူကဓားပြများအရှုံးပေးရန် စစ်သားတစ်ယောက်ကို အော်ခိုင်းလိုက်သည်။
"ဖွီ၊ ငါတို့ဘယ်နည်းနဲ့မှ အရှုံးမပေးဘူး။ ငါ့အသက်နဲ့လဲရရင်တောင် ကျန်ချောင်းရဲ့ခေါင်းကိုဖြတ်မယ်။"
အသက်ရှင်နေသေးသောဓားပြများက အခွင့်ရလျှင် ကျန်ချောင်း၏သွေးကိုသောက်ကာ အသားကိုအရှင်လတ်လတ် စားပစ်ချင်လောက်အောင် မုန်းတီးနေကြသည်။ မျှော်လင့်ချက်ကင်းမဲ့စွာ အကျပ်ရိုက်နေကြသော်လည်း ဤတောပုန်းများထဲမှ မည်သူမျှအရှုံးပေးရန် ဆန္ဒမရှိချေ။ တိုက်ခိုက်နေကြသောနှစ်ဖက်လူများမှာ တောင်ထိပ်တွင် ချောင်ပိတ်ရင်ဆိုင်နေကြသည်။
"တပ်မှူး၊ ကျွန်တော်တို့ သူတို့ကို အခုချက်ချင်း တရကြမ်းတိုက်ခိုက်ရမလား၊ ဒါမှမဟုတ် စစ်တပ်နဲ့ဝိုင်းထားပြီး သူတို့ရိက္ခာပြတ်သွားမှာကို စောင့်ရမလား။"
"သူတို့ကို စစ်တပ်နဲ့ဝိုင်းထားရမယ်ဟုတ်လား။ ငါ့မှာ အဲ့လောက်အချိန်မရှိဘူး။ ခေါင်းဆောင်တွေအားလုံးကို သွားခေါ်လိုက်။ ငါတို့ဗျူဟာတစ်ခုချပြီး ရန်သူရဲ့နေရာကို စီးနင်းတိုက်ခိုက်မယ်။"
"ဒါပေမဲ့ ကျွန်တော်တို့အဲ့လိုလုပ်ရင် အထိအခိုက်များနိုင်ပါတယ်။"
ဤစကားကိုကြားသေယအခါ ကျန်ချောင်းက စဉ်းလဲစွာပြုံးသည်။ "ငါလိုချင်တာ အဲ့ဒိရလဒ်ပဲလေ။ ဧကရာဇ်က ငါ့ရဲ့အဆိုပြုလွှာကို မကြာသေးခင်ကမှ ပယ်ချလိုက်တာ။ အခုသူ့ကို အဲ့ဒါရဲ့နောက်ဆက်တွဲတွေက ဘာလဲဆိုတာ ပြရမဲ့အခွင့်အရေးပဲ။ ငါ့စစ်တပ်နဲ့စခန်းကို ချဲ့ဖို့ သူကိုယ်တိုင်လိုလိုလားလား ခွင့်ပြုစေရမယ်။"
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
