ကျွန်တော့်ဘာသာကျွန်တော် လျှောက်လို့ရမလား။
.............................................................
"အစ်ကိုကြီး" လင်းမောက်မောက်က လင်းကျန်ကို အဝေးမှလှမ်းမြင်စဉ်ကတည်းကပင် အမြန်ပြေးလာသည်။
လင်းကျန်က လင်းမောက်မောက်အပေါ် ချက်ချင်းအာရုံစိုက်မိသွားပြီး အမြန်ပြေးလာသောကောင်လေးအား ကြည့်လိုက်သည်။ ထန်းယန်မြို့တွင်းနှင့်မတူသည်မှာ ဤစိုက်ခင်းမြေ၌ ခလုတ်တိုက်လဲရန်လွယ်သည်။ လင်းကျန်က လင်းမောက်မောက်ကိုအော်၍ မရပ်ခိုင်းဘဲ လင်းမောက်မောက်၏ခြေလှမ်းကိုသာ သေချာကြည့်နေသည်။
လင်းမောက်မောက်က တစ်ချက်ပင်မနားဘဲ လင်းကျန်၏ရင်ခွင်ထဲသို့ ဝင်လာသည်။
ယွီဝမ်ထုန်က အနည်းငယ် မျက်မှောင်ကြုတ်ကာ မြန်မြန်ရွှေ့လိုက်ပြီး လင်းကျန်၏နောက်၌ သွားရပ်သည်။
မျှော်လင့်ထားသည့်အတိုင်းပင်။ ပြန်လမ်းတစ်လျှောက်လုံး၌ ခန္ဓာကိုယ်အားတောင့်ထား၍ တစ်ကိုယ်လုံးနာကျင်ကိုက်ခဲနေသည့် လင်းကျန်မှာ လင်းမောက်မောက်၏ အလေးချိန်ကိုမခံနိုင်ဘဲ အနောက်ဘက်သို့ယိုင်လာသည်။
လင်းကျန် အနည်းငယ် လန့်ဖျပ်သွားကာ လင်းမောက်နောက် မနာကျင်စေရန် သူ့ကိုယ်သူ အကာအကွယ်တစ်ခုအဖြစ် လုပ်ဆောင်မည်ဟုရည်ရွယ်၍ လင်းမောက်မောက်ကို မြဲမြံစွာဖက်ထားလိုက်သည်။ သို့သော် မြေပြင်ပေါ်သို့လဲကျသွားရမည့်အစား သူက ရင်အုပ်ကျယ်ကြီးပေါ်လဲကျသွားကာ ရင်းနှီးသော အေးစက်စက်ရနံ့အား ရှူရှိုက်မိသည်။
ယွီဝမ်ထုန်က လင်းကျန်နှင့် လင်းကျန်၏ရင်ခွင်ထဲမှ လင်းမောက်မောက်အား တည်ငြိမ်စွာကိုင်ပေးထားကာ ငုံကြည့်၍ပြောသည်။ "တစ်ယောက်က နမော်နမဲ့ပြေးလာတယ်။ တခြားတစ်ယောက်က ကိုယ့်ခန္ဓာကိုယ်အခြေအနေကိုယ် မသိဘဲ ကလေးတစ်ယောက်ကို မချီရဲတယ်။"
လင်းကျန်မှာ ပြောစရာမဲ့သွားသည်။
သူက ယွီဝမ်ထုန်အား သူ့ကိုမဖမ်းခိုင်းခဲ့ချေ။
လင်းမောက်မောက်က လင်းကျန်၏ရင်ခွင်ထဲမှ ခေါင်းမော့လာကာ ယွီဝမ်ထုန်ထံ စပ်စပ်စုစု လှမ်းကြည့်သည်။ "ဦးလေးက ဘယ်သူလဲ။"
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
