ကျားမိသားစု၏အိမ်တော်ထိန်း
......................................"မင်းရဲ့သွေးကြောတွေကို ရှင်းပေးပြီးသွားရင် ကိုယ်ပြန်သွားမှာ။" ယွီဝမ်ထုန်က လင်းကျန်၏အမေးကို ဖြေသည်။
လင်းကျန်မှာ ဤတုံ့ပြန်မှုကြောင့် အနည်းငယ်အံ့ဩမိသည်။ "ခင်ဗျား ကျွန်တော့်သွေးကြောတွေကို ရှင်းပေးဖို့ တကူးတကပြန်လာတာလား။"
"ဟုတ်တယ်။" ယွီဝမ်ထုန်ကပြန်ပြောကာ အဝတ်အမြန်ချွတ်နေသည်။ သူ့မျက်ဝန်းများက လင်းကျန်၏ လည်တိုင်သွယ်သွယ်၊ လှပသော လက်ပြင်ရိုးနှင့် ချောမွေ့သောကျောပြင်တို့အား သိမ်းကျုံးကြည့်နေသည်။
"ခင်ဗျားမှာ အရေးကြီးကိုင်တွယ်စရာကိစ္စရှိရင် သွားသာသွားပါ။ ကျွန်တော့်အတွက် ငဲ့မနေနဲ့။" လင်းကျန် အနည်းငယ်ဘဝင်မကျသကဲ့သို့ ခံစားနေရသည်။ 'သူက ဒီလိုအခွင့်ကောင်းမျိုးကို ဘယ်လိုလုပ်ဖြုန်းတီးနိုင်ရတာလဲ။'
"စကားမပြောနဲ့တော့။ အာရုံစိုက်ပြီး စိတ်ငြိမ်အောင်ထိန်းထား။" ယွီဝမ်ထုန်က လင်းကျန်၏ကျောကို လက်ဖဝါးနှစ်ဖက်ဖြင့်ဖိထားသည်။ နွေးထွေး၊ စိုစွတ်သောအထိအတွေ့ကြောင့် လင်းကျန်မျက်စိမှေးသွားသည်။
လင်းကျန် တားချင်သော်လည်း ယွီဝမ်ထုန်က သူ့ကိုကူညီရန်တကူးတကပြန်လာရသည်ဟု တွေးမိသောအခါ ယွီဝမ်ထုန်၏ခံစားချက်များကိုမနာကျင်စေချင်ပေ။ သူသာ ယွီဝမ်ထုမ်ကို ထပ်မံဖျောင်းဖျလျှင် အချိန်ဖြုန်းသကဲ့သို့သာဖြစ်မည်ဖြစ်ရာ ဘာမှထပ်မပြောတော့ဘဲ အာရုံစိုက်ရန်ကြိုးစားလိုက်သည်။
သူစိတ်ငြိမ်သွားသောအခါ ယွီဝမ်ထုန်က အတွင်းအားကိုဖြည်းဖြည်းချင်း စုစည်းကာ လင်းကျန်၏ကိုယ်ထဲသို့ သတိဖြင့်သွင်းပေးသည်။
လင်းကျန်နှင့်ရင်းနှီးနေသော ထုံထိုင်း၊ ယားယံ၊ နာကျင်မှုကို စတင်ခံစားလာရသည်။
နှစ်နာရီကြာပြီးနောက် ယွီဝမ်ထုန်မတ်တပ်ရပ်ကာ ရေချိုးခန်းထဲမှထွက်သွားပြီး မကြာခင်ပျောက်သွားသည်။ သူက နယ်စောင့်တပ်စခန်းသို့အမြန်ပြန်သွားရန် အလျင်လိုနေကြောင်း သိသာသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...