ယွီဝမ်ဖုန်း၏ မြှောက်ပင့်ပြောဆိုခြင်းများ
..................................................
"ဝမ်းကွဲက မြို့တော်ကို ဒီနေ့အစောပိုင်းကရောက်လာပြီး အကြီးပိုင်းတွေကို အိမ်ပြန်မတွေ့တာနဲ့တင် လူတွေအတင်းပြောစရာဖြစ်နေပြီ။ ငါတို့တွေ ဒီအတိုင်းပြန်သွားရင် မြို့ရဲ့နေရာတိုင်းမှာ ကောလဟာလတွေပျံ့ပြီး ငါ့ဝမ်းကွဲရဲ့ဂုဏ်သတင်းကို ဆိုးဆိုးရွားရွားကျဆင်းစေလိမ့်မယ်။" ယွီဝမ်ဖုန်းကထပ်ပြောသည်။
အစောင့်က မျက်မှောင်ကြုတ်ကာ အခိုက်အတန့်မျှစဉ်းစားပြီးနောက် ပြန်ပြောသည်။ "ဒါဆို ခဏလောက်စောင့်ပေးပါဦး။ ကျွန်တော် အထဲဝင်ပြီး ထပ်မေးလိုက်ပါ့မယ်။"
ယွီဝမ်ဖုန်းက စိတ်သက်သာရာရသွားသည်။ "ရပါတယ်။"
တဲ့တိုးပြောတတ်သောအစောင့်က အရှေ့ဘက်တံခါးပေါက်ထဲသို့ဝင်သွားပြီး မျက်ကွယ်သို့ရောက်သောအခါ မျက်ဆန်လှန်လိုက်သည်။ 'ငါ့ကို အရူးလို့ထင်နေတာလား။ စစ်သူကြီးသာ သူတို့ကိုကြာကြာစောင့်ခိုင်းထားဖို့ ငါ့ကိုမမှာထားရင် ဒီလိုပြန်လာမှာမဟုတ်ဘူး။'
လွန်ခဲ့သည့်အခိုက်အတန့်တွင် ဧည့်သည်များရောက်လာသည်ဟု အစောင့်မှလာပြော၍ လင်းကျန်နိုးသွားသည်။ သို့သော် သဲသဲကွဲကွဲမကြားခဲ့ရပေ။ ခဏအကြာတွင် အသံတိတ်သွားကာ သူပြန်အိပ်ပျော်သွားသည်။ ထိုအချိန်တွင် သူကထန်းယန်တွင်ရှိနေသည်ကို အိပ်မက်မက်ခဲ့သည်။ သူအိပ်မက်ထဲ၌ပျော်ရွှင်နေစဉ်တွင် အကြောင်းလာကြားသော အစောင့်၏အသံကြောင့် ထပ်နိုးသွား၍ အိပ်ချင်မူးတူးဖြင့် စိတ်တိုသွားတော့သည်။ "ဘာဖြစ်နေတာလဲ။ ကျွန်တော့်ကိုကောင်းကောင်းအိပ်ခွင့်မပေးနိုင်ဘူးလား။"
ယွီဝမ်ထုန်က လင်းကျန် နှစ်ကြိမ်ဆက်တိုက်အနှိုးခံလိုက်ရသည်ကိုတွေ့သောအခါ တတိယအကြိမ်မြောက်မနိုးစေရက်သဖြင့် ရင်ခွင်ထဲထည့်ဖက်ကာ ပုတ်ပေးလိုက်သည်။ "အဆင်ပြေပါတယ်။ ပြန်အိပ်၊ ပြန်အိပ်။"
လင်းကျန်က ယွီဝမ်ထုန်၏ရင်ခွင်ကို ခေါင်းဖြင့်ပွတ်ပြီးနောက် တစ်ဖက်သို့လှည့်ကာ ယွီဝမ်ထုန်ကိုဖင်ပေးသွားသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
