"အစ်ကိုပြောတာကျ လွယ်တာပေါ့။ ကျွန်တော်တို့ ဘာလုပ်သင့်တယ် ထင်လဲ။"
ယွီဝမ်ချီထံတွင် ဒေါသပွက်ပွက်ဆူနေသော်လည်း သူ့အစ်ကိုကြီးကို နာခံလိုက်ရသည်။ သူ၏နာခံမှု၌ မလိုလားခြင်းများသာ စွက်နေသည်။ အကြောင်းရင်းကိုမသိရသော်လည်း ယွီဝမ်ဖုန်းက သူ့ထက်သာသကဲ့သို့ အရာအားလုံးကို ရှင်းပြီးသည့်အလား ပြုမူနေသည်ကို မကြိုက်ပေ။
ယွီဝမ်ဖုန်က မတ်တပ်ထရပ်သည်။ "လင်းကျန်ဆီကို ငါသွားမယ်။"
ယွီဝမ်ချီက ထိုစကားကိုကြားသောအခါ မတ်တပ်ရပ်ကာပြောသည်။ "ကျွန်တော်လည်းလိုက်မယ်။"
ယွီဝမ်ဖုန်းက ငြင်းလိုက်သည်။ "မလိုဘူး။"
ယွီဝမ်ချီက မကျေမနပ်ဖြစ်သွားသည်။ "ဘာလို့လဲ။ ကျွန်တော်က ဘာလို့သွားလို့မရတာလဲ။"
ကျန့်ရှီက ဝင်ပြောသည်။ "ချီအာကို ခေါ်သွားပါလား။ ညီအစ်ကိုနှစ်ယောက်အဖော်ရတာပေါ့။"
ယွီဝမ်ဖုန်းက သုံးနှစ်အရွယ်ကလေးသာ အဖော်လိုလိမ့်မည်ဟု ပြောနေသည့်အလား မျက်မှောင်ကြုတ်မိသည်။ သို့ရာတွင် သူ့အမေကို မကြာခဏဆန့်ကျင်ခြင်းက မသင့်တော်သဖြင့် ခေါင်းညှိတ်လိုက်ရသည်။
ယွီဝမ်ချီက ငေါ့တော့တော့ရယ်ကာ တွေးသည်။ 'အမေက ငါ့ဘက်မှာပဲ။ အစ်ကိုကြီးတောင် သူမရဲ့စကားကိုနားထောင်ရတယ်။'
*****
လင်းကျန်၏စံအိမ်သို့ ယွီဝမ်ထုန်ရောက်သွားသောအခါ အထဲမှလူများက ပျော်ပါးနေကြတုန်းပင်။ ယောင်ရိတို့က ယွဲ့ချီနှင့်မတွေ့ရသည်မှာ တစ်လခန့်ရှိပြီပင်။ ထို့အပြင် သူတို့က ဝမ်တရှန်တို့နှင့်လည်း အရက်အဝသောက်ထားရာ ပျော်ပွဲရွှင်ပွဲမှာ ဘယ်သောအခါမှ အဆုံးမသတ်တော့မည့်အလား အချိန်ကောင်းရနေကြသည်။
ယွီဝမ်ထုန်က လေ့ကျင့်ရေးကွင်းဘေးမှဖြတ်ကာ ပတ်ပတ်လည်ကိုကြည့်လိုက်သော်လည်း လင်းကျန်အားမတွေ့ပေ။ သူကချက်ချင်း စိတ်အခြေအနေဆိုးရွားသွားပြီး မျက်နှာသုန်မှုန်သွားသည်။ "ညီလေးကျန်ဘယ်မှာလဲ။"
ယောင်ရိတို့က ယွီဝမ်ထုန်ပြန်လာသည်ကိုတွေ့သောအခါ ဗရုတ်မကျတော့ပေ။ ယွီဝမ်ထုန်၏မျက်နှာမည်းနေသည်ကိုတွေ့၍ အားလုံး တွန့်သွားကြသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...