သခင်လေးပျော်အောင် ငါဘာလုပ်သင့်လဲ။
....................................................
"ဝေါ့...အော့။"
ဆတ်သားစခန်း၏ တိတ်ဆိတ်သောထောင့်တစ်ခုတွင် ကျိုးပင်းချွမ်က နံရံကိုဘယ်လက်ဖြင့်ထောက်ကာ ခါးကိုင်း၍ မျက်နှာဖြူဖျော့ဖျော့ဖြင့် အန်နေသည်။
"ခေါင်းဆောင်ကျိုးက ဘာဖြစ်နေတာလဲ။ သူဘာလို့ ဆိုးဆိုးရွားရွား အန်နေတာလဲ။"
ကျိုးပင်းချွမ်က ထောင့်သို့သွားကာ အပြင်းအထန်အန်နေသည်ကို နန်းတွင်းအစောင့်များက သတိပြုမိသည်။ သူတို့အားလုံးမှာ အလွန်အံ့ဩသွားကြသည်။
ယွီဝမ်ထုန်၏အစောင့်တစ်ယောက်က ထွက်လာကာ အထင်သေးစွာလှောင်ပြုံးပြုံးပြီး အနားသို့ရောက်လာ၍ ပြောလိုက်သည်။ "ခေါင်းဆောင်ကျိုး၊ ဆေးသောက်ချင်သေးလား။ ကျွန်တော်တို့ရဲ့ဆေးကို လျှို့ဝှက်ဆေးဖော်နည်းနဲ့ ဖော်ထားတာလေ။ အန်တာအတွက်ဆို တော်တော်ထိရောက်တယ်။"
သို့သော် ကျိုးပင်းချွမ်က ထိုလူ၏စကားကို ကြားပြီးနောက် ပို၍ဆိုးရွားစွာအန်တော့သည်။
နန်းတွင်းအစောင့်များမှာ အံ့အားသင့်မှုကြောင့် ဆွံ့အသွားကြသည်။
'ဘာတွေ ဖြစ်နေတာလဲ။' သူတို့က တွေးမိသည်။
ဆတ်သားစခန်း၏ဒုတိယထပ်မှ အခန်းတစ်ခန်းရှိပြတင်းပေါက်နားတွင်ရပ်နေသော လင်းကျန်နှင့် ယွီဝမ်ထုန်က အောက်ဘက်မှအဖြစ်ကို မြင်ကြသည်။
"ခေါင်းဆောင်ကျိုးက စစ်ဆေးတာကို အခန်းထဲမှာသွားကြည့်တယ် မဟုတ်လား။ သူဘာဖြစ်သွားတာလဲ။ အစာအိမ်အတွက်မကောင်းတဲ့ဟာကိုများ စားမိတာလား။"
ယွီဝမ်ထုန်က ပြန်ပြောသည်။ "သူက ကြောက်ဖို့ကောင်းတာ တစ်ခုခုကို မြင်မိသွားတာနေမယ်။"
"ကြောက်ဖို့ကောင်းတဲ့ဟာလား။" လင်းကျန်က အံ့ဩသွားသည်။ "ရှဲ့ရှီက လုပ်ကြံသူကို ကြောက်...ကြောက်ဖို့ကောင်းတဲ့နည်းလမ်းနဲ့ စစ်ဆေးနေတာလား။ အဲ့ဒါကလူတစ်ယောက်ကို အကြာကြီးအန်စေတဲ့အထိ ကြောက်ဖို့ကောင်းလား။"
တကယ်တမ်းတွင် လင်းကျန်က 'ရက်စက်' သို့မဟုတ် 'သွေးထွက်သံယိုများ' ဆိုသည့်စကားလုံးကို သုံးချင်သော်လည်း ခေတ္တမျှတွေးပြီးနောက် ထိုစကားလုံးနှစ်လုံးကိုသုံးကာပြောရန် အနည်းငယ်မသင့်တော်ဟု ခံစားလိုက်ရသည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
