ဆေးဥယျာဉ်ပိုင်ရှင်က အထွေထွေဆိုင်ထိုင်၏ စဉ်းစားပေးမှုကို သတိမထားမိသော်လည်း သူကဤလူနှစ်ယောက်ကို သူ၏အိမ်ရာထဲမှ မြန်မြန်ထွက်သွားစေချင်နေရာ ထပ်ကာထပ်ကာ ခေါင်းညှိတ်၍ပြောသည်။ "ဟုတ်တယ်၊ ဟုတ်တယ်။...ဒီညက လက်ဖက်ရည်ဆိုင်ထဲမှာ ဧည့်သည်တွေ အင်မတန်များတော့ သူတို့ထဲမှာ ရုပ်ဖျက်ထားတဲ့ လုပ်ကြံသူရှိမလားဆိုတာ သေချာမသိရဘူး။ သခင်လေးတို့ရဲ့ လုံခြုံရေးအတွက် ကျွန်တော့်ရဲ့အစောင့်တွေနဲ့ အိမ်လိုက်ပို့ပါ့မယ်။"
ယွီဝမ်ထုန်ကပြောသည်။ "အလျင်မလိုပါဘူး။ ကျွန်တော့်ရဲ့အစောင့်ပြန်လာတဲ့အထိစောင့်ပြီးမှ ဆုံးဖြတ်ပါမယ်။ သင်က စီရင်စုရုံးတော်ကို အကြောင်းကြားပြီး ရုံးတော်သားတစ်ချို့ကိုခေါ်ပေးရင် ကျွန်တော်တို့ ကျေးဇူးတင်မိမှာပါ။"
ထိုသို့ပြောပြီးနောက် သူက သက်သေခံကတ်ပြားကို ထုတ်ကာ ဆေးဥယျာဉ်ပိုင်ရှင်ကို အသိပေးလိုက်သည်။ "အကယ်၍ တစ်ခုခုက နှောက်ယှက်လာရင် ဒီသက်သေခံကတ်ပြားကို ယူသွားပါ။"
ယွီဝမ်ထုန်က ဤဖြစ်ရပ်ကို အာဏာပိုင်အဖွဲ့ထံ အကြောင်းကြားစေချင်နေသည်ကို ဆေးဥယျာဉ်ပိုင်ရှင်က ကြားရသောအခါ အနည်းငယ် ကသိကအောက်ဖြစ်နေပုံပေါ်သော်လည်း ယွီဝမ်ထုန်၏လက်ထဲမှ သက်သေခံကတ်ပြားထံ အကြည့်ရောက်သွားသောအခါ ကြောက်လန့်မှုကြောင့် မျက်နှာဖြူဖျော့သွားပြီး ခြေထောက်ပျော့ခွေကာ ဒူးထောက်ကျသွားသည်။ "ကျွန်တော့်ရဲ့ မသိနားမလည်မှုကြောင့် မဟာစစ်သူကြီးကို မမှတ်မိခဲ့ပါဘူး။ စစ်သူကြီးကို လျော်ကန်တဲ့ လုပ်ထုံးလုပ်နည်းနဲ့ မကြိုဆိုနိုင်ခဲ့တဲ့အတွက် ကျွန်တော် သေဒဏ်အချခံရသင့်ပါတယ်။"
'စစ်သူကြီး ဟုတ်လား။ သူက စစ်သူကြီးယွီဝမ်ပေါ့။'
အခြားလူများလည်း မှင်တက်သွားသည်။ အိမ်ယာပိုင်ရှင်က မြေကြီးပေါ်တွင်ဒူးထောက်နေသည်ကို သူတို့တွေ့သောအခါ သူတို့လည်း ဒူးထောက်ကြသည်။
ယခုအချိန်တွင် ဆေးဥယျာဉ်ပိုင်ရှင်၏ခြေထောက်များက ကြောက်လန့်မှုကြောင့် တုန်ယင်နေသည်။ စစ်သူကြီးယွီဝမ်က သူ၏အိမ်ယာထဲတွင် လုပ်ကြံမှုနှင့်ကြုံခဲ့ရသည်ဟု သူတွေးမိရုံနှင့် သတိလစ်လုနီးပါးပင်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
