လင်းကျန်က အသေးစိတ်ပြင်ဆင်ထားသော ညလယ်စာများကိုကြည့်ကာ ခေါင်းညှိတ်ပြလိုက်သည်။
သူက ယွီဝမ်ထုန်နှင့် မကြာသေးခင်ကမှ ညစာစားခဲ့ပြီး ဗိုက်သိပ်မဆာသော်လည်း ညလယ်စာမွှေးမွှေးကို မလွန်ဆန်နိုင်ပေ။
"ကျွန်တော် မနေ့ညက အပြင်ထွက်ပြီး တိုက်ခိုက်နေတုန်း အိမ်မှာ အရာရာအဆင်ပြေရဲ့လား။" လင်းကျန်က မေးပြီးနောက် နူးညံ့ချောမွေ့သော မုန်လာဥဖြူလုံးကို သက်တောင့်သက်သာယူကာ ပါးစပ်ထဲထည့်လိုက်သည်။
"အစတုန်းကတော့ လူတိုင်းက ဆူညံသံတွေကိုကြားပြီး လန့်ဖျပ်သွားကြပါတယ တချို့က အပြင်ထွက်ပြီး စနည်းနာချင်ပေမဲ့ ခေါင်းဆောင်ဝမ်နဲ့အဖွဲ့က သူတို့ကိုတားလိုက်ပါတယ်။ ဒုသခင်ကြီးရှိတဲ့အတွက် အစေခံတွေ မကြာခင် တည်ငြိမ်သွားပြီး တံခါးအားလုံးကိုပိတ်လိုက်ပါတယ်။ အစောင့်တွေက ဓားရှည်နဲ့တခြားလက်နက်တွေကိုကိုင်ပြီး စံအိမ်ကိုစောင့်ကြပ်နေခဲ့ပါတယ်။ လူဆိုးတစ်ချို့က လူတိုင်းအထိတ်တလန့်ဖြစ်နေကြတဲ့အချိန်ကို အခွင့်ကောင်းယူပြီး ပိုက်ဆံလာတောင်းပေမဲ့ ကျွန်တော်တို့တွေ မောင်းထုတ်လိုက်ပါတယ်။"
လင်းကျန်မှာ သူ၏အစေခံများက ဤသို့သတ္တိရှိနေသည့်အတွက် အနည်းငယ်အံ့ဩမိသည်။
"မင်းတို့အားလုံး ကောင်းကောင်းလုပ်ခဲ့ပါတယ်။ မနက်ဖြန်မနက်ကျရင် ကြေငြာချက်တစ်ခုထုတ်လိုက်။ အစေခံတိုင်းက သူတို့ရဲ့ ထိုက်သင့်တဲ့လုပ်ဆောင်ချက်ကြောင့် ငွေတုံးသုံးတုံး၊ အကြီးအကဲတိုင်းက ငွေတုံးလေးတုံး၊ အစောင့်တိုင်းက ငွေတုံးဆယ်တုံး ချီးမြှင့်ခံရမယ်။ ငွေကို ငါ့ရဲ့ကိုယ်ပိုင်ဥစ္စာထဲက ထုတ်ပေးလိုက်။"
ရှားဖုန်၏မျက်လုံးများ အနည်းငယ်တောက်ပသွားသော်လည်း သူကတည်တည်ငြိမ်ငြိမ်ပင်။ "သခင်လေးရဲ့ ရက်ရောမှုအတွက်ကျေးဇူးတင်ပါတယ်။ ကျွန်တော် မနက်ဖြန်ကျရင် ဆောင်ရွက်လိုက်ပါ့မယ်။ ဒါနဲ့ ဝူအားနျိုကို လွှတ်ပေးလိုက်ရမလားဆိုပြီး ကြီးကြပ်ဟယ်က မေးလိုက်ပါတယ်။"
'ဝူအားနျိုလား၊ ငါ သူ့ကိုမေ့တော့မလို့။'
"သူ့ကို လွှတ်ပေးလိုက်။ သူ့ကိုဒီမှာဖမ်းထားတာက စားစရာပဲကုန်တယ်။"
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...