ကိုယ့်ကို လက်ထပ်ပါ။
...........................
'လူတိုင်းက ကိုယ့်အကြိုက်နဲ့ကိုယ်ပဲ ဟုတ်လား။ သူဘာတွေ တွေးနေတာလဲ။'
လင်းကျန်မှာ ထိုစကားကိုစဉ်းစားမိရုံနှင့် နှလုံးခုန်မြန်လာကာ ပါးများထူပူနေပြီး တည်ငြိမ်မှုပျောက်သွားသည်။ ယွီဝမ်ထုန် သူနှင့်ပရောပရည်လုပ်တိုင်းတွင် သူရှက်ကိုးရှက်ကန်းဖြင့် ထွက်ပြေးလာရသည့်အဖြစ်ကြောင့် စိတ်တိုမိသည်။ လင်းကျန်က သူ တစ်ခုခုပြောသင့်သည်ဟု ယုံကြည်သော်လည်း ယွီဝမ်ထုန်ကဲ့သို့ ပရောပရည်လုပ်ခြင်းက ရှက်စရာကောင်းလွန်းသည်။ 'ငါက အဲ့ဒိလူရမ်းကား စစ်သူကြီးထက် ပိုသာတယ်။'
"သခင်လေးခင်ဗျ။" လင်းကျန်ထံသို့ ညဉ့်လယ်စာလာပို့သည့် ရှားဖုန်းက လင်းကျန်၏မျက်နှာတွင် ပြုံးလိုက်၊ မျက်မှောင်ကြုတ်လိုက်ဖြင့် အမူအရာအမျိုးမျိုးပြောင်းလဲနေသည်ကိုတွေ့သောအခါ အံ့ဩသွားသည်။ သူ၏သခင်လေးနှင့်ပက်သက်၍ တစ်ခုခုအဆင်မပြေဖြစ်နေမည်ကို သူစိုးရိမ်မိသည်။ 'မနေ့ညက တိုက်ပွဲမှာ သခင်လေး တအားစိတ်ထိခိုက်သွားတာများလား။'
"သခင်လေး၊ အဆင်ပြေရဲ့လား။ မနေ့ညက တိုက်ပွဲမှာ သခင်လေး တအားကြောက်သွားတာပါလား။ သခင်လေးရဲ့သွေးခုန်နှုန်းကိုစမ်းဖို့ ကျွန်တော် သမားတော်လင်ကို သွားပင့်လိုက်ပါ့မယ်။" ရှားဖုန်းက ညလယ်စာကို သယ်လာရင်း စိုးရိမ်ပူပန်စွာမေးသည်။
လင်းကျန်က ရှားဖုန်း၏ ထိတ်လန့်နေသောလေသံကိုကြားသောအခါ ယွီဝမ်ထုန်၏ထိုစကားအကြောင်း မတွေးတော့သဖြင့် နှလုံးခုန်မမြန်တော့သကဲ့သို့ မျက်နှာလည်းမပူတော့ပေ။ သူက ခပ်တည်တည်မျက်နှာထားဖြင့် တည်ငြိမ်စွာပြောလိုက်သည်။ "ငါ အဆင်ပြေပါတယ်။ သမားတော်လင်ကို သွားပင့်စရာမလိုဘူး။"
'သမားတော်လင်သာ ဒီကိုညဉ့်နက်ချိန်ကြီးမှာရောက်လာပြီး အလကားလာလိုက်ရမှန်းသိသွားရင် ဘယ်လောက်သဘောကောင်းကောင်း ဒေါသထွက်မှာပဲ။' လင်းကျန်ကတွေးသည်။
လင်းကျန်ပုံမှန်အတိုင်းဖြစ်သွားကာ မျက်နှာထားတည်ငြိမ်သွားသည်ကို ရှားဖုန်းမြင်သောအခါမှ စိတ်သက်သာရာရကာသက်ပြင်းချမိသည်။ သူက ညလယ်စာဗန်းကို လင်းကျန်၏ရှေ့တွင်ချပေးလိုက်သည်။ "သခင်လေး အဆင်ပြေတယ်ဆို ကျွန်တော်ဝမ်းသာပါတယ်။ ညလယ်စာ သုံးဆောင်ပါဦး။"
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
