အဝိုင်းခံရခြင်း၊ တိုက်ပွဲဖြစ်ခြင်းနှင့် လိုက်ဖမ်းခြင်း (၂)
...................................................................
ကျန်ချောင်းထွက်ပြေးသွားသည့်နေရာမှာ ဆူးချုံပုတ်များဖုံးလွှမ်းနေသည့် ကုန်းမြင့်ဖြစ်သည်။ ထိုကုန်းမြင့်တစ်ခုလုံးတွင် ဆူးချွန်မာများ၊ ဆူးထစ်ပါသော ဆူးလေးပင်များပြည့်နေရာ လူများအတွက်ထိခိုက်လွယ်သဖြင့် ဖြတ်သွားရန် မဖြစ်နိုင်လုနီးပါးပင်။
ကျန်ချောင်းက အသက်ရှင်လိုသောဇောကြောင့် ကိုယ်ကိုယ်တိုင်စိတ်တင်းကာ သူ့လူများကို ဆူးချုံများကြားသို့ ဖြတ်သွားစေသည်။ စစ်သားတစ်ဆယ်ကျော်မျှ၏အသက်ကို စတေးပြီးမှသာ သူတို့က ထိုနေရာမှထွက်သွားနိုင်ပြီး တောထဲသို့ထွက်ပြေးသွားသည်။
အရှေ့ဘက်သို့ဦးတည်နေသောအဓိကလမ်းမကြီးမှာ တောင်၏တစ်ဖက်ခြမ်းတွင်ပင်။ ထို့ကြောင့် တိုင်ချိန့်က သူ့ကိုအစွမ်းကုန်လိုက်ဖမ်းနေပြီး သူ ကျန်ချောင်းအား အောင်အောင်မြင်မြင်နှင့် ကြားဖြတ်တိုက်နိုင်တော့မည့် အကြိမ်ရေ
အနည်းငယ်မျှရှိခဲ့သည်။
"ကျွန်တော်တို့ တိုင်ချိန့်ကို ကူပေးလိုက်ရမလား၊ စစ်သူကြီး။" တိုင်ချိန့်နောက်သို့ တိတ်တိတ်လေးလိုက်လာသော လူတစ်ယောက်ကမေးသည်။
"အလျင်လိုစရာမလိုဘူး။ တိုင်ချိန့်က အတွေ့အကြုံရှိတဲ့တပ်မှူးလို့ ယူဆလို့ရတယ်။ သူကျန်ချောင်းကို တကယ်မဖမ်းနိုင်မှ ငါတို့ဝင်မယ်။"
သို့ရာတွင် တိုင်ချိန့်ကို အတွေ့အကြုံရှိတပ်မှူးဟု ယူဆထားသည့် ယွီဝမ်ထုန်မှာ စိတ်ပျက်သွားရသည်။ တိုင်ချိန့်က ကျန်ချောင်းကိုဖမ်းမိလုနီးပါးအထိ လိုက်နိုင်ခဲ့သော်လည်း ကျန်ချောင်း တောထဲမှထွက်သွားသည်ကို မတားနိုင်ခဲ့ပေ။ ပို၍အရှက်ရဖွယ်ကောင်းသည်မှာ တိုင်ချိန့်က မြေပြင်အနေအထားကိုအခွင့်ကောင်းယူသွားသော ကျန်ချောင်းကြောင့် တောအုပ်ထဲတွင် ပိတ်မိသွားခြင်းပင်။
ယွီဝမ်ထုန်၏နှုတ်ခမ်းထောင့်များတွန့်သွားသည်။ "အသုံးမကျတဲ့ကောင်တွေ။"
သူ၏ကိုယ်ရံတော်များမှာ ဘာမှမပြောရဲချေ။
"လှုပ်ရှားကြမယ်။" ယွီဝမ်ထုန်က အမိန့်ပေးလိုက်သည်။ သူက ပိတ်မိနေသော တိုင်ချိန့်နှင့်နောက်လိုက်များကို လစ်လျူရှုကာ သူ၏ကိုယ်ရံတော်များကို တောအုပ်၏အပြင်ဘက်သို့ခေါ်လာပြီး အဓိကလမ်းမကြီးသို့ ရောက်လုနီးပါးကျန်ချောင်းကို အောင်အောင်မြင်မြင်တားနိုင်လိုက်သည်။
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...
