Unicode...
မင်းထွဋ်ရဲ့ မနက်ဟာ စိမ်းစိုနေတယ်။ ချစ်ရသူလေးက လက်ဆောင်ပေးလိုက်တဲ့ ချည်ပုဆိုးကို အကျအနဝတ်လို့ အလုပ်သွားတယ်။ ဖြစ်ချင်တော့ မင်းထွဋ်ရဲ့နေ့ရက်ကလေးဟာ ကံကောင်းခြင်းတွေနဲ့အစပျိုးဖို့ဖြစ်လာလေရဲ့။ လမ်းထိပ်မှာ အကြိုအပို့ယာဉ်ကိုစောင့်နေတဲ့ ညို့ကို တွေ့လိုက်ရတယ်လေ။
ညို့ဘေးကနေ လိုင်းကားအလာကိုစောင့်ရင်း သူလေးပေးထားတဲ့ချည်ပုဆိုးကို မျက်စပစ်ပြတော့ ရှက်ကိုးရှက်ကန်းနဲ့ အောက်ကိုငုံ့ပြီး ခိုးရယ်သတဲ့။ လိုင်းကားရောက်လာတော့ မင်းထွဋ် ညို့ကို တစ်ချက်ပြုံးပြပြီး ကားပေါ်တက်ခဲ့လိုက်တယ်။
စကားလုံးတွေမလိုပါဘဲ နှစ်ဦးကြား ခဏတာဆက်သွယ်ဖြစ်ခဲ့ပုံက လူသားနှစ်ယောက်အတွက် တစ်နေ့တာကိုဖြတ်သန်းဖို့ ခွန်အားတစ်ခုဖြစ်ခဲ့လေတယ်။
မင်းထွဋ် အလုပ်ကပြန်ရောက်တာနဲ့ အဝတ်လဲပြီး ရပ်ကွက်ဓမ္မာရုံဆီဦးတည်ခဲ့တယ်။ ခြေလှမ်းတွေက မြောက်ကြွကြွ...။ အများအမြင်မှာတော့ မင်းထွဋ်ဟာ ရပ်ရေးရွာရေးအတွက် တက်ကြွနေပါတယ်ပေါ့။ ဘယ်ဟုတ်လိမ့်မလဲ။
ဒီတစ်ပတ်တော့ မင်းထွဋ်ဟာ ရပ်ရေးရွာရေးအတွက်မဟုတ်ဘဲ ရပ်ရေးရွာရေးကသာ မင်းထွဋ်ရဲ့မဟာအကြံအစည်ကြီးကို ကူညီဖို့အတွက် ဖြစ်သွားတယ်။ မင်းထွဋ်ကိုမြင်လိုက်ရလို့ အားတက်သွားတဲ့ လုပ်အားပေးအုပ်စုကို ရုပ်ရှင်မင်းသားတွေလို လက်ကလေးလှမ်းပြ ပြုံးပြပြီး နှစ်သိမ့်လေတယ်။
ဓမ္မာရုံက လူကြီးကို ခဏနေရင် 'သဲကြီးမဲကြီး' ဆိုတဲ့သီချင်းလေးဖွင့်ပေးဖို့ ပြောပြီးတာနဲ့ ချက်ချင်းပြန်သွားတဲ့မင်းထွဋ်ကို အနားမှာရှိတဲ့လူတိုင်း ကြောင်စီစီလိုက်ကြည့်ကြတယ်။ မင်းထွဋ်အမေ ဒေါ်မေအုန်းအပါအဝင်ပေါ့။
ညိုက ကတိတည်ရှာတယ်။ အညိုရောင်ဖဲသားဝမ်းဆက်လေးကိုဝတ်၊ အခြယ်အသတွေကို အလှပဆုံး ပြင်ဆင်ပြီး ပြတင်းပေါက်ကနေတစ်ဆင့် တစ်ဖက်အိမ်ကို အချက်ပြလိုက်လေတယ်။
YOU ARE READING
ခြံစည်းရိုးတစ်ဖက်က ယုဇနပန်းငယ်
General Fictionယုဇနပန်းရနံ့ကိုရှူရှိုက်ပါ။ သံစဉ်ထဲမှာစီးမြောပြီး လခြမ်းကွေးလို အလှတရားနဲ့ မင်းသမီးကလေးကို ရှုစားပါတဲ့...။ ဪ မင်းသမီးလေးရယ်... မဖြစ်နိုင်ဘူးဆိုတာသိပေမဲ့ မိန်းကလေးစစ်စစ်သာ ဖြစ်လိုက်ပါလားကွယ်...။ ယုဇနပန္းရနံ႕ကိုရႉရွိုက္ပါ။ သံစဥ္ထဲမွာစီးေျမာ...