كن لي ابًا بقلمي رميساء نصر

🕺🏻الفصل التاسع والاربعون💃🏻

#الفصل_التاسع_والاربعون
#كن_لي_ابا
#رميساء_نصر

كانت تجلس امام البحر الثائر تشكي له همومها تري تلاطم امواجه الثائرة بقوة وعنف غضبا علي حالتها وحزنا عليها وعلي احوالها وكانت هناك اعين مسلطة عليها تتابعها وتنظر اليها بعدة نظرات اغلبها  حب واعجاب وشفقه علي حالتها المزريه والتي وصلت اليه فهو لا يعلم ما الذي اصابها لكنه ييقن انها عانت ورأت الكثير في حياتها من شده انكسارها وخيبة املها الظاهرة علي وجهها
تحرك من مكانه مقترباً منها جالساً بجاوراها ينظر هو الاخر امامه ويستمتع بالبحر  وامواجه الهائجه
شعرت بالقلق والخوف يتسربان إلي قلبها من وجوده بجوارها لكنها لم تلتفت له وظلت علي حالتها تدعي بأنها غير عابئة بجلوسه بجوارها
لكنه قطع ذلك الصمت ينصحها بترك المكان:
مش هسألك ايه ال مضايئك بس انتِ مينفعش بحالتك دي تفضلي قاعده كدا الجو هواء اوي وجسمك مش هيستحمل لازم تحافظي علي صحتك وتقومي معايا نرجع المستشفي لان اهلك زمانهم قالبين عليكِ الدنيا
نطقت بكلمات مقتضبة بهم بعض الحدة اللازعة وعيناها وجسدها بإتجاه البحر لم يطرف لها جفن:
انا مش هقوم من مكاني ومش راجعه في حته اتفضل روح انت
عارضها متحدثاً:
مينفعش لازم ترجعي معايا لإني انا المسؤل عنك وانا ال خرجتك
صرخت به بغضب من تدخله بأمرها وجلوسة معها فانتبهت له بجسدها بعدما كان مركز أمام البحر:
قولتلك مش هتنيل ارجع ويا ريت تمشي وتسيبني في حالي
ذفر بإحباط منها مكملاً:.
طيب بيتك فين اروحك عشان مش هتعرفي تروحي في حالتك دي
تحولت علامات وجهها الحانقة الغاضبه إلي ملامح متهدلة من الحزن وهي تنطق بكلمات حاولت بهم الهرب من هويتها:
معنديش بيت
تسائل مستفهماً بعدما انعقدت ملامح وجهه بالحيرة من امرها :
ازاي اومال مين ال كان معاكي في الاوضه
=ثراب مالوش وجود
نطقت بها وهي تائهه بمكان أخر تريد الهرب من ذلك الواقع المؤلم
نظر لها بحيرة ثم أكمل:
انا مش فاهم حاجه تحبي اوديكي فين دلوقتي
_ مش عارفه
=   طب ازاي اقدر افيدك واطمن عليكي
_  سيبني وامشي
= ازاي اسيبك مينفعش طب تعالي معايا بيتي
نظرت له بإبتسامة متهكمة مليئة بالسخرية ثم نظرت أمامها مره اخري
فهم نظرتها تلك وردة فعلها فهتف مبرراً لما قد فهمته من سوء:
  انا مقصدش اي حاجه من ال جات في دماغك انا ساكن مع والدتي تقدري حضرتك تشرفيني وتباتي معاها وانا هبات في شقتنا التانيه وعشان تطمني هخليها هي ال تنزلك تستقبلك كمان
أحست صدق حديثه لكنها خشيت من أن تسبب له أذي فيما بعد فتفوهت:
شكرا بس انا مش عاوزه اتقل علي حضرتك انا هجيبلك مشاكل كتير اوي انت مش هتقدر عليها فبلاش احسن
=طب تعالي علي الاقل انهارده ومن بكرا امشي الوقت إتأخر ومينفعش اسيبك لوحدك هنا
إقتنعت بكلامه فمن الصعب قضاء تلك الليله بمفردها في ذلك الوقت المتأخر من الليل وبحالتها تلك فما ذالت تتألم من جسدها وروحها ولن تصمد بمفردها في ذلك البرد :
حاضر. بس هتقول ل والدتك ايه
_ متقلقيش امي ست طيبه وهتحبيها جدا
قالها وهو يضع عليها سترته الجلد الخاصه به حتي تتنعم بالدفئ قليل وتمنع عنها رعشتها الذي لاحظها من شدة البرد
أبتسمت له بإمتنان عندها شعر بأن الدنيا ترقص له فرحاً وقلبه يطرب من شدة الفرحه
توجهو معاً بالسيارة إلي محل إقامته
!!**!!*!!*!!*!!*!!*!!!*!!*!!*!!*!!*!!*!!*!