كن لي ابًا بقلمي رميساء نصر

🕺🏻الفصل الخامس والثلاثون💃🏻

#الجزء_الخامس_والثلاثون
#كن_لي_ابا
#رميساء_نصر

تسائلت بعدما تآكلها الفضول وإزداد خوفها:
في ايه يا اونكل انت خوفتني هو في ايه بالظبط
أجاب بنبرة مليئة بالحزن:
انتِ عندك ورم في المخ
هل توقف العالم من حولها هل غابت الشمس وبهتت هذه الالوان وذهبت الوان الحياه من حياتها هل ما سمعته كان حقاً صحيحاً ام انها تتوهم أين ذهب صوتها ما هذا الألم الذي بصدرها ما تلك الرعشه المليئة بالذعر التي جعلتها تسقط أرضاً تنظر للفراغ بدون حياه مثبته عيناها نحو نقطه وهميه امامها فرت دمعه هاربه من مقلتيها بعدما أسدلت أهدابها من شدة الالم
قلق الاخر من صمتها ذلك وخصوصا بعدما سمع صوت دربكة بالغرفه اثر سقوطها فهتف بقلق:
سهيلة انت روحتي فين..... الو... الو... سهيلة
إبتلعت غصة البكاء وأجابت بنبرة مهتزه خرجت متحشرجه:
ها معاك
تمتم بتفهم لحالتها بعدما إستمع لنبرتها:
سهيله يا بنتِ انا عارف ان الموضوع صعب عليكِ جدا بس انتِ لازم تتقبليه ولازم اعرف اهلك كمان
قاطعته بلهفه يتخللها صوت بكاءها:
لا لا... متعرفش حد يا اونكل ارجوك
رفض متحدثاً بحزن يتخلله الشفقه:
مينفعش يا بنتِ لازم يعرفو
تحدثت برجاءٍ من بين شهقاتها المتقطعة ونبرتها المهتزه المصاحبه بضيق صدرها:
ارجوك بلاش تعرفهم هما مش حمل صدمه زي دي ارجوك بلاش تعرفهم حاجه
تحدث برفض تام مكملاً بعقلانيه:
لازم يا سهيله حد يقف معاكي في فتره العلاج وانتِ لوحدك مش هتقدري
تابعت بإصرار باكي :
لا هقدر بإذن الله بس متعرفش حد هما مش هيتحملو يعرفو وانا هتابع معاك علي طول وبإذن الله هخف
ثم تسائلت عن صحة الحديث التي تحاول إقناعه به:
صح وألا لا
تمتم بود ورفق:
بإذن الله يا بنتِ هتخفي مفيش حاجه بعيده عن ربنا بس انتِ لازم تجيلي العياده بكرا لازم نبدأ في العلاج وهكلم دكتور متخصص في الاورام تتابعي معاه
تابعت بنبرة ممتنه:
شكرا جدا يا اونكل علي ال بتعمله معايا بس بلييز متقولش لحد اني تعبانه
أومأ لها بصدق:
حاضر مش هعرف حد بس لازم تواظبي علي العلاج والجلسات
أومأت له بعدما كتمت بيدها شهقة البكاء التي تسللت غصباً عنها:
حاضر هعمل كدا
اخبرها بعنوان الطبيب التي ستتابع معه وأغلقت الهاتف بعدما أنهت المكالمة

أخرجت تآوه عاليه أشبه بالصريخ الذي قطع نياط قلبها تبكي بقوة يتقطعها الشهقات المتألمة تحدث نفسها بآلم:
مش قادره استحمل ومش قادره اعرف حد هما اصلا مش هيفرق معاهم من ساعة ما سيبتهم ومحدش سأل عليا منهم ولو عرفو اكيد هيساعدوني من باب العطف.... ومالك كمان انا مش فارقه معاه مش مهتم بيا والا عمره هيهتم انا معنتش قادره استحمل فاجئه كل حاجه راحت مني اهلي طلعو مش اهلي حتي الشخص ال انا حبيته للاسف اتغير اوي وشكله نسيني خلاص حاسه اني بقيت عاله عليه لازم قدام الناس اعامله كويس عشان بريستيجه دا ال فارق معاه مش فارق معاه انا ووجعي وقلبي المجروح انا دلوقتي محتجاله ومحتاجه ل حضنه وامانه بس الاهتمام مبيطلبش للاسف انا محتجاك يا مالك جانبي حس بيا ارجوك انا عايزاك ومش قادره اقول
من المؤسف انه لم يعد هناك شخص نذهب اليه عندما لا نعرف الي اين نتوجه
واصلت البكاء ويدها تضرب صدرها بعنف وقوة من شدة الآلم الذي لا تقدر علي تخطيه