كن لي ابًا بقلمي رميساء نصر

🕺🏻الفصل التاسع والثلاثون💃🏻

#الجزء_التاسع_والثلاثون
#كن_لي_ابا
#رميساء_نصر

كان يقف امام تلك البناية التي كانت بها زوجته أعاق خطواته حارس الامن الذي حدثه:
حضرتك ايه ال رجعك تاني طالع لمين
مد يده ببعض المال يضعهم بجيبه وهو يحدثه:
طالع لدكتور وائل هو لسه موجود
إبتسم بجشع له وفتح له الطريق حتي يدلف للداخل:
اه لسه موجود في الدور السادس
وصل أمام سكرتيرة الطبيب يحدثها:
حضرتك انا عاوز اقابل دكتور وائل
تمتمت بكلمات جامده وهي تبعث بالاوراق التي بيدها:
كشف والا اعاده
تابع بنفي:
لا انا عاوزه في استشاره
وضعت تلك الاوراق علي سطح المكتب التي تجلس عليه متنهده وهي تخبره مُشيحة بزراعها علي إحدي المقاعد:
تقدر تتفضل ولما يجي دورك هقولك تتفضل
زفر بضيق من تلك الروتينيات البحته وخاب أمله عندما وجد الكثير من المرضي ينتظرون دورهم وبما إنه إستشاره فسيجلس حتي ينتهي الطبيب من كل هذا فتراجع بحديثه وتابع:
انا عايز كشف مستعجل لو سمحتي
تحدثت بتبرم وهي تلوي شفتاها:
انت عاوز استشاره والا كشف
نظر لها بإشمئزاز علي طريقتها متمتماً:
انا عاوز ادخل دلوقتي اتصرفي بأي طريقه وال انتِ عاوزاه خديه
تابعت بهمس وإبتسامه جشعة علي صفحة وجهها:
طب اتفضل اقعد هنا وخمس دقائق وادخل بس كل بحسابه
وضع أمامها ما يكفيها من المال وذهب بعيداً بعدما وجه لها نظرات إستحقاريه وجلس ينتظر دوره حتي نادت عليه بعد مرور القليل من الوقت:
إتفضل يا أستاذ دورك
دلف مالك إليه ثم جلس أمامه علي المقعد بعدما ألقي عليه السلام ورده الاخر ثم تحدث:
انا جاي مش علشان اكشف انا جاي أسأل حضرتك علي واحده جاتلك هنا انهارده اسمها سهيلة
عقد جبينه بضيق من ذلك القابع أمامه يريده أن يفضح أسرار مرضاه فصاح به متسائلاً:
انت مين وبأي حق جاي تسأل عن واحده من المرضي بتوعي
إنفعل الاخر من طريقته التي توحي بأنه متطفل يريد آذيتها فصاح به:
انا جوزها وعايز اعرف مراتي فيها ايه وعلي ما اظن اني ليا كامل الحق اعرف مراتي ايه ال بيجيبها هنا
تحدث بأسف متفهماً لإنفعاله هذا بعدما إتهمه:
وانا مينفعش اخرج اسرار المرضي بتوعي
= طب انا عايز اعرف هي عندها ايه...
ايه السر في كدا
تحدث بأسف:
هي مش عايزه حد يعرف
إنعقصت ملامح وجهه بالحيره متمتماً:
ليه يعني هي عندها ايه وايه ال يستدعي انها تخبيه
تابع برجاء للطبيب حتي يريح قلبه وعقله الذي سيشت من أفعالها:
لو سمحت انا هتجنن انا عاوز اعرف هي فيها ايه اتغيرت جدا ومعرفش مالها
= مراتك للاسف عندها ورم في المخ
قال تلك الكلمات التي لم يستعبها عقله فصاح به بوجوم:
هي مين دي ال عندها ورم..... لا يستحيل انا اقصد سهيله احمد الدالي أكيد دي واحده تانيه لا لا يستحيل دي تكون سهيله
حاول الاخر أن يُهدئه مكملاً:
اهدي يا استاذ هي اه سهيله مراتك ودا الملف بتاعها

أعطاه ذلك الملف المدون عليه إسمها بالكامل وأخذ يتفقده ويعيد قراءته حتي يؤكد لعيناه بأنها ليست هي وربما تشابه أسماء فقط او عيناه هي التي أخطأت في القراءة لكن ما قرأه كان صحيح وهي بالفعل
فرت منه دمعه هاربه إختنقت من حبس بكاءه علي تلك الصغيره محبوبته
تحدث الطبيب برفق عندما رأي حالته:
انا عارف ان الموضوع صعب عليك واصعب عليها لأن سنها صغير جدا علي تحمل حاجه زي دي ولوحدها بالتاكيد نفسيتها مدمره وتحت الصفر دا بالنسبه للتعب النفسي اما التعب البدني فهي بمعني اصح بتتعذب ورم المخ دا من اصعب الاورام وبيتوجب عليك انك تقف جانبها ويا ريت متعرفش ان انا قولتلك حاجه لان هي مكانتش عاوزه حد يعرف نهائي بس دا من رابع المستحيلات انها تخبي لانها هتحتاجك وهتحتاج لاهلها الفتره الجايه جدا المرض دا هيدمرها بمعني اصح لدرجة انها مش هتبقا قادره انها تتحرك من مكانها وطبعا هنحدد نوع الورم وازاي هنتعامل معاه من خلال حجمه بس لازم تعرفها انك عرفت وتحاول تتقرب منها وتهئ نفسيتها لان العامل الاساسي عشان تخف هو النفسيه ويا ريت تعرف سبب انها مش عايزه تعرف حد بمرضها وانها تستحمل دا كله لوحدها من غير ما تعرف حد اكيد مش واثقه فيكو او خايفه منكو او شايفه انكو بعيد عنها ومش مهتمين بيها فعشان كدا مقاليتش واحتفظت بمرضها لنفسها
لم يستطع سماع تلك الكلمات التي توضح ما تعانيه هي فما بال إذا حدث كل هذا بالفعل أمامه قام من مكانه متمتماً بضيق وهو يتوجه للخارج:
عن اذنك يا دكتور مضطر امشي