ပြန်လည်မွေးဖွားပြီးနောက် ထင်ပေါ်ကျော်ကြားခြင်း

56

'ခင်ဗျားက အဲ့လိုပြောတော့ ကျွန်တော် ဘာပြောနိုင်ဦးမှာလဲ။' လင်းကျန်က နှုတ်ခမ်းစေ့ထားပြီးနောက် ပြောသည်။ "ဒီကျောက်စိမ်းက တအားအဖိုးတန်လွန်းတယ်။"

"ဒါ့ကြာင့် ကိုယ်ပေးတာလေ။ ဒါဆို ဘာပေးရမလဲ၊ မြက်တစ်မျှင်လား။" ယွီဝမ်ထုန်က မေးသည်။

လင်းကျန် "..."

အဓိပ္ပါယ် မရှိတဲ့ တစ်ပတ်ရိုက်တာကြီး။

"ယူလိုက်" ယွီဝမ်ထုန်က လင်းမောက်မောက်အားကြည့်ကာပြောသည်။

လင်းမောက်မောက်က သူ့အစ်ကိုကြီးကို ကြည့်လိုက်သည်။ သူ့အစ်ကိုမှ အငြင်းစကားမပြောတော့သည်ကို တွေ့သောအခါ ကျောက်စိမ်းအားယူလိုက်သည်။ "ကျေးဇူးတင်ပါတယ်၊ အစ်ကိုယွီဝမ်။" သူ့အကြည့်များမှာ ယွီဝမ်ထုန်အကြောင်း သိလိုစိတ်များဖြင့် ပြည့်နေဆဲပင်။

ယွီဝမ်ထုန်က ခေါင်းညှိတ်ပြကာ ဆေးစိုက်ခင်းအားကြည့်လိုက်သည်။ "ဒီဆေးစိုက်ခင်းက တော်တော်ကျယ်တာပဲ။ ကိုယ်ကြားတာ ထန်းယန်မှာ ဆေးပင်တွေကို အလျှံအပယ်စိုက်ကြတယ်ဆို၊ ဟုတ်လား။"

ဆေးပင်အချို့ကို စစ်ပွဲတွင် မကြာခဏသုံးရရာ ယွီဝမ်ထုန်က ဆေးပင်များနှင့်ပက်သက်၍ ပိုဗဟုသုတရစေရန် လင်းကျန်အား ဆေးစိုက်ခင်းတစ်ဝိုက် လိုက်ပြရန်တောင်းဆိုလိုက်သည်။

သို့ရာတွင် လင်းကျန်က သူ၏ထုံကျင်နေသော နောက်ကျောနှင့်ခြေထောက်တို့အနားရရန် ထိုင်ချကာနားချင်နေသည်။

သို့သော် ယွီဝမ်ထုန်၏ အရှေ့တွင် အားနည်းချက်ကို မပြသချင်သဖြင့် သူသဘောတူလိုက်ရသည်။

ယွီဝမ်ထုန်အား ဆေးစိုက်ခင်းဘက်သို့ခေါ်သွားရင်း လင်းကျန်မှာ ဆေးပင်အားလုံးနီးပါးနှင့်ပက်သက်၍ ယွီဝမ်ထုန်၏ဗဟုသုတပြည့်စုံမှုကြောင့် အတော်အံ့ဩမိသည်။ ထိုအချက်များထဲမှအချို့ကို သူကိုယ်တိုင်ပင် သိပ်မသိချေ။

ယွီဝမ်ထုန်က လင်းကျန်၏မျက်ဝန်းများထဲမှ သံသယကို ထွင်းဖောက်မြင်နိုင်ပုံပေါ်သည်။ သူကရှင်းပြသည်။ "စစ်မြေပြင်မှာ ဆေးပင်တွေက မရှိမဖြစ်လေ။ စစ်သူကြီးတစ်ယောက်အနေနဲ့ ကိုယ်ကဆေးပင်တွေအကြောင်း လေ့လာဖို့လိုတယ်။ ဒါမှ သေရေးရှင်ရေးအခြေအနေမှာ စစ်သားတွေကိုအသက်ကယ်နိုင်မှာ။"