သတိဝင်လာသောအခါ လင်းကျန် မြန်မြန်ကျောမတ်ကာ လင်းမောက်မောက်အား မြေကြီးပေါ်၌ ရပ်ခိုင်းလိုက်သည်။ "ငါမင်းကို ခဏခဏ ပြောဖူးတယ်နော်။ လျှောက်မပြေးပါနဲ့ဆို။"
လင်းမောက်မောက်က ရယ်ကာ မဲ့ရွဲ့ပြသည်။ ထို့နောက် သူက ယွီဝမ်ထုန့်ထံကြည့်ကာ မေးလိုက်သည်။ "အစ်ကိုကြီး၊ ဒီဦးလေးကြီးက ဘယ်သူလဲ။"
ဦးလေးဆိုသူမှာ ပြောစရာမဲ့သွားသည်။
ယွီဝမ်ထုန်၏မျက်နှာကြီး တောင့်တင်းသွားသည်။
လင်းကျန်က ထိုစကားကို ကြားပြီးနောက် အလွန်ကျေနပ်မိနေရာ ရယ်မိတော့မလိုပင်။ တကယ်တမ်းတွင် ယွီဝမ်ထုန်က စစ်တလင်းသို့ စောရောက်နေသော်လည်း ယခုအချိန်တွင် နှစ်ဆယ့်ခြောက်နှစ်သာ ရှိသေးသည်။ ထို့အပြင် သူကရှိရင်းစွဲအသက်ထက်ပင် ငယ်ပုံပေါ်သည်။ သို့သော် လင်းမောက်မောက်၏ အမြင်တွင် ယွီဝမ်ထုန်က အရပ်ရှည်ကာသန်မာသည့်အတွက် 'ဦးလေး' ဟုခေါ်သင့်သည်။
"ဒီဦးလေးက... ငါတို့မိသားစုရဲ့ ဧည့်သည်ပဲ။" လင်းကျန်က 'ဦးလေး' ဟူသော စကားလုံးကို တမင်အသံရှည်ဆွဲခေါ်သည်။
လင်းကျန်အား အဓိပ္ပါယ်ပါပါကြည့်ကာ ယွီဝမ်ထုန်က လင်းမောက်မောက်အားပြောလိုက်သည်။ "ငါ့ကို 'အစ်ကို' လို့ခေါ်။ ငါ့ မျိုးရိုးနာမည်က ယွီဝမ်။" လင်းမောက်မောက်က လင်းကျန်ကိုတစ်ချက်ကြည့်ကာ ယွီဝမ်ထုန်ဘက်သို့လှည့်၍ ပြောင်းခေါ်လိုက်သည်။ "အစ်ကိုယွီဝမ်"
လင်းကျန်က စိတ်ထဲ၌ မကျေမနပ်ဖြစ်ကာ လှောင်လိုက်သည်။ သို့သော် ယွီဝမ်ထုန်အား ပေါ်တင်မဆန့်ကျင်သင့်ရာ သူလင်းမောက်မောက်ကို 'အစ်ကိုယွီဝမ်'ဟု ပြောင်းခေါ်ခွင့်ပြုလိုက်ရသည်။
ယွီဝမ်ထုန်က လင်းမောက်မောက်အား ခေါင်းပွတ်ပေးသည်။ ထို့နောက် ကျောက်စိမ်းဖြူတစ်ပြားကိုထုတ်ကာ လင်းမောက်မောက်၏လက်ထဲသို့ ထည့်ပေးသည်။ "ငါတို့ ပထမဆုံးအကြိမ်တွေ့တဲ့အထိန်းအမှတ် လက်ဆောင်။"
လင်းကျန်က လက်ဆောင်ကို လင်းမောက်မောက်အစား ငြင်းချင်သော်လည်း ယွီဝမ်ထုန်က လင်းကျန်ဘာပြောမည်ကို သိသည့်ပုံစံဖြင့်ကြည့်သည်။ "ဒါက ပထမဆုံးအကြိမ် တွေ့တာအတွက် လက်ဆောင်လေးပဲလေ။ မင်းဘာကြောင့် ငြင်းရမှာလဲ။"
YOU ARE READING
ပြန်လည်မွေးဖွားပြီးနောက် ထင်ပေါ်ကျော်ကြားခြင်း
Historical Fictionစေ့စပ်မှုဖျက်သိမ်းသည့်စာတစ်စောင်က ထန်းယန်မှ လင်းမိသားစုအား အဆုံးမဲ့ကြမ္မာဆိုးဝင်စေသည်။ သူ ဟူသည့် လင်းကျန်က ခြေထောက်များရက်စက်စွာအချိုးခံရပြီးနောက် သေသည်အထိ ညှင်းပန်းနှိပ်စက်ခံခဲ့ရသည်။ ယခုပြန်လည်မွေးဖွားလာပြီးနောက် သူ့မိသားစုအတွက် ဂုဏ်ကျက်သရေယူဆောင်...