Unicode
နောက်ဆုံးနှစ်ကိုတက်ရောက်ဖို့ သူတို့တွေစာမေးပွဲဖြေကြတယ်။ တစ်ပတ်ဆိုတဲ့အချိန်ကာလမှာ ရှောင်းကျန့်မိဘတွေက ဝမ်ရိပေါ်နဲ့ပတ်သတ်ပြီးဘာဆိုဘာမှထပ်မပြောတော့တဲ့အပြင် သူမတို့က အဲ့ကိစ္စအပေါ်မေ့ပျောက်သွားပြီလားလို့တောင် ရှောင်းကျန့်တွေးမိတယ်။
ဒီလိုဆိုရင်တော့ကောင်းတာပေါ့..
သူအခု ရိပေါ်နဲ့လည်းကောင်းကောင်းဖြတ်သန်းနေရသလို မိဘတွေနဲ့လည်းအဆင်ပြေပြေနေရတယ်လေ။
ဆိုင်ကယ်နဲ့ရပ်စောင့်နေသူအနားမှာ ပျိုမဒီလေးတွေဝိုင်းနေတာကိုမြင်ရတော့ ရှောင်းကျန့်မျက်နှာမှာအပြုံးခပ်ရေးရေးကပေါ်တယ်။ တခြားတော့မဟုတ်ပေမယ့် ဝမ်ရိပေါ်လိုလူက သူ့ကိုရွေးချယ်ခဲ့တာကြောင့် ဒါကိုဂုဏ်ယူစရာတစ်ခုလိုတောင်ခံစားမိနေတာကြောင့်လေ။
ထိုသို့ထုတ်ပြောမိတဲ့အချိန်တွေမှာဆိုကျိယန်က အမြဲ သူ့ကိုအပိုလုပ်တယ်လို့ပြောပြီးတွန်းထုတ်တတ်ပေမယ့် ရှောင်းကျန့်တို့က ပြောမြဲပြောဆဲ။
ကျယ်ပြန့်ပြီးတောင့်တင်းနေတဲ့ကျောဘက်ကို လက်နဲ့အသာတို့ထိပြီး စနောက်လိုက်တော့ ဝမ်ရိပေါ်က လှည့်ကြည့်လာတယ်။ သူ့ကိုမြင်တာနဲ့ ဆိုင်ကယ်ဦးထုပ်ကိုကိုယ်တိုင်ဝတ်ပေးလာတဲ့အခါ ဘေးကမိန်းကလေးတွေဆီက ခပ်ကြိတ်ကြိတ်အသံတွေစီပြီးထွက်တယ်။
" ကျွန်တော့်ဘာသာလုပ်လိုက်မယ် "
" ငြိမ်ငြိမ်နေ "
ရှောင်းကျန့်ရဲ့လက်တွေကမနာအောင်ပုတ်ထုတ်ခံလိုက်ရသေးတယ်။ ဆိုင်ကယ်ဦးထုပ်ကို ဝမ်ရိပေါ်က သူကိုယ်တိုင်လည်းဆောင်းပြီးတဲ့အခါမောင်းဖို့အဆင်သင့်ဖြစ်နေပြီ။ ကြယ်သီးမတပ်ထားတဲ့အပေါ်ဝတ်ကို အနောက်ကနေ ရှောင်းကျန့်ကဆုတ်လိုက်ထားရင်းနဲ့လှမ်းမေးတယ်။
" သွားစရာမရှိရင် ကျွန်တော့်ကိုဟိုတစ်ခေါက်တုန်းကရှေ့ကဖြတ်သွားပြီးမဝင်ခဲ့ရတဲ့ ဘုံကျောင်းကိုလိုက်ပို့ပါအုံး "
" သွားစရာရှိတယ်၊ ဘုံကျောင်းဆီဘာလို့လဲ "
" မားအတွက်ကျန်းမာရေးအဆောင်ယူရမှာ "
YOU ARE READING
Learning How To Love《 Completed 》
Fanfiction[ YiZhan ] crd: cover photo from Pinterest.
