Unicode
ရှောင်းကျန့်နိုးလာတဲ့အချိန်မှာ သူရောက်နေတဲ့အခန်းကြောင့် ပထမဆုံးရှာမိတာကဝမ်ရိပေါ်ကို။ မနေ့ညက ရိပေါ်သူ့ကိုပစ်မထားဘူး။ ရိပေါ်က သူ့ကိုအိမ်ထဲထိခေါ်ခဲ့တယ်။
အခန်းတံခါးဖွင့်ဝင်လာတဲ့နောက် ရိပေါ်က ငုတ်တုတ်ထိုင်နေတဲ့ သူ့ကိုတစ်ချက်မျှသာကြည့်လာပြီး အဝတ်ဗီဒိုထဲက အဝတ်တွေကိုဆွဲထုတ်တယ်။ ပြီးတော့ ကုတင်ခြေရင်းအစွန်းမှာတင်ထားတဲ့ခရီးဆောင်အိတ်ထဲထည့်ရင်း
" မျက်နှာသစ်သွားလိုက် ပြီးရင် မင်းအိမ်ကိုပြန်လိုက်ပို့ပေးမယ် "
ထိုစကားပြောတာတောင် ဝမ်ရိပေါ်ကတစ်ချက်လေးမှလှည့်ကြည့်လာတာမဟုတ်ဘူး။ သူ့အလုပ်သူဆက်လုပ်နေခဲ့တာ။ ရှောင်းကျန့်က နေရာကနေထလိုက်ပြီး ရိပေါ်အဝတ်တွေလှမ်းထည့်နေတဲ့အိတ်ကိုလက်နဲ့ကာလို့ပိတ်လိုက်တော့ဘာလုပ်တာလဲ ဆိုတဲ့မျက်ဝန်းတွေနဲ့ ရှောင်းကျန့်ကိုငုံ့ကြည့်လာတယ်။
" ဘာလို့အကုန်သိမ်းနေတာလဲ "
" ဒီတိုက်ခန်းကိုရောင်းလိုက်ပြီ "
" ဒါဆိုရိပေါ်ကရော "
" သိဖို့မလိုဘူး "
အိတ်ကိုကာပြီးဆုပ်ကိုင်ထားရာကနေ ရှောင်းကျန့်က ထိုခရီးဆောင်အိတ်ကို ရုတ်တရက် ကုတင်ပေါ်ကနေတွန်းချပစ်လိုက်တာကြောင့် အဝတ်တွေလည်းထွက်ကျကုန်တယ်။
" မင်း ဘယ်လိုလုပ်လိုက်တာလဲ! "
" ဒီလိုတွေဖြစ်အောင် ရိပေါ်ကလုပ်နေတာပဲ "
" လာတော့ အိမ်ကိုအခုပြန်လိုက်တော့ ရှောင်းကျန့် .. မင်းကိုအရင်ပို့သင့်ပြီထင်တယ် "
ဝမ်ရိပေါ်ကသူ့လက်နှစ်ဖက်ကိုဆွဲခေါ်တဲ့အခါ ကုတ်တွယ်ပြီး ကုတင်ပေါ်ကနေမဆင်းတဲ့ဘဲတင်းခံနေတော့တယ်။ သူ့ခြေထောက်တွေကကုတင်ထောင့်နဲ့တွန်းကန်ထားပြီးကျောက်ချထားသလိုဖြစ်နေတော့ အားနဲ့ဆွဲခံရတဲ့အခါ အားခနဲတစ်ချက်ကိုဟန်လုပ်အော်မိတာနဲ့ ရိပေါ်ဘက်က ဆွဲတာလျော့သွားတယ်။
ဒီလူက ဘယ်တော့မှာသူ့ကိုနာကျင်အောင်လုပ်မှာမဟုတ်ဘူးဆိုတာကို ရှောင်းကျန့်သိတယ်။
YOU ARE READING
Learning How To Love《 Completed 》
Fanfiction[ YiZhan ] crd: cover photo from Pinterest.
