Unicode
ရှောင်းကျန့်တို့တိုက်အောက်မှာ ရိပေါ်ရောက်နေပြီ။ ' ကျွန်တော် လာကြိုမယ် ' ဆိုတဲ့စကားကြောင့် အထဲကိုမဝင်ရသေးဘူး။
" အယ်.. ဒါ .. ဒါ ကျန့်ကျန့် ကောင်လေးမဟုတ်လား "
မတ်တပ်ရပ်စောင့်နေတုန်း လူကြီးတစ်ယောက်အသံကြောင့် ရိပေါ်က ခေါင်းနည်းနည်းငုံ့ပြီးအရိုအသေပေးလိုက်တယ်။ ဘယ်သူမှန်းတော့မသိပေမယ့်လို့ပေါ့။
" မနေ့ကမင်းတို့စျေးဝယ်နေတာကို အန်တီမြင်လိုက်တာလေ .. ကျန့်ကျန့်မိဘတွေကိုသွားပြလိုက်တာလည်းအန်တီပဲလေ .. အခု လာတွေ့တာပေါ့ ဟုတ်လား "
သူမက စကားတွေအများကြီးပြောလာပြီး ထိုပြောနေတုန်းမှာလည်း ရယ်သံတွေတော်တော်များတယ်။ ဘာပြန်ပြောရမှန်းမသိတဲ့ရိပေါ်က ဘယ်သူမှန်းမသိတာကြောင့်ရော ရှောင်းကျန့်တို့နဲ့အမျိုးမတော်လောက်ဘူးဆိုတာကြောင့်ရော ကြောင့် ငြိမ်ရင်းသာဆက်နားထောင်တယ်။
" အန်တီက သူတို့အောက်ထပ်မှာနေတာလေ "
" ဟုတ် "
" မင်းကလူချောလေးပဲ .. မင်းလိုကောင်လေးမျိုးက ဘာလို့ကျန့်ကျန့်နဲ့တွဲရတာလဲ ကျန့်ကျန့်လည်းလူချောလေးပါပဲ မင်းတို့ရွေးချယ်မှုကိုနားမလည်နိုင်တော့ပါဘူး "
" အန်တီ့မှာ တူမတစ်ယောက်ရှိတယ်.. သူက ဆရာဝန်လေ "
သူမ ဘယ်ချိန်ထိစကားတွေရပ်ပြောနေမလဲ ရိပေါ်မသိဘူး။ လက်ထဲကကိုင်ထားတဲ့အမှိုက်ထုပ်ကိုသွားလွှတ်ပစ်ဖို့ သတိပေးလိုက်ရင်ကောင်းမလား။
" အသက်လေးမဆိုသလောက်လေးကြီးပေမယ့် တူမလေးက နုတယ် "
တူမ အကြောင်းကိုမမေးမိဘဲဆက်ပြောလာတဲ့အခါ ရိပေါ်ပြန်တောင်မတုန့်ပြန်လိုက်တော့ဘူး။ သူမ ကြည့်ရတာဘေးပတ်ဝန်းကျင်အပေါ်အရိပ်အကဲမကြည့်တတ်ဘူးထင်တယ်။
" ရိပေါ်! "
မျှော်တဲ့လူပေါ်လာတဲ့အခါ အနားကိုအပြေးရောက်လာတဲ့ မျက်နှာလှလှလေးကိုငေးကြည့်ရင်း တစ်ချက်ပြုံးပြလိုက်တယ်။
" ကျန့်ကျန့်ရောက်လာပြီပဲ.. အမှိုက်သွားပစ်ရအုံးမှာမို့ သွားလိုက်အုံးမယ်နော် "
YOU ARE READING
Learning How To Love《 Completed 》
Fanfiction[ YiZhan ] crd: cover photo from Pinterest.
