Unicode
ခြေထောက်သက်သာသွားတဲ့နောက်မှာဝမ်ရိပေါ်ကပုံမှန်အတိုင်းပဲကျောင်းကိုတက်တယ်။ အဖွဲ့ထဲမှာဟောက်ရွှမ်းနဲ့ကျိယန်ကတွဲသွားတဲ့နောက် ကောင်မလေးအများစုရဲ့ချိန်ရာက ဝမ်ရိပေါ်ဖြစ်တယ်။
ဂီတခန်းထဲမှာလူတွေပြည့်နေတယ်။ အကြောင်းရင်းက ဝမ်ရိပေါ်ကိုသတင်းလာမေးကြတာ။ တစ်ချို့ကဝမ်ရိပေါ်က ရှောင်အာနဲ့တွဲနေပါတယ်ဆိုထင်ကြေးပေးကြတယ်။ သူမတို့က ရှောင်အာကိုမြင်တာနဲ့သဘောမကျကြပေမယ့် ထက်ထက်မြက်မြက်ရှိပြီး အသွက်လေးဖြစ်တဲ့ရှောင်အာကိုတော့ တိုက်ရိုက်ကြီးမမုန်းနိုင်ကြဘူး။
ရှောင်းကျန့်ကလူရှင်းသွားတဲ့အချိန်ထိစောင့်နေပေးတယ်။ သူ့လက်ထဲမှာ လောလောလတ်လတ်ဝယ်လာတဲ့အားဖြည့်အချိုရည်ပုလင်းလေးကရှိနေတုန်းပဲ။ ငွေရောင်မျက်မှန်ကိုင်းကိုတစ်ချက်ပင့်တင်ရင်း ရှောင်းကျန့်က အထဲထိလျှောက်လာတယ်။
ခုံပေါ်မှာရှိနေတဲ့ စားစရာမျိုးစုံကိုတွေ့လိုက်ရတော့ ရှောင်းကျန့်က သူ့ပုလင်းသေးလေးကို ကျောနောက်ဘက်ကိုပို့ရင်းဖွက်လိုက်တယ်။
" ငါတို့ ထွက်ပေးမယ်နော် "
" တံခါးပိတ်ခဲ့မယ် "
ယွီပင်းနဲ့ကျိုးချန်မျက်နှာကစပ်ဖြီးဖြီး။ ရှောင်အာက သူတို့နှစ်ယောက်ကိုဆွဲပြီးခေါ်သွားတယ်။ အခန်းတံခါးလည်းပိတ်ဖို့မမေ့။
" လက်ထဲကဘာလဲ "
ဝမ်ရိပေါ်ကဂစ်တာကိုပိုက်ထားရင်းနဲ့ ရှောင်းကျန့်နောက်ကျောဘက်မှာဖွက်ထားတဲ့လက်တွေကိုစောင်းကြည့်တယ်။ ပြလည်းမပြ လှုပ်လည်းမလှုပ်တဲ့ ရှောင်းကျန့်ကို သူကပဲ အကျီကနေဆွဲပြီးအနားထိကပ်သွားတာနဲ့ နောက်ကျောဘက်မှာရှိနေတဲ့လက်ဆီကိုဦးတည်တယ်။
ထိုင်ရက်နဲ့ ဝမ်ရိပေါ်က ရှောင်းကျန့်ခန္ဓာကိုယ်ကိုလက်တစ်ဖက်နဲ့ပွေ့ဖက်ထားသလိုဖြစ်ပြီး သူတို့နှစ်ယောက်ကြားထဲမှာဂစ်တာတစ်လက်သာရှိတယ်။
လက်ထဲပါလာတဲ့ ပုလင်းလေးကို ရိပေါ်ကလှည့်ပတ်ကြည့်တယ်။ ဒါကိုရှောင်းကျန့်ကဖွက်လာတယ်?
YOU ARE READING
Learning How To Love《 Completed 》
Fanfiction[ YiZhan ] crd: cover photo from Pinterest.